إِشْتَقْتُ إِلَيْكَ
من فترة طويلة اوى كنت كاتبة في التوقيع عندي الكلمة دي : إِشْتَقْتُ إِلَيْكَ ...
و كل شوية حد يدخل يسألني دي ايه... و كل الناس مافيش في دماغها غير شخص واحد ممكن الي اكتب عليه كلمة زي دي
و كنت بقولهم لأ مش هوا... و ساعات كتير كنت بسكت
او كنت ارد رد واحد و خلاص
بصراحة الكلمتين دول حاسه بيهم اوى بقالي فترة
إِشْتَقْتُ إِلَيْكَ
اشتقت لربنا بجد!
اشتقت لايام زمان...
اما كنت اصحى من نوم عميق و الناس كلها نايمة
و اصحى كمان قبل ما المنبه يرن :)
و اقفله بسرعة و اقوم بصوت قليل و ماعملش دوشة..
عشان ماصحيش حد ولا اقلق حد
و اتسحب لحد ما ادخل الاوضة التانية
عشان البي نداء ربنا
اما بيتنزل في الثلث الاخير من الليل كل ليلة... و يقول هل من داعي فأستجب له
:)
كنت دايماً بقوم مبسوطة
مهما كنت تعبانة
او نومى كان قليل وقتها
اقوم و كذا مرة اصلي و انا مبتسمة ابتسامة من الودن للودن
:)
مبسوطة انى واقفة بين ايده و الناس كلها نايمة :) و عمالة ادعيه و مافيش غيري انا و هوا بس
:)
او اني اكون خايفة من ذنب لا يعلمه إلا الله
او مهمومة هم لا يعلمه إلا الله
و اقف بين ايديه ابكى للفجر...
و اقوم بعديها تعبانة بس مستريحة
:):)
اشتقت انى اروح الكلية وقت الصلاة
و اقف وسط الجامع (( هوا مش جامع اوى هوا زنقة صغيرة كده:)))
بس اروح و مبسوطة جداا انى ابقى لوحدي في الجامع
احس انى في خلوة مع ربى
:)
ببقى بقوله يا رب انا جاية اصليلك :)
جاية اصليلك انتا بس لوحدك
:)
و اقعد اقوله يا رب الرسول قال عبادة في الهرج كهجرة إلىّ ((الجامع جمب حاجات غريبة في الكلية:))) و ابقى حاسة انى طايرة من الفرحة وسط الصلاة
:)
إِشْتَقْتُ إِلَيْكَ
المصحف بتاعي
و انى اقعد اقرى منه
و اقعد احفظ فيه...
اشتقت لوقت كنت بحس ان المصحف بيناديني انى اروح اقرى فيه.. من كتر تعلقي بيه
في مرة كنت عاملة معصية شديدة جدا... و كان بقالي كذا يوم مامسكتش المصحف اقرى منه اي حاجة
جيت بعديها بفترة عاوزة اقرى
مسكت المصحف و انا حاسة برهبة شديدة جدا!
و كل الي في مخي
انى اكيد هفتح المصحف مالاقيش الكلام موجود فيه!!
هيتمسح!
عقاباً ليا على ذنوبي
انا فاكرة اول ما مسكته بدأت عيني تدمع..
اول ما فتحته و شوفت الكلام موجود عادي ماتمسحش ابتديت بكاء شديد جدا
لدرجة انى قفلت المصحف تاني مش قادرة اشوف من شدة البكاء
هديت و فتحته تاني
قريت اول كلمة و بكيت تاني.. عشان احساس بنعمة ربنا انه مش بس الكلام موجود و ماتمسحش
ﻷ ده كمان انا عارفة اقرى الكلام و استوعبه!
مفتدقة احساسي بالقرأن... مفتقدة انى الاقي نفسي بردد ايات كتيرة في مخي...
مفتقدة انى اقعد احفظ منه تاني و اراجع على الي موجود!!
إِشْتَقْتُ إِلَيْكَ
مفتقدة الاستغفار... و التسابيح عامة
كان حالي فترة عملت فيها معصية شديدة... و كنت خايفة اوى
ف لجأت للاستغفار الكتير
كل شوية اروح استغفر
في كل مرة ارفع ايدي لربنا مش لاقية حاجة غير انه يا رب مايكونش بك علىّ غضب... وقتها مش هيبقى فارق معياا حاجة تانية
و فاكرة وقتها انى كنت بعمل اي حاجة عشان اكفر عن ذنوبي...
كنت بقعد انتهز اي فرصة فيها من فضلها انه بتكفر ذنوب كثيرة.. اقعد اعملها
كنت بقول اذكار بعد الصلاة مخصوص عشان الرسول عليه الصلاة و السلام قال فيها انها تغفر ذنوبك و لو كانت مثل زبد البحر
فاكرة وقتها كنت مبسوطة اوى :)
و اكتشفت لذة للاستغفار عمرى ما كنت حسيتها قبل كده:)
كنت مبسوطة اوى
و مبسوطة اكتر ﻷنه بيحسسني دايماً اد ايه انا صغيرة قوى قوى...
التسابيح عامة..
كان زمان عندي سبحة... مفتقداها جداا
كانت ليا كل يوم معاها قعدة كده
في يوم الوقت بتاع التسابيح عدى مني و ماكنتش سبحت.. انشغلت بحاجات تانية
فاكرة يوميها قعدت اعيط كتير قوى
و ماحدش في اببيت عارف فيه ايه الي حصل ولا مين زعلني!
و من ساعة ما سبت السبحة و التسابيح كلها راحت
راحت واحدة ورا التانية!!!
إِشْتَقْتُ إِلَيْكَ
الدعاء...
انى اقف بقلب سليم فعلاً ادعي ربنا بكل الي نفسي فيه...
و ابقى حاسة من كتر الدعاء انى قلبي معلق بالعرش... قريبة جدا جدا من ربنا
الدعاء هوا العبادة... و مفتقدة جدا بجد العبادة دي!!!
انى اقف بين ايدين ربنا اقوله يا رب انت القادر هب لي كذا..
ما ذلك عليك بعزيز... هب لي كذا....
إِشْتَقْتُ إِلَيْكَ
:)
هوا ده
:)
فعلاً مفتقداه جدا
:):)
ابنى الشهيد ان شاء الله
عامة خطة في مخي... امتى هبتدي احفظه قرأن
ازاي هحكيله عن الصحابة و هوا صغير!!
ازاي هحيكله على الرسل كلهم و هوا صغير!!
ازاي اقدر اعلمه انه ياخد مسؤولية نفسه
راسمه في مخي مخطط كده...
كتير بعيش فيه بخيالي
و اقعد اشوف ايه الي ناقص و احاول اظبطه
فعلاً مشتاقة ليه اوى
:)
مع انه برده لسه بدرى:)
بس كتير بحسه قريب...
إِشْتَقْتُ إِلَيْكَ
اللي الناس كلها فاكراني اقصد عليه!!
ممم
ﻷ مش هوا
:)
كل شوية اما احس انى كده... افتكر انه لسه بدرى اوى عقبال ما الاول اصلح من نفي و بعدين ابقى افكر في حاجة تانية!!
نصلح الاول القلب الي فيه نقاط سودة دخيلة و غريبة دخلت عليه....
و نبقى نشوف بعد كده ايه الي ممكن يتعمل!!
ـــــــــــــــــ
ربنا يعلم مش اقصد ابداً انز الموضوع ده اقولكم شوفوا البنت دي بتعمل ايه
واضح قوى الحاجات دي كلها كانت زمان ... !
انا بس بزعقلي بصوت عالي :)
و بحاول افكر نفسي انى ارجع تاني..
و بحاول افكر نفسي اد ايه كنت مبسوطة لما كنت بعمل حاجات كده زمان و ارجعلها تاني
:)
و كل شوية حد يدخل يسألني دي ايه... و كل الناس مافيش في دماغها غير شخص واحد ممكن الي اكتب عليه كلمة زي دي
و كنت بقولهم لأ مش هوا... و ساعات كتير كنت بسكت
او كنت ارد رد واحد و خلاص
بصراحة الكلمتين دول حاسه بيهم اوى بقالي فترة
إِشْتَقْتُ إِلَيْكَ
اشتقت لربنا بجد!
اشتقت لايام زمان...
اما كنت اصحى من نوم عميق و الناس كلها نايمة
و اصحى كمان قبل ما المنبه يرن :)
و اقفله بسرعة و اقوم بصوت قليل و ماعملش دوشة..
عشان ماصحيش حد ولا اقلق حد
و اتسحب لحد ما ادخل الاوضة التانية
عشان البي نداء ربنا
اما بيتنزل في الثلث الاخير من الليل كل ليلة... و يقول هل من داعي فأستجب له
:)
كنت دايماً بقوم مبسوطة
مهما كنت تعبانة
او نومى كان قليل وقتها
اقوم و كذا مرة اصلي و انا مبتسمة ابتسامة من الودن للودن
:)
مبسوطة انى واقفة بين ايده و الناس كلها نايمة :) و عمالة ادعيه و مافيش غيري انا و هوا بس
:)
او اني اكون خايفة من ذنب لا يعلمه إلا الله
او مهمومة هم لا يعلمه إلا الله
و اقف بين ايديه ابكى للفجر...
و اقوم بعديها تعبانة بس مستريحة
:):)
اشتقت انى اروح الكلية وقت الصلاة
و اقف وسط الجامع (( هوا مش جامع اوى هوا زنقة صغيرة كده:)))
بس اروح و مبسوطة جداا انى ابقى لوحدي في الجامع
احس انى في خلوة مع ربى
:)
ببقى بقوله يا رب انا جاية اصليلك :)
جاية اصليلك انتا بس لوحدك
:)
و اقعد اقوله يا رب الرسول قال عبادة في الهرج كهجرة إلىّ ((الجامع جمب حاجات غريبة في الكلية:))) و ابقى حاسة انى طايرة من الفرحة وسط الصلاة
:)
إِشْتَقْتُ إِلَيْكَ
المصحف بتاعي
و انى اقعد اقرى منه
و اقعد احفظ فيه...
اشتقت لوقت كنت بحس ان المصحف بيناديني انى اروح اقرى فيه.. من كتر تعلقي بيه
في مرة كنت عاملة معصية شديدة جدا... و كان بقالي كذا يوم مامسكتش المصحف اقرى منه اي حاجة
جيت بعديها بفترة عاوزة اقرى
مسكت المصحف و انا حاسة برهبة شديدة جدا!
و كل الي في مخي
انى اكيد هفتح المصحف مالاقيش الكلام موجود فيه!!
هيتمسح!
عقاباً ليا على ذنوبي
انا فاكرة اول ما مسكته بدأت عيني تدمع..
اول ما فتحته و شوفت الكلام موجود عادي ماتمسحش ابتديت بكاء شديد جدا
لدرجة انى قفلت المصحف تاني مش قادرة اشوف من شدة البكاء
هديت و فتحته تاني
قريت اول كلمة و بكيت تاني.. عشان احساس بنعمة ربنا انه مش بس الكلام موجود و ماتمسحش
ﻷ ده كمان انا عارفة اقرى الكلام و استوعبه!
مفتدقة احساسي بالقرأن... مفتقدة انى الاقي نفسي بردد ايات كتيرة في مخي...
مفتقدة انى اقعد احفظ منه تاني و اراجع على الي موجود!!
إِشْتَقْتُ إِلَيْكَ
مفتقدة الاستغفار... و التسابيح عامة
كان حالي فترة عملت فيها معصية شديدة... و كنت خايفة اوى
ف لجأت للاستغفار الكتير
كل شوية اروح استغفر
في كل مرة ارفع ايدي لربنا مش لاقية حاجة غير انه يا رب مايكونش بك علىّ غضب... وقتها مش هيبقى فارق معياا حاجة تانية
و فاكرة وقتها انى كنت بعمل اي حاجة عشان اكفر عن ذنوبي...
كنت بقعد انتهز اي فرصة فيها من فضلها انه بتكفر ذنوب كثيرة.. اقعد اعملها
كنت بقول اذكار بعد الصلاة مخصوص عشان الرسول عليه الصلاة و السلام قال فيها انها تغفر ذنوبك و لو كانت مثل زبد البحر
فاكرة وقتها كنت مبسوطة اوى :)
و اكتشفت لذة للاستغفار عمرى ما كنت حسيتها قبل كده:)
كنت مبسوطة اوى
و مبسوطة اكتر ﻷنه بيحسسني دايماً اد ايه انا صغيرة قوى قوى...
التسابيح عامة..
كان زمان عندي سبحة... مفتقداها جداا
كانت ليا كل يوم معاها قعدة كده
في يوم الوقت بتاع التسابيح عدى مني و ماكنتش سبحت.. انشغلت بحاجات تانية
فاكرة يوميها قعدت اعيط كتير قوى
و ماحدش في اببيت عارف فيه ايه الي حصل ولا مين زعلني!
و من ساعة ما سبت السبحة و التسابيح كلها راحت
راحت واحدة ورا التانية!!!
إِشْتَقْتُ إِلَيْكَ
الدعاء...
انى اقف بقلب سليم فعلاً ادعي ربنا بكل الي نفسي فيه...
و ابقى حاسة من كتر الدعاء انى قلبي معلق بالعرش... قريبة جدا جدا من ربنا
الدعاء هوا العبادة... و مفتقدة جدا بجد العبادة دي!!!
انى اقف بين ايدين ربنا اقوله يا رب انت القادر هب لي كذا..
ما ذلك عليك بعزيز... هب لي كذا....
إِشْتَقْتُ إِلَيْكَ
:)
هوا ده
:)
فعلاً مفتقداه جدا
:):)
ابنى الشهيد ان شاء الله
عامة خطة في مخي... امتى هبتدي احفظه قرأن
ازاي هحكيله عن الصحابة و هوا صغير!!
ازاي هحيكله على الرسل كلهم و هوا صغير!!
ازاي اقدر اعلمه انه ياخد مسؤولية نفسه
راسمه في مخي مخطط كده...
كتير بعيش فيه بخيالي
و اقعد اشوف ايه الي ناقص و احاول اظبطه
فعلاً مشتاقة ليه اوى
:)
مع انه برده لسه بدرى:)
بس كتير بحسه قريب...
إِشْتَقْتُ إِلَيْكَ
اللي الناس كلها فاكراني اقصد عليه!!
ممم
ﻷ مش هوا
:)
كل شوية اما احس انى كده... افتكر انه لسه بدرى اوى عقبال ما الاول اصلح من نفي و بعدين ابقى افكر في حاجة تانية!!
نصلح الاول القلب الي فيه نقاط سودة دخيلة و غريبة دخلت عليه....
و نبقى نشوف بعد كده ايه الي ممكن يتعمل!!
ـــــــــــــــــ
ربنا يعلم مش اقصد ابداً انز الموضوع ده اقولكم شوفوا البنت دي بتعمل ايه
واضح قوى الحاجات دي كلها كانت زمان ... !
انا بس بزعقلي بصوت عالي :)
و بحاول افكر نفسي انى ارجع تاني..
و بحاول افكر نفسي اد ايه كنت مبسوطة لما كنت بعمل حاجات كده زمان و ارجعلها تاني
:)
