Thursday, February 11, 2010

كلام...

بلوجى الحبيب
smile.gif
فاكرة اد ايه كنت بتنطط بيه قبل كده.... قد ايه كان مصدر سعادة ليا، و مصدر ليا انى اعبر عن اللي بيحصل جوايا

انا مش عارفة انا بكلم مين دلوقتي smile.gif و مش عارفة انا عاوزة اقول ايه
جوايا كتير قوى قوى عاوزة اقوله، ف قولت استغل فرصة وجود بلوج كده و اقعد اشخبط فيه اي حاجة... ممكن حاجة تطلع smile.gif

* النهاردة قريت حاجة كتبها احد اصحاب "عُمر سليمان" الله يرحمه.. بيكتب فيها عن طريقة كان عُمر بيعملها عشان يصلح من قلبه و يصلح من نفسه
اختصاراً، انه كان مخلي ورقة معاه في محفظته، كل شوية يطلع يكتب فيها حاجة
يكونوا واقفين مع بعض بيتكلموا و بيضحكو، و قبل ما يمشوا عمر يطلع الورقة دي و يكتب فيها حاجة... و يعمل الموقف ده بعد كل مرة تجمع ليه مه ناس
الورقة بيبقى مكتوب فيها مثلاً "الكذب"
و يكتب بعد كل وقفة او تجمع ليه مع ناس... هوا كذب كام مرة وسط ما بيتكلم مع الناس
و مقسم الورقة دي على ايام الاسبوع... ف كذب يوم الحد مثلاً 4 كذبات، يوم الاتنين 7
و حصيلة الاسبوع مثلاً 20 كذبة
و الهدف انه الاسبوع الجاي يقلل من عدد الكذبات

و بيعديها يدخل على الغيبة... و هكذا

حركة حلوة اوى عشان تفضل دايماً مراقب نفسك، و واخد بالك من كل حاجة بتعملها و يتقولها
حركة حلوة عشان تصلح نفسك، و تخلي دايماً قلبك يقظ....

الولد ده معقدني biggrin.gif
ربنا يرحمه و يتقبله من عباده الصالحين smile.gif


* انا متضايقة من نفسي اوى بقالي كام يوم
كنت فاكرة انى من كام يوم وصلت انى فعلأً ابقى فاهمة الدنيا اوى و فاهمة الاخرة اوى... و فاهمة كل حاجة حقيقتها ماشية ازاي
و بعدين... مش عارفة ليه.... بجد مش عارفة ليه
فجأة بطلت اعمل اي حاجة
مع انى كان المفروض وقتها اشتغل اكتر و اعبد اكتر و اعمل حاجات اكتر
مش عارفة ليه يا اما في ايام كنت زي مانا... من غير اي اضافة
يا اما ايام تانية بقلل حتى اللي كنت بعمله

حاسة دلوقتي انى مش عارفة اجيب تاني نفس الاحساس اللي كنت فيه اول الاسبوع
النهاردة كنت ماشية في البيت عمالة بفكر... انى نفسي في حاجة، اشارة، او اي حاجة، تيجي تقولي ان ربنا راضى عني
و اقعد اكلم نفسي و اقول ماهي الحاجة دي مش هتيجي... و انا لازم اشتغل و اعمل
و بعدين لاقتني بفكر... انى نفسي في باب يكون مفتوح
فجأة حسيت ان كل الابواب مقفولة قدامي
حسيتني فجأة مخنوقة و مش عارفة افكر ... عايزة اعيط اوى
نفسي اوى في باب يكون متوارب حتى...

انا مش عارفة انا بعمل ايه دلوقتي... عارفة ان الشيطان هيستغل دي فرصة عشان يوسوس بأي حاجة نفسه فيها :s
نفسي ارجع افكر بصفاء شوية عشان اعرف المفروض اعمل ايه و ماعملش ايه...

كتير قوى بيبقى نفسي ان الرسول عليه الصلاة و السلام يبقى عايش معانا في نفس زمااننا
عشان في الاوقات اللي زي دي اروح اتكلم معاه و اشتكيله من نفسي
و بعدين الاقيني بتكسف من نفسي، انه لو كان موجود انا طبعاً اتكسف اروجله اتكلم معاه و انا حالتي كده، و انا في البعد ده و الحالية القليلة دي

ساعات تانية اقعد اقول انه هوا معانا.... احنا حتى في اوقات بحس اننا عندنا فرصة احسن من الصحابة اللي كانوا عايشين معاه
لأننا عندنا الدين كامل، و عندنا اراء علماء صالحين في كل حاجة بقالها اربعة الاف سنة
على وقتهم ممكن يكون فيه شوية اجابات مش موجوده، او مش معروفة...لأنها كانت بتحصل و بتتعرف في السكة...
احنا عندنا كل حاجة كاملة

ف اللي ناقص... انى اروح اشوف الدين بيقول ايه للناس اللي حالتهم زيي
كلام الرسول عليه الصلاة و السلام، كلام الصحابة، كلام العلماء، كلام حتى الناس اللي مش مسلمين لما بيتكلموا عن قلة الهمة...

يا رب...
سامحنى...
عنني..
ماتسينيش افضل بعيده عنك...
يا رب....

8 comments:

منة الله said...

:)

آمين يا حبيبة

المجاهدة said...

وحشاني و وحشني الكلام معاكي :):)

safa7_karmooz said...

عندك كذا باب مفتوح

ربنا

كلميه هتحسى براحه

ادعيه

مش لازم تكونلنا حاجه عشان نكلمه

ربنا يهدى سرك

المجاهدة said...

:):)
كلامك سليم... الحمد لله فعلاً انه دايماً فيه بيننا و بين ربنا صلة... ربنا يزيدها و يقويها و يثبتنا


فرحت اوى بجد لما شفت تعليق من حضرتك :):) يا رب نكون بخير :)

فقاقيع كلام ـ شروق الشمس said...

المجاااهدة
والله وحشاني ووحشني التدوين
والروح اللي كانت بينا
يااااااااه سبحان الله الذكريات وكأنها امبارح... وياريت نرجع تاني ندوّن

فكرة رااائعة لمراقبة النفس
جزاكي الله خيرًا على طرحها

والله المستعان

محمد إمام said...

فين أيام زمان ؟
:)

MR.PRESIDENT said...

مستنين موضوعات جديدة
وعوداً حميدا
ومفيش حد قدر يفهم الدنيا قد كدا
لان اللي فهمها تضائل قصاد الرحمن

Uouo Uo said...


thx

شركه تنظيف