Tuesday, October 23, 2007

كلنا هذا الرجل

كتير مننا لما بتصيبه ازمة او مشكلة في حياته بيبقى متخيل انه الوحيد اللي حصله كده
و بيتخيل انه اكتر حد في الدنيا تعب او اتظلم او اتعرض لابتلاء

مع انه لو دوّر حواليه شوية هيلاقى انه فيه كتير غيره في نفس الموقف اللي هوا فيه

ده ممكن يلاقى حتى ناس اكتر منه في الابتلاء
و ممكن يلاقى بعضهم حتى اكبر منهم في صبرهم على الابتلاء


ساعات لما الواحد بيفضل قاعد مع نفسه من غير اي مشاركة بيبقى متخيل ان هموم الدنيا كلها عليه

و لو فكر في يوم انه يشارك همومه مع شخص بيحس بارتياح اكبر و اشد
و ارتياحه ده بيزيد اكتر لو سمع قصه مشابه لقصته
لناس مرو بنفس الموقف و عدو منه بسلام

بيستفيد من تجربتهم و يتسفيد من قصتهم

بيستفيد انه وزع الهم اللي عنده عليه و علي حد كمان يقدر يستوعبه و يقدر يشيل همومه


انا كان عندي حاجة مضايقاني قوى بقالي فترة
ابلتلاء بحسه من الابتلائات الدائمة
اللي مش بتخلص بعد اسبوع او اسبوعين
ولا حتى شهر ولا شهرين

عندي مشكلتين بقالهم معايا سنين
مشاكل كتيرة بتيجي و تخلص و دول معايا
ف كنت عايشة في تعب قوى اوى

لحد ما في يوم كنت بتكلم مع صاحبتي و بفضفض معاها
لاقتها عندها مشكلة شبيهة لمشكلتي

من يومين بكلم واحدة تانية لاقيتها بتقولي انا عندي مشكلة كذا و كذا
نفس مشكلتى

و امبارح واحدة كمان قالتلي انها عندها مشكلة كده

بصراحة انا لما عرفت انى مش الوحيدة فى الدنيا ارتحت

لأنى عرفت ان فى غيري بيعانو من نفس المشكلة

دى مش مشكلة اول مرة تحصل في تاريخ البشرية
لأ دي مشكلة و ليها حل اكيد
و زي ما هيا مشكلة اكيد ربنا بيبعت معاها رحمات من عنده عشان تصبر الواحد لحد ما يجتازها

علمى ان ربنا مطلع على كل الناس بيخليني استريح ان حقى عمره ما هيضيع
إن كان ربنا فضلني بشئ على اي من عباده ف دي لحكمة عنده
و ان كان ربنا منع عني اي شئ و اداه لبقية عباده... بردو حكمة منه
لعلى استفيد باللي عندي و استفيد من اللي مش عندي بردو



ممكن البوست مافرقش مع كتير منكم في حاجة
بس انا استريحت بكتابته
:)


23 comments:

عصفور المدينة said...

هو الفتيات كمان بيقولوا كلنا هذا الرجل زينا

الفضفضة لها تأثير نفسي إن الواحد بيحول الهم إلى شيء ملموس أمامه مشاهد أبعاده معروفة بدلا من أن يكون احتقان داخلي

دهاء سياسي said...

السلام عليكم و رحمة الله و بركاته

ازيك يا مجاهده ؟؟ وحشاااااااااانى كتير جدا

البوست ده جاى فى وقته معايا اوى ..

مش عارفه بس الفترة الى فاتت دى حسيت ان تقريبا معظم الى اعرفهم من فئة الشباب العمرية هندهم مشاكل ..
يمكن دى تكون ظاهرة غريبة .. بس فعلا حياتنا بقى فيها عوامل كتيرة تقدر تصيب الواحد بالاكتئاب السريع ..

كلامك مضبوط بخصوص موضوع الفضفضه .. بس ساعات بحس بعد ما اتكلم مع حد و احس انى مرتاحه لفترة .. ان لو كنت احتفظت بالموضوع جوايا كان يبقى احسن .. مع ان الشخص الى بناقشه فى مشكلتى شخص امين جدا ..

و ساعات تانيه بحس ان محدش ليه ذنب ازود همومه هم جديد ..

و ساعات تالته بحس انى بشيل هموم الناس الى بتيجى تفضفضلى و افضل مشغوله بيها و اتعب علشانهم يمكن اكتر منى

يمكن فى فترة كنت بحس ان الفضفضه شىء كويس ..بس دلوقتى بقيت بحس بعكس كده

بس الى دايما بحس انه اكتر حاجه بتريح الواحد هيه انك تفضفضى بس مع ربنا .. فعلا بتحسى بخصوصيه جامده اوى و براحه شديده

أسأل الله ان يجعل لنا من كل هم فرجا و من كل ضيق مخرجا و ان يرزقنا من حيث لا نحتسب

دهاء سياسي said...

شوفى اللينك ده .. الاغنية التانيه جميلة اوى اوى .. بحس انى بخرج من الى فيه لما بسمعها :)

http://nojoomol7era.blogspot.com/2007/10/i-hope-u-dance.html

mohamed said...

أكيد كل واحد في حياته مشاكل وابتلائات

وفي برضه حاجات بيحول يحققها وتبق حاجات جميله

بس في نفس الوقت هيقبال ناس مش جوها الا الحقد ويكرهوا ليه الخير ويحولوا يبوظا عليه اي حاجة بيعملها باي طريقة ..وممكن يفضلوا يشوهوا صورته ويطلعوا عليه اشاعات وقصص متخلفه من خيالهم المريض

فحتي الاعمال اللي بنجز فيها الواحد هيلاقي فيها اعدائ بيحاربوه في شغله وورزقه ومش عارفين ان الأرزاق مش بأديهم

فدول الواحد يوقل اللهم أكفينهم بما شئت وكيف شئت

هيروحوا من ربنا فين

اما موضوع الفضفضه مش هيفرق لأن نادر اما الواحد يلاقي حد يسمعه ويفهمه
فيسكت احسن ويشتكي لربنا

اما من ناحية السمع فالحياة مليانه ربنا يعافينا

محمد عبد الرحمن said...

السلام عليكم
موضوع الفضفضة أكيد يشكل تنفيسا عن ما يقلق ويؤرق وقطعا لا يخلو احدنا من مشاكل منغصة زائرة أو مقيمة وأحيانا مستوطنة لكن الكثيرين يتحسسون من طرحها حتى على أقرب المقربين ويتحرجون من أن يحدثوا بها أهل الخبرة والثقة من الناس فتكبر المشكلة خرافيا حتى تصل إلى ما يشبه جبلا من الوهم أو تلا من الخرافة يحجب عن النفس أحيانا الأمل فى إنقشاع الغمة والخروج من أسر الكرب
أسأل الله أن يفرج كرب المكروبين

محمد عبد الغفار said...

ان الله لا يصنع شراً بأحد وان كان ظاهره شر محض فى الواقع خير محض

المشكله فى فهمنا وتلقينا

علاء عارفين said...

بقالي كتييير ما بدخلش المدونه هنا . . في الوقع بقالي كتير مبدخلش في اي حته . .

المهم الواحد دايماً يحش انه فعلاً اكتر واحد مهموم في الدنيا بس لما يلاقس انه مش لوحده في الحفره بيستريح و دي فكره ال
group therapy

لعلاج الادمان و غيره من المشكلات . . لما كل واحد يقوم يحكي حكايته مع المشكله يقوم الباقيين يحسوا انهم مش لوحدهم . .

shorouk said شروق سعيد said...

معاكي في كل كلمة
أنا مثلاً بدون مع إني مش موهوبة أوي في الكتابة
بس نوع من التنفيس

بس بلاش كلنا هذا الرجل
عشان لا أنا و لا إنتي رجل

Anonymous said...

وعليكم السلام ورحمه الله وبركاته,,
وحشتينى يا جوجو :)

فعلا كلنا هذا الرجل .. ساعات كتير بتجلى الحاله ديه انى الوحيده الى عندها كل المشاكل بس احسن حل علشان الواحد يطلع منها هى انه يعقد يفكر فى ناس اكتر منه كتير فى مشاكلهم ساعات هيحس براحه جامده اوى زى كانه فضفض بالظبط ... لانى مش مع الفضفضه ابدا لانه فعلا قلما متلاقى الى يسمعك بحب واهتمام

محمد said...

هو فعلا كلنا هذا الرجل

ولكن أنا عندي نظرية في هذا الأمر .. إن الإنسان عندما يكون لديه مشكلة فإنه ينظر إلى نفسه بمنظوره الشخصي , ربما لو نظر إليها بمنظور عام لرأى في غيرها ما فيها

وأيضا الإنسان عندما ينظر لنفسه فإنه يكون على ارتفاع معين فإذا ما رأى ما بداخل نفس أخرى فإنه يكون على ارتفاع أكبر وهكذا , حتى تصبح نظرته للأمور أكبر وأشمل

حقيقي الفضفضة أمر مريح ولكن دائما المشكلة لمن ؟؟


بالمناسبة هذه الجملة لا تكرريها

ممكن البوست مافرقش مع كتير منكم في حاجة
بس انا استريحت بكتابته
:)


لأن أي شخص دخل مدونتك فهو مهتم لمعرفة ما تكتبيه فيها , مهتم لأن يقرأ خواطرك , وانت لم تجبري أحدا على القراءة

Maha said...

بسم الله

السلام عليكم ورحمة الله

مجااااااااااهدة .. امسسسكي .. وسم وسم

Unknown said...

وأدعوكم للأشتراك في الأستطلاع على مدونتي
وجزاكم الله خير

زمردة said...

السلام عليكم ورحمة الله وبركاته

مقولة اؤمن بيها تماما

اللي يشوف بلاوي (مصايب) الناس تهون عليه بلوته ( مصيبته)ا

المشاركة والفضفضة بتريح

قرج الله كروباتنا واذهب همومنا وانزل سكينته في قلوبنا

بوست جميل سلمت يداكي

المهـ إلي الله ـاجر said...

إن ما تصفيه أختي يسمي بنعمة التسلي

واذكر لك هذا البيت الذي قالته الخنساء قبل أن تسلم عندما مات أخوها صخر الذي كانت تحبه حباً كبيراً فأشعرت تقول :

ولوا كثرة الباكين حولي علي إخوانهم لقتلت نفسي

لذا فإن نعمة التسلي نعمة عظيمة لا يعلم قيمتها إلا كل صاحب عقل



جزاك الله خيرا

ahmed mefrh said...

هناك قواسم مشتركه بين الاخرين
من الممكن ان تكون لديك مشكله عند الاخرين بل تجد ان المجتمع كله عنده نفس المشكله

تحياتى اليكى
ابو مفراح

Anonymous said...

فعلا تدوينتك دي خلتني افكر في حجات كتير

http://vo-ppl.blogspot.com/

محمد عبد المنعم said...
This comment has been removed by the author.
محمد عبد المنعم said...

يحضرني تعليقا على هذه التدوينة المتميزة حديث شريف

عن أبي هريرة رضي الله عنه قال: قال رسول الله صلى الله عليه و سلم: إذا نظر أحدكم إلى من فضل عليه في المال و الخلق فلينظر إلى من هوأسفل منه

و في رواية: انظروا إلى من أسفل منكم . ولا تنظروا إلى من هو فوقكم . فهو أجدر أن لا تزدروا نعمة الله عليكم

حديث صحيح

حزيــــــــــــــــــن said...

بقالى فتره طويله عايز اعلق عند حضرتك
ولكن ظروفى كانت صاعبه
بارك الله فيك
حضرتك فى ساحه اسمها ساحة المسانده النفسيه فى موقع عمرو خالد
بغض النظر انت بتتفقى معاه او لأ بس هناك فى موضوع اسمه فضفضه او هنا فريق المسانده فى المواضيع المثبته
اتمنى انك تشوفيه
ممكن يزيدك خبرات جميله

لحظة said...

كلامك ممتاز جدا
ولكن فيه مشكله كبيرة
ان انا عارفة ان ربنا سبحانه له حكمه في كل شيء حتى لو لم نعلمها
لكن ازاي نرضى
دي اصعب حاجة
ربنا يرزقنا نعمة الرضا بقضاؤه
والصبر والتسليم واليقين

همسة حنين said...

اختي المجاهدة اشكرك على مدونتك الجميلة دي
ربنا يجزاكي خير وينفع بيكي الاسلام والمسلمين يارب
اختي لي طلب عندك
ياريت تشاركينا في منتديات بوابة العرب على الرابط
www.arabsgate.com/vb

المجاهدة said...

ربنا يعزكم جميعاً
:)

جزاكم الله خيرأً كثيراً

اعتذر عن التأخير ده كله

ان شاء الله ابقى ارجع تاني للمدونة
ربنا يعزكم على تواصلكم الدائم ده :)

Unknown said...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى