عودة
السلام عليكم و رحمة الله
:)
كل شوية ارجع و اقول هكتب، و بعدين اختفي بعد ما اكون لاقيت شوية ناس من يقرو كلامي تاني
و حالتي في تخبط كل شوية
المهم انى بقالي فترة كل شوية تيجي حاجة في مخي، و اقعد اقول يا ريتني بكتب في المدونة دلوقتي ولا على اي منتدى عشان اترجم الافكار اللي في مخي لكلام و ناس تدخل تعلق
انا فعلاً محتاجة انى اكتب اللي جوايا
محتاجة انى اطلع اللي جوايا، سواء في حد هيقرى او مش هيقرى
انا مفتدقه حد يسمع كلامي و يديني نصايح وقت ما اكون محتاجة
او حد يسمع و خلاص، و هوا مهتم
ف ان شاء الله - ان شاء الله تاني- انا هرجع اكتب تاني
سواء حد لسه عايش معايا بيقرى اللي بيكتب او لأ
انا هكتب عشان نفسي اطلع اللي جوا و خلاص
لو حد بيقرى... منورين المدونة :)
ــــــــــــــــــــــــــــــــــــــ
هكتب عن اخر موقف في مخي دلوقتي
و كنت لسه بتكلم فيه الصبح مع صحابي من ايام المدرسة
مع اننا كنا اصحاب اوى ايام المدرسة، كنا مع بعض كل يوم
و كل يوم بنبقى مع بعض اغلب اليوم
كنت فعلأً بشوفهم اكتر من اهلى اللي معايا في نفس البيت
و بعدين افترقنا كل حد فينا راح لكلية
و كل حد طلع من الكلية و اشتغل في مكان واخد وقته و جهده
مع الوقت بقينا قليل اوى اما بنشوف بعض
و بنسأل على بعض مرة كل شهر، كل شهرين
فيه ناس منهم بعرف اخبارهم بالسنة
بس انا لسه بحبهم كلهم
و عارفه صدق نيتهم
ان فعلاً فيه حاجات كتيرة لو كانت في ايديهم كانوا هيغيروها
غير كده، بحبهم عشان بيقبلوني زي مانا
من غير ما يحاولوا يغيروا فيا او ينتقدوا او يعملوا اي حاجة لأي حد فينا تغير من حياته
كل حد فينا ليه توجه، و ليه اسلوب حياة، و ليه طريقة
فعلأً مختلفين عن بعض تماما
و مع ذلك، بنتقبل كلنا بعض من غير اي انتقاد او اي محاولة تغيير عشان يمشو معانا
كننا بنتكلم النهاردة عن ازاي فيه ناس نعرفهم في حياتنا، و هما بُعاد عننا، و مانعرفش عنهم اي حاجة
يهم صنفين، ناس فيهم مهتمة و فعلاً صادقة
و ناس بتدى اعذار مالهاش لازمة و شكل الموضوع مش فارق معاها
و هحكلكلم على الصنفين دول في حياتي، لموقف حصل قريب اوى اوى، انا لسه في الموقف ده حتى
من يومين و انا نازلة على السلم وقعت و جالي تمزق في الاربطة و رجلي اتجبست
و هفضل في الجبس اسبوعين تلاتة و الدكتور موصيني انى على الاقل في الاول ماتحركش كتير، بعد كده ممكن اتحرك بس طبعاً مش بالدرجة و واخدة اجازة من الشغل
صحابي بتوع المدرسة فيهم واحدة لسه راجعة من السفر قريب و لسه ماشفتهاش
اول ما عرفت على اللي حصللي كلمت اتنين كمان و جولي في البيت على طول عشان يطمنوا عليا
ناس ماشفتهمش بقالي سنة - عشان ظروف كل حد فينا- بس اول ما عرفوا على اخبارى ماترددوش لحظة واحدة و لو في حاجة بسيطة
واحدة تانية من المدرسة اول ما عرفت جاتلي في لحظتها على البيت
واحدة تانية، كنت متفقة معاها على معاد من اسبوعين
صاحبتي بقالها بتاع خمس سنين مثلاً، و فعلأً كانت في الاول من اكتر الناس اللي وقفت جمبي في مشكلة كانت عندي في حياتي
و كنت ساعتها بدعيلها تقريباً كل يوم
و بجد وقفت جمبي اوى ربنا يباركلها بجد
و بعدين حصلي موقف تاني و كنت محتاجاها، و هيا ساعتها كانت مشغولة في حياتها
و والله مع انى كنت متضايقة لعدم وجودها إلا انى فعلأً سامحتها و قدرت انها عندها حياتها
و بقالنا كتير اوى مش بنتكلم غير كل كام شهر مرة
نتطمن على بعض و خلاص
و والله مش فاكرالها غير كل خير
و بعدين اتفقنا على معاد من فترة اننا نتقابل فيه
بعتلها قلتلها على رجلي و انى ماينفعش اخرج من البيت دلوقتي
بعتتلي رد حسستني فيه انها مش مصدقة كلامي و انى بطلع اي عذر و خلاص
و انها ماعندهاش تعليق على اللي بيحصل
فكرت جدياً وقتها انى ابعتلها صورة ليا و انا بالجبس.... و بعدين صعبت عليا نفسي
مش صعبت عليا عشان شكلى بالجبس... بفضل الله الموضوع كله مش مأثر معايا بأي درجة
بس صعبت عليا نفسي انى اكون بقولها حاجة و هيا مش مصدقاني
حسيت ان الموضوع فعلأً مش مستاهل....
لما جُم صحابي النهاردة بتوع المدرسة افتكرت البنت دي اوى
افتكرت اد ايه انا اصلاً بطلت استني اي حاجة من اي حد... لا حاجة كويسة ولا حاجة وحشة
افتكرت انى بقدر حياة كل واحد و انشغاله، حتى لو كنت محتاجة حد جمبي و مالقيتوش
انا مقتنعة ان اللي انا محتاجاه لحياتي ربناي هيبعتهولي
لو موقف معين و ربنا عارف انى مش هقدر اكمله لوحدي هيبعتلي انسب و اجرد حد يقف جمبي فيه
حتى لو انسب حد ده مش حد انا متوقعاه
عشان كده بطلت ازعل من الناس لو مالقتهمش جمبي
بقدر ظروفهم و موقفهم و ببقى متأكده ان ده الخير ليا و ربنا هوا اللي يّسره
بس لو هتوصل لدرجة ان حد فعلاً مايبقا فارق معاه اي موضوع
و كمان يكون بيكدّب كلامي.... فعلاً الموضوع مش مستاهل
الحمد لله .....
انا عارفة ان كل كلامي ملخبط و كل افكارى ملخبطة
عشان كده عاوزة افكر اي حد بيقرى ان ده سبب انا ليه رجعت اكتب تاني :d
انا بقالي كتير مش بعرف اوضب افكارى ولا اوضب اللي عاوزة اقوله، و بقالي كتير مش بطلع اي حاجة انا بحس بيها بره
ف طبيعي ان اول مرة من زمن ارجع اكتب تاني او اتكلم يكون الكلام مكعبر :)
جزاكم الله خيراً اللي لسه بيقرى المدونة
و يا رب تكونوا بخير :)
:)
كل شوية ارجع و اقول هكتب، و بعدين اختفي بعد ما اكون لاقيت شوية ناس من يقرو كلامي تاني
و حالتي في تخبط كل شوية
المهم انى بقالي فترة كل شوية تيجي حاجة في مخي، و اقعد اقول يا ريتني بكتب في المدونة دلوقتي ولا على اي منتدى عشان اترجم الافكار اللي في مخي لكلام و ناس تدخل تعلق
انا فعلاً محتاجة انى اكتب اللي جوايا
محتاجة انى اطلع اللي جوايا، سواء في حد هيقرى او مش هيقرى
انا مفتدقه حد يسمع كلامي و يديني نصايح وقت ما اكون محتاجة
او حد يسمع و خلاص، و هوا مهتم
ف ان شاء الله - ان شاء الله تاني- انا هرجع اكتب تاني
سواء حد لسه عايش معايا بيقرى اللي بيكتب او لأ
انا هكتب عشان نفسي اطلع اللي جوا و خلاص
لو حد بيقرى... منورين المدونة :)
ــــــــــــــــــــــــــــــــــــــ
هكتب عن اخر موقف في مخي دلوقتي
و كنت لسه بتكلم فيه الصبح مع صحابي من ايام المدرسة
مع اننا كنا اصحاب اوى ايام المدرسة، كنا مع بعض كل يوم
و كل يوم بنبقى مع بعض اغلب اليوم
كنت فعلأً بشوفهم اكتر من اهلى اللي معايا في نفس البيت
و بعدين افترقنا كل حد فينا راح لكلية
و كل حد طلع من الكلية و اشتغل في مكان واخد وقته و جهده
مع الوقت بقينا قليل اوى اما بنشوف بعض
و بنسأل على بعض مرة كل شهر، كل شهرين
فيه ناس منهم بعرف اخبارهم بالسنة
بس انا لسه بحبهم كلهم
و عارفه صدق نيتهم
ان فعلاً فيه حاجات كتيرة لو كانت في ايديهم كانوا هيغيروها
غير كده، بحبهم عشان بيقبلوني زي مانا
من غير ما يحاولوا يغيروا فيا او ينتقدوا او يعملوا اي حاجة لأي حد فينا تغير من حياته
كل حد فينا ليه توجه، و ليه اسلوب حياة، و ليه طريقة
فعلأً مختلفين عن بعض تماما
و مع ذلك، بنتقبل كلنا بعض من غير اي انتقاد او اي محاولة تغيير عشان يمشو معانا
كننا بنتكلم النهاردة عن ازاي فيه ناس نعرفهم في حياتنا، و هما بُعاد عننا، و مانعرفش عنهم اي حاجة
يهم صنفين، ناس فيهم مهتمة و فعلاً صادقة
و ناس بتدى اعذار مالهاش لازمة و شكل الموضوع مش فارق معاها
و هحكلكلم على الصنفين دول في حياتي، لموقف حصل قريب اوى اوى، انا لسه في الموقف ده حتى
من يومين و انا نازلة على السلم وقعت و جالي تمزق في الاربطة و رجلي اتجبست
و هفضل في الجبس اسبوعين تلاتة و الدكتور موصيني انى على الاقل في الاول ماتحركش كتير، بعد كده ممكن اتحرك بس طبعاً مش بالدرجة و واخدة اجازة من الشغل
صحابي بتوع المدرسة فيهم واحدة لسه راجعة من السفر قريب و لسه ماشفتهاش
اول ما عرفت على اللي حصللي كلمت اتنين كمان و جولي في البيت على طول عشان يطمنوا عليا
ناس ماشفتهمش بقالي سنة - عشان ظروف كل حد فينا- بس اول ما عرفوا على اخبارى ماترددوش لحظة واحدة و لو في حاجة بسيطة
واحدة تانية من المدرسة اول ما عرفت جاتلي في لحظتها على البيت
واحدة تانية، كنت متفقة معاها على معاد من اسبوعين
صاحبتي بقالها بتاع خمس سنين مثلاً، و فعلأً كانت في الاول من اكتر الناس اللي وقفت جمبي في مشكلة كانت عندي في حياتي
و كنت ساعتها بدعيلها تقريباً كل يوم
و بجد وقفت جمبي اوى ربنا يباركلها بجد
و بعدين حصلي موقف تاني و كنت محتاجاها، و هيا ساعتها كانت مشغولة في حياتها
و والله مع انى كنت متضايقة لعدم وجودها إلا انى فعلأً سامحتها و قدرت انها عندها حياتها
و بقالنا كتير اوى مش بنتكلم غير كل كام شهر مرة
نتطمن على بعض و خلاص
و والله مش فاكرالها غير كل خير
و بعدين اتفقنا على معاد من فترة اننا نتقابل فيه
بعتلها قلتلها على رجلي و انى ماينفعش اخرج من البيت دلوقتي
بعتتلي رد حسستني فيه انها مش مصدقة كلامي و انى بطلع اي عذر و خلاص
و انها ماعندهاش تعليق على اللي بيحصل
فكرت جدياً وقتها انى ابعتلها صورة ليا و انا بالجبس.... و بعدين صعبت عليا نفسي
مش صعبت عليا عشان شكلى بالجبس... بفضل الله الموضوع كله مش مأثر معايا بأي درجة
بس صعبت عليا نفسي انى اكون بقولها حاجة و هيا مش مصدقاني
حسيت ان الموضوع فعلأً مش مستاهل....
لما جُم صحابي النهاردة بتوع المدرسة افتكرت البنت دي اوى
افتكرت اد ايه انا اصلاً بطلت استني اي حاجة من اي حد... لا حاجة كويسة ولا حاجة وحشة
افتكرت انى بقدر حياة كل واحد و انشغاله، حتى لو كنت محتاجة حد جمبي و مالقيتوش
انا مقتنعة ان اللي انا محتاجاه لحياتي ربناي هيبعتهولي
لو موقف معين و ربنا عارف انى مش هقدر اكمله لوحدي هيبعتلي انسب و اجرد حد يقف جمبي فيه
حتى لو انسب حد ده مش حد انا متوقعاه
عشان كده بطلت ازعل من الناس لو مالقتهمش جمبي
بقدر ظروفهم و موقفهم و ببقى متأكده ان ده الخير ليا و ربنا هوا اللي يّسره
بس لو هتوصل لدرجة ان حد فعلاً مايبقا فارق معاه اي موضوع
و كمان يكون بيكدّب كلامي.... فعلاً الموضوع مش مستاهل
الحمد لله .....
انا عارفة ان كل كلامي ملخبط و كل افكارى ملخبطة
عشان كده عاوزة افكر اي حد بيقرى ان ده سبب انا ليه رجعت اكتب تاني :d
انا بقالي كتير مش بعرف اوضب افكارى ولا اوضب اللي عاوزة اقوله، و بقالي كتير مش بطلع اي حاجة انا بحس بيها بره
ف طبيعي ان اول مرة من زمن ارجع اكتب تاني او اتكلم يكون الكلام مكعبر :)
جزاكم الله خيراً اللي لسه بيقرى المدونة
و يا رب تكونوا بخير :)
10 comments:
السلام عليكم
الأخت الطيبة المجاهدة
أولا نورتي التدوين مرة أخري . وسبحان الله . اول أمس تقريباً دخلت مدونتك قدراً وتذكرت ان هناك أخت صغري لنا كانت تكتب كلمات غاية في الصدق والفائدة . ولاحظت غيابك منذ حوالي سبعة أشهر وحزنت لأن يفقد التدوين قلم بقيمة قلمك وحزنت أيضا أن يغيب المتميزون في الوقت الذي يزيد فيه التافهون . والحمد لله ان وجدت في الريدير الآن مقال جديد لك . . اسأل الله ان يوفقك وأن يعينك علي التواجد المستمر لإفادة إخوانك واخواتك دائما إن شاء الله
السلام عليكم
بدايتاً الف سلامه شفاك الله وعافاكى وجعل ذلك فى ميزانك ان شاء لله
ثانياً: بالنسبه لموضوع الكتابه والتدوين ووجود صعوبه فى ذلك تغلبى عليه بالاصرار والعزيمه وزكرى نفسك دائماً بانك مجاهده،أما بالنسبه لموضوع الصداقات القديمه فهو امر جميل جداً ان يكون للانسان اصدقاء من زمن حتى لو اختلف معهم فى الفكر والرئ والاجمل ان يحاول ان يعرف اخبارهم ويشاركم الاحداث الهامه فى حياتهم وان يلتمس لهم الاعزار فكل انسان له حياته المليئه بالمشاغل والافضل دائماً ان يكون هو صاحب المبادره فى السؤال والاطمئنان عليهم،وبخصوص الصديقه التى اخذت موقف غير مناسب معكى فالتمسى لها عزراً واعلمى ان" من اراد صديقاً من غير عيب فلا صديق له"
وكما تفضلتى وقلتى ان الله يرسل لنا من نحتاج اليه فى الوقت المناسب فهذه الصديقه التى كانت فى السفر وجأت ومعها اخريات كى تزورك فقد ارسل الله بها هى وغيرها كى تعوضكى قسوة وشدة الصديقه الاخره بصدق حبها لكى و حرصها على صداقتكى واخراً اعتزر على طول الكلام والرغى الكثير !!!حضرتك انت قولتى اى حد يتكلم وخلاص؟؟.. ومرحباً بكى من جديد فى ساحة التدوين.
ألأف سلامة عليكي
الجبس للجدعان برضه :)
:):)
بجد دايماً بتدخلو السرور على قلبي
الحمد لله ان فيه ناس جميلة زيكم لسه موجودة :)
ربنا يعزكم
أخي المهاجر إلى الله
:):)
ربنا يعزك يا اخي
بجد دايماً بفتكركم بالخير و بفتكركم في دعائى كل فترة
يا رب حضرتك تكون بخير :):)
ان شاء الله ارجع تاني... انا محتاجة انى ارجع تاني
ربنا يباركلك :)
اخي هاني
حضرتك ماطولتش في الكلام ولا حاجة :) بالعكس كنت محتاجة كلام زي اللي قلته حضرتك
ربنا يباركلك
:)
محمد
افتكرتك جداً و انا في المستشفي بيعملولى الجبس :d
عليكم السلام ورحمة الله
حمدا لله على سلامتك.. نورتي المدونة تاني
:)
ألف سلامة عليك.. شفاك الله وعافاك.. ربنا يتم شفائك على خير
:)
و عليكم السلام و رحمة الله
عود أحمد و الله فرحت بعودتك
و اتم الله لك الشفاء
أخي وضاح
:):)
الله يسلم حضرتك يا اخي
سعدت جدااا لما شفت اسم حضرتك
يا رب تكون بخير :)
اخي أنا و أفكارى
:)
و انا كمان فعلاً فرحت اما شفت اسم حضرتك هنا :)
انا كنت فاكرة ان حضرتك بطلت كتابة... بس الحمد لله على سلامة عودة حضرتك بردو :)
ألف سلامة على حضرتك ..
شفاك الله وعفاك :)
أخى عمرو
الله يسلم حضرتك يا اخي
:)
يااااااااااه
ولكم باك يافندم !!
كل دي غيبه
معليش الدنيا واخده حضرتك مننا( :) )
ماشاء الله حسيت من كلامك بجد ماشاء الله على النقاء اللي جوا حضرتك
والف سلامه على رجليكي
Post a Comment