إتباع الهوى
بقالي فترة طويلة عمالة افكر في كذا حاجة نفسي اكتبها هنا.. بس لضيق الوقت مع شوية حاجات تانية وحشة مش كنت بكتب..
قررت اكتب الفكرة دي..
عسى تفيد اي حد فيكم...
كنت بقعد انا و صاحبتي كذا مرة نتكلم عن الصحابي الجليل سيدنا عبد الله بن مسعود
و نقعد نحكي قصص عنه
قصة فيهم... هحكيهالكم زي ما سمعتها من صاحبتي بالظبط.. واحدة صاحبتي تالتة غيرها
عمالة تحكيلنا عن همم الصحابة و قد ايه كل حد فيهم بيعمل
ف بتحكلنا ان سيدنا عبد الله بن مسعود كان اقل الصحابة صياماً
كان اقلهم... لدرجة انه يتكتب عنه في كتب التاريخ
يعني ماحدش كان بيصوم قد الي بيصومه... هوا بس اقل حد فيهم... لدرجة تخلي المؤرخين يكتبوا عنه انه اقل الصحابة صياماً
ليه كان بيصوم قليل ده اولاً!!!
لأنه كان ضعيف الجسد...
ف لما كان بيصوم كتير... صومه ده و قلة اكله كانت بتخليه مش بيعرف يتلذذ بالعبادة زي ما هوا عاوز!
مش بيقوم الليل زي ماهوا عاوز.. لأنه ضعيف الجسد محتاج اكل يقويه
مش بيصلي العبادات بتاعت طول اليوم زي ما هوا عاوز بتلذذ ... عشان محتاج اكل
نقطة جانبية هنا... احنا فيه ناس فينا مش بتصوم فضى... او حاسة ان اليوم هيبقى طويل شوية.. او بتستصعب الحكاية... هوا كان سببه بردو سبب ربّاني
نرجع للقصة
سيدنا عبد الله بن مسعود كان بيصوم قد ايه؟؟؟
كان بيصوم رمضان كله طبعاً
و كان بيصوم اتنين و خميس من كل اسبوع
و كان بيصوم 13، 14، 15 من كل شهر هجرى
و ده اقل الصحابة صياماً ماشاء الله
يعني احنا اعلى حد فينا صياماً... يا دوب جايب اقل الصحابة صياماً
ربنا يتولانا برحمته
قعدت في يوم انا و صاحبتي بردو... بنتكلم على العبادات
بحكلها انك اكيد فيه عبادة بتلاقي فيها قلبك قوى
اللي بيجد قلبه في القيام
الي بيجد قلبه في حفظ القرأن
الي بيجد قلبه في الصيام
الي بيجد قلبه في الصدقات
و هكذا
ف بقولها... و دي كانت حقيقة.. إني مش بجد قلبي في الصيام.. بجد قلبي في عبادات تانية
وقتها... انا متأكده ان دي لعبة شيطان .. نعوذ بالله منه
كنت بتلكك بالمعلومتين دول
عشان ماصومش الاتنين و الخميس
بقولها ده حتى سيدنا عبد الله بن مسعود كان عشان جسمه ضعيف مش بيصوم كتير زي بقية الصحابة
:(
و بقولها انا مش بجد قلبي في الصيام
:(
و بقولها انى لما بصوم مش بحس انى عارفة بردو اكمل كويس بقية العبادات
:(:(
دي كلها وزة شيطان انا متأكده ان ده كلام مش صحيح!!
المهم
سيبت البنت دي
و رجعت بتنا... بعد ما عرفت اقنعها بتبريري ليه مش بصوم كل اتنين و خميس
:s
رجعت بيتنا... و قعدت افتكر سيدنا عبد الله بن مسعود
و قعدت افكر... انه جسمه ضعيف ااه... و الصيام الكتير بيخليه مش بيتلذذ بالعبادة ااه
بس مع ذلك.. كان بيصوم السنن المؤكده
ماحدش قاله زود! لأنه مش عنده القدرة يزود
بس بيصوم السنن المؤكده
و انا بعمل كده و ببرر لنفسي عشان اعرف افلفص من سنة
:(
اصلأً ... مين الي محتاج السنة!
انا ولا اليوم هوا الي هيزيد شرفاً لو انا صمت فيه
:(
مين الي محتاج يتبع الرسول!!
انا؟؟؟ ولا الرسول هيتبسط لما العدد يزيد بواحد!!!
مين الي الجنة محتجاله ؟ ولا مين الي محتاج للجنة!!
وصلت للنقطة دي... و اكتشفت الهبل الي كنت بفكر فيه
اول ما شفت صاحبتي تاني مرة جريت عليها و قلتلها ماتصدقيش كلامي
كلامي غلط
اوعي تقتنعي بيه!!
تقولي ليه؟
حكتلها الي قلتهولكم
هيا اصلأً تبارك الله بتصوم كل اتنين و خميس دوماً
بس انا خفت افتنها بكلامي او اقنعها بحاجة غلط
قعدت اضرب نفسي كتير قوى لما وصلت لنقطة انى بهرج!
ده اسمه اتباع هوى!!
مش بقول ان كل الناس تصوم اتنين و خميس و التلات ايام من كل شهر و الي مش هيعمل كده هيأثم
دول فعلأً سنن
انا بتكلم على نقطة التفكير نفسها
ازاي بحاول اقنع نفسي و ابرر لنفسي حاجة... بحاجات اصلأً دينية بريئة من الي بعمله ده
:(
قعدت افكر بعيدها كتير في نقطة اتباع الهوى
و قعدت افكر في دعوة بدعيها كتير للشخص الي هتزوجه... انه لازم صفة مهمة فيه .. انه يكون بيتبع اوامر ربنا و الرسول ولا يتبع الهوى
و الاقيني انا الي بعمل كده
:s
حتى يعني لو مش بجد قلبي في الصيام!!
مش ممكن بعد شوية ربنا يحببني فيه و اجد قلبي و تلذذى بالعبادات فيه!!
مش ممكن هوا كده عشان اعود نفسي... انها مش الحاجة الي انا عاوزاها
دي الحاجة الي مأمورين بيها... و المفروض نعملها... او سنة لينا اننا نعملها
و لو عملناها احنا الي كسبانين
لو ماعملنهاش احنا الي خسرانين!!
من كام يوم كان فيه برناامج لدكتور عمر عبد الكافي
بيقول فيه ان الشيطان استيأس من امة سيدنا محمد
لأنه كل ما يوسوسلهم بشئ
مايسمعوش الكلام...
ف سلط عليهم ما هوا اقوى من مجرد وسوسته
ألا و هيا الهوى!
هواهم
هما عاوزين ايه
و ربنا بيبتلينا.. يشوف مين فينا هينفذ كلامه... و مين مش هيقدر يصبر عشان يتبع هواه و يعمل الي نفسه فيه
و ذكر في الاخر الاية دي
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
لو خايفين فقعلاً من ربنا ... مش بس كده
خايفين من مقام ربنا
هننسي الهوى فعلا
النقطة التانية.... ان كتير اوى بتحصل
ان الشيطان يعرف يدخلنا بمدخل ديني..
حصلتلي كذا مرة قبل كده
و حصل لكذا حد اعرفه قبل كده
حبيت اشراككم بالمعنى ده... عسى ينفع اي شخص بأي حاجة
سلام عليكم
قررت اكتب الفكرة دي..
عسى تفيد اي حد فيكم...
كنت بقعد انا و صاحبتي كذا مرة نتكلم عن الصحابي الجليل سيدنا عبد الله بن مسعود
و نقعد نحكي قصص عنه
قصة فيهم... هحكيهالكم زي ما سمعتها من صاحبتي بالظبط.. واحدة صاحبتي تالتة غيرها
عمالة تحكيلنا عن همم الصحابة و قد ايه كل حد فيهم بيعمل
ف بتحكلنا ان سيدنا عبد الله بن مسعود كان اقل الصحابة صياماً
كان اقلهم... لدرجة انه يتكتب عنه في كتب التاريخ
يعني ماحدش كان بيصوم قد الي بيصومه... هوا بس اقل حد فيهم... لدرجة تخلي المؤرخين يكتبوا عنه انه اقل الصحابة صياماً
ليه كان بيصوم قليل ده اولاً!!!
لأنه كان ضعيف الجسد...
ف لما كان بيصوم كتير... صومه ده و قلة اكله كانت بتخليه مش بيعرف يتلذذ بالعبادة زي ما هوا عاوز!
مش بيقوم الليل زي ماهوا عاوز.. لأنه ضعيف الجسد محتاج اكل يقويه
مش بيصلي العبادات بتاعت طول اليوم زي ما هوا عاوز بتلذذ ... عشان محتاج اكل
نقطة جانبية هنا... احنا فيه ناس فينا مش بتصوم فضى... او حاسة ان اليوم هيبقى طويل شوية.. او بتستصعب الحكاية... هوا كان سببه بردو سبب ربّاني
نرجع للقصة
سيدنا عبد الله بن مسعود كان بيصوم قد ايه؟؟؟
كان بيصوم رمضان كله طبعاً
و كان بيصوم اتنين و خميس من كل اسبوع
و كان بيصوم 13، 14، 15 من كل شهر هجرى
و ده اقل الصحابة صياماً ماشاء الله
يعني احنا اعلى حد فينا صياماً... يا دوب جايب اقل الصحابة صياماً
ربنا يتولانا برحمته
قعدت في يوم انا و صاحبتي بردو... بنتكلم على العبادات
بحكلها انك اكيد فيه عبادة بتلاقي فيها قلبك قوى
اللي بيجد قلبه في القيام
الي بيجد قلبه في حفظ القرأن
الي بيجد قلبه في الصيام
الي بيجد قلبه في الصدقات
و هكذا
ف بقولها... و دي كانت حقيقة.. إني مش بجد قلبي في الصيام.. بجد قلبي في عبادات تانية
وقتها... انا متأكده ان دي لعبة شيطان .. نعوذ بالله منه
كنت بتلكك بالمعلومتين دول
عشان ماصومش الاتنين و الخميس
بقولها ده حتى سيدنا عبد الله بن مسعود كان عشان جسمه ضعيف مش بيصوم كتير زي بقية الصحابة
:(
و بقولها انا مش بجد قلبي في الصيام
:(
و بقولها انى لما بصوم مش بحس انى عارفة بردو اكمل كويس بقية العبادات
:(:(
دي كلها وزة شيطان انا متأكده ان ده كلام مش صحيح!!
المهم
سيبت البنت دي
و رجعت بتنا... بعد ما عرفت اقنعها بتبريري ليه مش بصوم كل اتنين و خميس
:s
رجعت بيتنا... و قعدت افتكر سيدنا عبد الله بن مسعود
و قعدت افكر... انه جسمه ضعيف ااه... و الصيام الكتير بيخليه مش بيتلذذ بالعبادة ااه
بس مع ذلك.. كان بيصوم السنن المؤكده
ماحدش قاله زود! لأنه مش عنده القدرة يزود
بس بيصوم السنن المؤكده
و انا بعمل كده و ببرر لنفسي عشان اعرف افلفص من سنة
:(
اصلأً ... مين الي محتاج السنة!
انا ولا اليوم هوا الي هيزيد شرفاً لو انا صمت فيه
:(
مين الي محتاج يتبع الرسول!!
انا؟؟؟ ولا الرسول هيتبسط لما العدد يزيد بواحد!!!
مين الي الجنة محتجاله ؟ ولا مين الي محتاج للجنة!!
وصلت للنقطة دي... و اكتشفت الهبل الي كنت بفكر فيه
اول ما شفت صاحبتي تاني مرة جريت عليها و قلتلها ماتصدقيش كلامي
كلامي غلط
اوعي تقتنعي بيه!!
تقولي ليه؟
حكتلها الي قلتهولكم
هيا اصلأً تبارك الله بتصوم كل اتنين و خميس دوماً
بس انا خفت افتنها بكلامي او اقنعها بحاجة غلط
قعدت اضرب نفسي كتير قوى لما وصلت لنقطة انى بهرج!
ده اسمه اتباع هوى!!
مش بقول ان كل الناس تصوم اتنين و خميس و التلات ايام من كل شهر و الي مش هيعمل كده هيأثم
دول فعلأً سنن
انا بتكلم على نقطة التفكير نفسها
ازاي بحاول اقنع نفسي و ابرر لنفسي حاجة... بحاجات اصلأً دينية بريئة من الي بعمله ده
:(
قعدت افكر بعيدها كتير في نقطة اتباع الهوى
و قعدت افكر في دعوة بدعيها كتير للشخص الي هتزوجه... انه لازم صفة مهمة فيه .. انه يكون بيتبع اوامر ربنا و الرسول ولا يتبع الهوى
و الاقيني انا الي بعمل كده
:s
حتى يعني لو مش بجد قلبي في الصيام!!
مش ممكن بعد شوية ربنا يحببني فيه و اجد قلبي و تلذذى بالعبادات فيه!!
مش ممكن هوا كده عشان اعود نفسي... انها مش الحاجة الي انا عاوزاها
دي الحاجة الي مأمورين بيها... و المفروض نعملها... او سنة لينا اننا نعملها
و لو عملناها احنا الي كسبانين
لو ماعملنهاش احنا الي خسرانين!!
من كام يوم كان فيه برناامج لدكتور عمر عبد الكافي
بيقول فيه ان الشيطان استيأس من امة سيدنا محمد
لأنه كل ما يوسوسلهم بشئ
مايسمعوش الكلام...
ف سلط عليهم ما هوا اقوى من مجرد وسوسته
ألا و هيا الهوى!
هواهم
هما عاوزين ايه
و ربنا بيبتلينا.. يشوف مين فينا هينفذ كلامه... و مين مش هيقدر يصبر عشان يتبع هواه و يعمل الي نفسه فيه
و ذكر في الاخر الاية دي
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
لو خايفين فقعلاً من ربنا ... مش بس كده
خايفين من مقام ربنا
هننسي الهوى فعلا
النقطة التانية.... ان كتير اوى بتحصل
ان الشيطان يعرف يدخلنا بمدخل ديني..
حصلتلي كذا مرة قبل كده
و حصل لكذا حد اعرفه قبل كده
حبيت اشراككم بالمعنى ده... عسى ينفع اي شخص بأي حاجة
سلام عليكم
12 comments:
أهم نقطة في كلامك هي
إن الإنسان حتى لو وقع في الهوى او الخطأ يستغفر الله من تقصيره ولا يحاول فلسفته ولا يحاول أن يفتن غيره
أما الوقوع في الهوى والتقصير فلكل إنسان حظه منه ولكن لا يكون مخذلا لغيره
جزاك الله خيرا على السلاسة والتسلسل
السلام عليكم
ما شاء الله عليكى
المقال جميل ورائع
وتقريبا كلنا بنتعرض للموقف ده
يعنى الواحد ممكن يقعد يبرر لنفسه حاجات كتيرة قوى هو ميصحش يعملها بحجج باطلة كلها فى سبيل اتباع هواه وراحة نفسه
واحنا فعلا محتاجين نجاهد نفسنا قوى فى ظل كثرة الملهيات والمثيرات ووسائل الترفيه وتضييع الوقت
وأننا نرجع نشوف ونسمع ونقرأ سير الصحابة وسيرة حبيبنا النبى صلى الله عليه وسلم وبالمناسبة فى سلسلة جميلة جدا للدكتور راغب السرجانى اسمها "كن صحابى
http://www.islamway.com/?iw_s=Scholar&iw_a=series&series_id=2038 " انصح كل واحد بيها
صدقت والله
حقيقة هذا البوست منك جميل فعلا ويتحدث في نفس الأمر الذي تحدثت أنا عنه تحت عنوان كيف تلعب دور الضحية
هذه الأمور لا تتضح إلا مع طول التفكر .. ولكن كما قال أخي عصفور حتى الإنسان لو وقع في هذا فإنه يجب عليه أن يستغفر الله ويعود عن هذا التفكير حتى لا يكون له منهج حياة
وعلى كل فهذا مدخل من مداخل الشيطان وهو أمر عام يقع فيه الكثيرون
جزاك الله خيرا
وأعانك الله
:):)
استدلال جميل :)
استاذى الفاضل عصفور المدينة
ربنا يكرمك على التعقيب الطيب
:)
المهم فعلأً مانفضلش عايشين في نفس اللتبريره الي مش ليها لازمة الي بنعملها لنفسنا
:)
الحمد لله
جزاك الله خيرأً :)
اخي عبده
و عليكم السلام و رحمة الله
ربنا يعزك يا اخي
:)
هذا من فضل ربي مش حاجة من عندي :)
و اتفق مع كلامك... اننا نتبع الرسول عليه الصلاة و السلام و نشوف الصحابة بيعملوا ايه
ساعتها هنعرف فيه ايه فيهم اتباع هوى و ايه فيهم اتباع سنن
:)
ربنا يكرمك على اللينك ...
بقالي فترة نفسي ابتدي اسمع السلسلة دي
:)
جزاك الله خيراً
:)
اخي وضاح
جزاك الله خيراً
:)
هوا فعلأً امر بيقع فيه الكتير... لأن الشيطان مش هيجي يوسوس لحد قريب من الله انه يزني او يشرب مخدرات مثلاً..
هيجي يزينله الحاجات الاول و يبعده واحدة واحدة
و من غير ما الشخص ياخد باله... يلاقي نفسه قعد فترة يبرر لنفسه كمية اعمال غريبة و يدعي انه بيعملها من وجهة نظر دينية..
اسأل الله ان يوفقنا منها بس قبل فوات الاوان
ربنا يكرمك يا اخي
:)
اخي محمد
جزاك الله خيرأً :)
نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..
فعلا
انتي اثرتي نقطة مهمة جداً
و موضوع الصيام بالذات كتير مقصرين فيه
و الله ماحد يحس بحلاوته غلا اللي جربه و اتعود عليه
و كتير بنسوق مبررات لنفسنا
لكن زي ما قلتي
ربنا مش محتاجنا
احنا اللي محتاجينله
يرحمنا و يبعدنا عن النار
ربنا يثبتك و يباركلك
آميين
اخي ياسر
جزاك الله خيرأً على المرور الكريم
:)
مبروك مدونة حضرتك الجديدة :)
ربنا يجعلها في ميزانك
:)
انا روحت هناك... بس لسه مافيش عائلة كريمة الحقيقة :) اما يجو بقى نبقى نفرجهم المدونات ان شاء الله :d
اخي علاء
ربنا يكرمك :)
ااه فعلاً.. فيه طاعات فعلأً ماحدش بيحس بحلاوتها غير الي متعود عليها و ضاقها
و ماحدش بيفتقدها غير الي بردو عايش بيها :)
ربنا يثبتنا على الاعمال الي يرضى بها عننا و يرزقنا فيها الاخلاص
:)
جزاك الله خيراً اخي الكريم
:)
البوست ده رائع
من أول مانزل وعاوز أعلق عليه
بس هو رائع لدرجة تعقد !
أنا اتعقدت ..
:(
أساساً كل أما الواحد يقرأ عن الصحابة وأعمالهم بيحس يعني .........
لا تعليق
:d
ليه بس كده؟
مش مستاهل تعاقيد ولا حاجة
:)
احنا في ايدينا نبقى كويسين :)
و في ايدينا نفهم امتى نبقى بنتلكك و بنهرج و امتى نبقى فعلاً عندنا عذر و نقدر نقول لا يكلف الله نفساً إلا وسعها
ممم
الصحابة
:)
يكفيهم انهم كانوا مع الرسول عليه الصلاة و السلام و صدقوه و وقفوا جمبه وقت ما كتير ماكنوش مصدقين الرسول و عاوزين يتبعوا اهلهم كانوا بيعملوا ايه و عاوزين يتبعوا اهوائهم عشان مصلحتهم او فلوسهم
احنا في ايدينا نبقى كويسين :)
و هنعرف نبقى كويسين لو فعلاً عاوزين ربنا اوى
:)
جزاك الله خيراً على المرور الكريم:)
تدوينة متميزة جدا يا مجاهدة ربنا يبارك فيك
أنا حصوتلها إن شاء الله في افحت عشان المعلومات الطيبة اللى فيها توصل لأكبر عدد ممكن
ربنا يكرمك يا مها يا رب
:)
كنت لسه عاوزة اشكرك انتي و اخ عبده على اضافتها لإفحت
:)
عسى حد يستفيد منها تاني
:)
جزاكى الله خيرأً:)
Post a Comment