عاوزة ابقى كويسة
مممم
ما طبيعي جداً كلنا عاوزين نبقى كويسين
:)
بس احساس وحش اوى... انك في يوم كنت كويس اوى.. او تحسب نفسك كنت كويس
و دلوقتي مش لاقي نفسك ولا لاقي قلبك في اي حاجة...
كنت بدعي ربنا الفترة الي فاتت ان ربنا يفتت لي قلبي..
أصبح كالحجر... بل أقسى منه
بقالي كتير مابكتش من خشية الله
بقالي كتير ماتعرضتش لأي ابتلاء
و يبتلي المرء على قدر دينه
للدرجة دي انا ماعنديش حتى اي قدر من الدين !!!
للدرجة دي ربنا مش عاوزني دلوقتي!!
مُنعت من طاعات كتيرة قوى.... اما بسبب ذنوب.. او بسبب تقصير مني انى احافظ على الطاعات دي
من كام يوم في برنامج رياض الجنة للدكتور عمر عبد الكاافي و الشيخ وجدي غنيم و الشيخ صلاح سلطان
حكو قصة ان سيدنا محمد عليه الصلاة و السلام في يوم كان يصلي جماعة ببعض الصحابة.. و غلط في اية
و ماحدش من الصحابة غيرهاله
خلصت الصلاة و الرسول بيقولهم ليه ماحدش صححلي الاية
قالوله انهم افتكروها نسخة تانية للاية... ماحدش متوقع ان الرسول عليه الصلاة و السلام ممكن يخطأ في اية
قالهم انه أخطأ فيها... لأن فيه ذنب فعله احد المصليين ورائه .. حد من الصحابة في عمل غلطة... الغلطة دي منعت الرسول من التركيز..
يااه
امال انا يا حتة بتاعة و قاعدة طول اليوم في اماكن موبوءة بالمعاصى غصباً عني لحال الكلية او حال الشارع...
حسيت بالاحساس ده اوى امبارح وقت ندوة معينة و كدت ابكى لأول مرة من عشرتاشر سنة من خشية الله.. بس جت في وقتها بنت غير محجبة و لبسها ضيق...
و لم ابكى...
ممكن اكون بيتهيألي
و اكيد انا بدورلي على اعذار...
سمعت قريباً قصة لسيدنا عمر بن الخطاب
انه كان بيصلي عند الكعبة و رأي احد الرجال راح يصلي ركعتين
صلي ركعتين خفاف جدا
بعد ما فرغ من الصلاة رفع يده للدعاء
و قال: اللهم ارزقني الدرجات العلى من الجنة
اللهم ارزقني الحور العين
ف سيدنا عمر رضى الله عنه ضربه بالدرة بتاعته
و قاله فيما معناه... انتا مادفعتش حتى مهر كويس لطلبك ده...
كانت واحدة صاحبتي تقعد تقولي انها كانت بتقعد تدعي كتير قوى.. اللهم ارقزني الزوج الصالح
و تقعد تعدد صفاته و حسناته
و تزيد فيها بالدعاء
لحد ما في يوم قعدت مع نفسها تفكر... انا بدعي ربنا بالزوج الصالح... و يكون كويس اد ايه و ناجح اد ايه
طيب و انا فين!!!
هوا هيجي زوج صالح! بس انا مش زوجة صالحة ليه
ف بقت بتدعلها هيا كمان بعديها ان ربنا يصلح حالها و يجعلها كما يحب...
مممم
طرطشة افكار و كل فكرة بعيدة عن التانية :)
اسألكم الدعاء انى ارجع تاني كويسة :)
ما طبيعي جداً كلنا عاوزين نبقى كويسين
:)
بس احساس وحش اوى... انك في يوم كنت كويس اوى.. او تحسب نفسك كنت كويس
و دلوقتي مش لاقي نفسك ولا لاقي قلبك في اي حاجة...
كنت بدعي ربنا الفترة الي فاتت ان ربنا يفتت لي قلبي..
أصبح كالحجر... بل أقسى منه
بقالي كتير مابكتش من خشية الله
بقالي كتير ماتعرضتش لأي ابتلاء
و يبتلي المرء على قدر دينه
للدرجة دي انا ماعنديش حتى اي قدر من الدين !!!
للدرجة دي ربنا مش عاوزني دلوقتي!!
مُنعت من طاعات كتيرة قوى.... اما بسبب ذنوب.. او بسبب تقصير مني انى احافظ على الطاعات دي
من كام يوم في برنامج رياض الجنة للدكتور عمر عبد الكاافي و الشيخ وجدي غنيم و الشيخ صلاح سلطان
حكو قصة ان سيدنا محمد عليه الصلاة و السلام في يوم كان يصلي جماعة ببعض الصحابة.. و غلط في اية
و ماحدش من الصحابة غيرهاله
خلصت الصلاة و الرسول بيقولهم ليه ماحدش صححلي الاية
قالوله انهم افتكروها نسخة تانية للاية... ماحدش متوقع ان الرسول عليه الصلاة و السلام ممكن يخطأ في اية
قالهم انه أخطأ فيها... لأن فيه ذنب فعله احد المصليين ورائه .. حد من الصحابة في عمل غلطة... الغلطة دي منعت الرسول من التركيز..
يااه
امال انا يا حتة بتاعة و قاعدة طول اليوم في اماكن موبوءة بالمعاصى غصباً عني لحال الكلية او حال الشارع...
حسيت بالاحساس ده اوى امبارح وقت ندوة معينة و كدت ابكى لأول مرة من عشرتاشر سنة من خشية الله.. بس جت في وقتها بنت غير محجبة و لبسها ضيق...
و لم ابكى...
ممكن اكون بيتهيألي
و اكيد انا بدورلي على اعذار...
سمعت قريباً قصة لسيدنا عمر بن الخطاب
انه كان بيصلي عند الكعبة و رأي احد الرجال راح يصلي ركعتين
صلي ركعتين خفاف جدا
بعد ما فرغ من الصلاة رفع يده للدعاء
و قال: اللهم ارزقني الدرجات العلى من الجنة
اللهم ارزقني الحور العين
ف سيدنا عمر رضى الله عنه ضربه بالدرة بتاعته
و قاله فيما معناه... انتا مادفعتش حتى مهر كويس لطلبك ده...
كانت واحدة صاحبتي تقعد تقولي انها كانت بتقعد تدعي كتير قوى.. اللهم ارقزني الزوج الصالح
و تقعد تعدد صفاته و حسناته
و تزيد فيها بالدعاء
لحد ما في يوم قعدت مع نفسها تفكر... انا بدعي ربنا بالزوج الصالح... و يكون كويس اد ايه و ناجح اد ايه
طيب و انا فين!!!
هوا هيجي زوج صالح! بس انا مش زوجة صالحة ليه
ف بقت بتدعلها هيا كمان بعديها ان ربنا يصلح حالها و يجعلها كما يحب...
مممم
طرطشة افكار و كل فكرة بعيدة عن التانية :)
اسألكم الدعاء انى ارجع تاني كويسة :)
23 comments:
السلام عليكم
انا مش عارفه اقول ايه
بس كلامك فعلا بيلمس القلب جدا
انا فعلا جات عليا فتره كنت بقول لصديقتي نفسي ابكي .... وما اجمل البكاء وما فيه من راحه للقلوب
ربنا يجازيكي خير
السلام عليكم
كلامك جميل جدا يا مجاهدة بجد
انا اول مرة ادخل مدونتك
بس عجبنى البوست ده جدا وربنا يبارك فيكى ويبارك لك ان شاء الله
ادعيلى بظهر الغيب :)
وربنا يهدينا ان شاء الله وجميع المسلمين
ربنا يرضا عنك
أكيد مش هفيدك كتير لأن حالي مثل حالك
وأظن أسوأ
حالة مشتركة بسفعلا احنا محتاجين الواحد يقعد مع نفسه كثير ويتأمل كثر المواعظ والاستماع والكلام والمناقشات والأكشن بيلهي فعلا
أما بخصوص إن البلاء علامة على رضى الله نعم ولكن لا يجوز تمني البلاء شوفي الدعاء الجميل ده
اللهم إني أسألك اليقين والمعافاة
الاتنين مع بعض كان يدعو يهما رسول الله صلى الله عليه وسلم
هو اى حد فينا عنده برضه نفس الاحاسيس بالتقصير والبعد عن ربنا بس لازم يكون فيه دافع عشان نقرب لربنا وناخد بالاسباب ومنسبش للشيطان فرصة انه يحسسنا اننا وحشين فده يبعدنا اكتر لا احنا الحمد لله على الطريق بس محتاجين لعون الله طبعا والصحبة الصالحة ومجاهدة نفسنا بس مش لازم جلد الذات الكتير عن اللزوم اللى يبعد مش يقرب
الطبيعى ان حياتنا دى تكون لله عز وجل
" قل ان صلاتى ونسكى ومحياى ومماتى لله رب العالمين "
ولكن احيانا الشيطان بيلعب بدماغنا .. وساعة قلبك بتبقى ساعتين تلاته مش ساعة واحدة
ويقى ادامك حل كمن اتنين
اما هترجع لربك وتندم .. وده مش هيجى الا اذا احسست بالمعانى اللى حضرتك ذكرتيها دى
واما ..... اللهم عافنا
ما شاء الله
جميلة جدا
السلام عليكم
انا طبيعى حاسة بتقصير وبعد ماقريت كلامك ده حسيت بتقصير اكبر
ربنا يعينا على طاعته ياارب
ويجعلنا من اهل محبته
جزاكى الله خيرا مجاهدة
Hadeer
السلام عليكم
بجد كلمات اثرت في بجد
جزاكى الله كل خير يامجاهده
أعانكم الله كثيراً ...
من المهم أن يحاسي المرء نفسه كل حين ليري أي هو .. هل هو قريب أم بعيد ..
ويدعو الله عز وجل أن يرزقه العمل الصالح والأخوة الصالحيين ..
اعانكم الله اختنا علي فعل الخير ...
مممممم
انتى عارفة طبعا ان نفس الكلام ده معايا بقاله فترة
الله المستعان
كلامك لمسنى اوى يا مجاهدة
بجد ربنا يكرمك
كتير اوى بدعى ربنا وبطلب منه النجاح والتوفيق والرضا والجنة وحاجات كتير فى الدنيا انى انجح وانى اقدر احقق حلمى وانى الاقى الزوج الصالح ويرزقنى الذرية الصالحة..
وبعدين قعدت مع نقسى ..طيب انا بعمل ايه قصاد كل ده..
وبجد كنت ببقى مكسوفة اوى وانا بدعى..
بس انا ماليش غيره.. ماليش غير ربنا ادعيله واقوله قوينى واصلحلى حالى ..
ووصلت لنتجية انى ادعى ربنا انى يصلحلى حالى وانه يرضا عنى ده كل اللى عايزاه
بجد جزاك الله خيرا يا مجاهدة على الكلمات دى ويارب نبقى كلنا كويسين
أصلح الله حالك واعادك الى رشادك
اللهم امين
Manas
فعلا كتير بقعد مع نفسي وبحس اتي اقل نت اوقات عدت كتير واابق من نفسي لاني ببقي عايز اعلي من ارجع لورا
وافضل ادعي بنا اته يصلحلي قلبي ويثبتني علي الطاعة وعلي الحق ويتقبل مني
كلامك صاقك جداً بارك الله فيكي
السلام عليكم
اول مرة ادخل مدونتك :)
بس ماشاء الله جميله وتصميمها جميل
موضوعك جميييل جدا وحسيت انك بتتكلمي عني
بس كتير برضو قالو كدا لان دي حاجة موجوده عندنا كلنا كل واحد بيجي عليه وقت كدا بيحس بالاحساس دا
وان كنت انا عدت عليا فترة حسيت اني قريبه من ربنا بس حتي مش كنت عارفه انا عملت ايه عشان ابقي كويسه :(
لكن بعد كدا ....
رجعت زي الاول او حسيت اني في مكان بين اني اكون قريبه من ربنا وبين ماكنت في الاول عادي
ودلوقتي ساعات هنا وساعات هنا
وبرضو لسه بدور علي الحاجة اللي كنت عملتها في الاول خلتني كويسه او برضو زي ماتقولي عارفه بس مش عارفه اوصل لدا ازاي :)
كفايه كدا :D
مشاء الله ربنا يبارك لكى اختنا الكريمه على الموضوع
مش لازم يبتلى الانسان عشان يعرف انه متدين لكن ممكن يبتلى عشان يعرف هو على الحق ام لا او عشان ربنا يشوفه هيثبت ولا لأ
تذكري قول النبي صلى الله عليه و سلم لا تمنوا لقاء عدوكم و ان لقيتموه فاصبرو
حلو ان الانسان يكون حاسس بالتقصير لكن المهم الا يدفعه التقصير للاحباط و اظنك دارسه تنمية بشرية و فاهمة
كلام جميل
هو الإبتلاء نتيجة حب الله للعبد
إذا أحب الله قوماً ابتلاه
بس ربنا بيحب مين ؟
فى الحديث القدسى :
ما يزال عبدي يتقرب إلي بالنوافل حتى أحبه
يبقى النوافل اى زيادة العبادة وكدة هى طريق الحب
ودليل الحب هو باقى الحديث القدسى :
فإذا أحببته كنتُ سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، فبي يسمع، وبي يبصر، وبي يبطش، وبي يمشي، ولئن سألني لأعطينه، ولئن استعاذني لأعيذنه
ربنا يرزقك كل دة إن شاء الله
وجزاكى الله خيرا على البوست الجميل
:)
الكلام دخل قلبى اوى
يمكن عشان انا حالى زى حالك
عارفه لما حد يبقى بيطلع لفوووووووق
وسعيد اوى بطلوعه ده
فجأه تلاقيه عمال ينزل ينزل وهو حاسس انه مضايق وبيجاهد عشان يطلع تانى ويرجع للسعاده الى كانت فى قلبه ومش عارف
وعارف انه بينزل
ومش قادر يطلع
احساس فظيييييييييييييع
يارب اهدينا
ربنا يكرمك يا بنتى
عارفة يا مجاهدة
الواحد ممكن الشيطان ميكونش عارف يدخل له منين
يقوم يلبس له الحقائق
و يخيل اليه انه سئ ... او اصبح اقل في التدين
الانسان او المؤمن عامة له اوقات اوقات ... و اهم شئ انك تكوني معاكي صحبة صالحة علشان تنور لك طريقك و تهديكي سبيل الرشاد
لكن لا تتوهمي اشياء ... اسعي انت بس و لكن لا تضعي في رائك افكار محبطة و لكن افكار تدعوكي للعمل اكثر مع الاحتفاظ بهدوء الداخلي
...بس تقريباانا احب اصبح و امسي علي فرسيق كل الطلبة اللي اتجة للتدوين مؤخرا و اقول لكم جميعا وحشتوني ... و انا يا مجاهدة و ربنا يديم المفعروف دائما :)
ربنا يرضى عنك و يرضيكى يا مجاهدتى
تؤمتك
السلام عليكم ايتها المجاهدة
دائما ما تقوليه يمس قلبى ربما لما فيه من اخلاص رزقك الله الاخلاص فى القول والعمل
نريد ان نجدد دائما النيه لنجعلها خالصه لله عز وجل ونعلن توبتنا عما مضى من سهو عن طاعة الله ونجعل دعائنا دائما " ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب "
ومن طلب الاخلاص من الله بصدق فالله اكرم من ان يرده خائبا عسى الله ان يرحمنا ويهدى نفسنا العاصية ويحولها بقدرته الى نفس مطمئنة
Post a Comment