Sunday, May 20, 2007

constantly changing

هيا خاطرة فضفضة شوية عشان اطلع الي جوايا... ماحدش يتوقع حاجة كبيرة يعني smile.gif


ــــــــــــــــــــــــــــــــــــــــــــ


من كام يوم جات صاحبتي تقعد معايا شوية... صاحبتي دي من ايام المدرسة
ايام زمان يعني إلى حد ما بالنسبة لي

البنت دي كل مرة اقعد معاها... تحسسني اد ايه اتغيرت... و هيا الي دايماً تخليني اخد بالي من الحالة الي انا بقيت فيها افترة دي

بقالي بتاع تلات سنين او ممكن اربعة كمان دلوقتي... بدون مبالغة بجد.. كل ست شهور مثلاً اتغير.. و اتغير تغيير كبير قوى قوى

كتير اوى من اهتماماتي بتتغير... و من الحاجات الي بعملها.. و الحاجات الي بحبها... و الحاجات الي بتابعها


الي يقعد معايا من تلات سنين.. و يقعد معايا دلوقتي.. هيحس بفرق كبيير قوى ...


اعتقد ان الاصل هوا هوا... و التفكير إلى حد ما الاصل بتاعه واحد (ماحدش يسأل يعني ايه الاصل بتاعه واحد انا بحاول افهمني بردو)


يعني مثلأً زمان كنت رافضة تماما قصة المصاحبة دي... لأسباب عقلانية بعيداً عن موضوع التدين و الالتزام

دلوقتي رافضاها بردو تماماً... بس باختلاف الاسباب... يعني حاجات عقلانية و اتضافت عليها حاجات دينية و حاجات اجتماعية و حاجات كده



المهم...
انى انا نفسي مش ببقى واخدة بالي من التغير الي بيحصلي ده غير لما بيخلص
بس طول مانا تغيري بتغير.. مش ببقى واخدة بالي اوى
مش باخد بالي غير لما باجي اقارن بين موقف زمان و موقف دلوقتي


و باخد بالي اكتر بالذات لما بقعد مع الناس الي كانوا معايا في المدرسة


و بتسغرب جداا من حجم التغيير الي حصل في تفكيري و اسلوبى و اهتماماتي..


لدرجة ساعات بتخوفني انا شخصياً
لما بقعد افكر ان الي بيحصلي ده طبيعي عشان يعني لسه سنى صغير و لسه بتعرض لمواقف في الحياة كل فترة.. ف اكيد هتغير
النقطة بقى... انى لو فضلت اتغير كده كتير بغض النظر عن المرحلة العمرية
و بقولكم بتغير كل ست سبع شهور مثلاً... و ساعات التغير بيبقى تغيير 360 درجة في الاهتمامات و التعاملات


بخاف لما بوصل للنقطة دي.. للي ربنا هيبتليه بواحدة بتتحول كل شوية كده


ممكن الي هتجوزه في يوم يتفاجئ هوا نفسه بالتغيير الي بيحصلي ده.. و يجي يتخانق معايا و يقولي مش دي اللي انا اتفقت عليها


و يقولي اننا ضحكنا عليه بقى و كده







بعيداً عن كل دهsmile.gif


سبب التغيير نفسه... بيحصل من كتر الحاجات الي بتعرض ليها و بشوفها

كنت و انا عندي 16 سنة.. كنت ببقى مخنوقة جداا
و اقعد اقول ده انا يا دوب حتة بتاعة عندها 16 سنة... و كان بيحصلي كمية حاحات اكتر من الي بتحصل للي قدي..


يعني ممكن حد فيهم يكون عنده مشكلة واحدة كبيرة...
انا كان بيبقى بيحصلي عشر حاجة مختلفين في الحجم.. و ان كان فيه منهم صغير و فيه منهم كبير اوى... بس كانوا بيبقو كلهم مع بعض
ف كنت بقعد اقول كفاية كده عليا
و بجد دلوقتي مش فاكرة اي حاجة فيهم
و اللي فاكراهم فيهم ببقى مستغرباني اوى ازاي كنت ببص للحاجات دي زمان على أنها مشاكل و ازمات عندي


بعد فترة... كنت مبسوطة... و اقعد اقول الحمد لله
لولا الي كان بيحصصلي بالظروف دي كلها.. ماكنتش انا هبقى انا

كنت هبقى واحدة مختلفة جدا عن الانسانة الي انا عليها دلوقتي


لما تيجيلي واحدة تشكيلي على مشكلة معينة بتواجهها في حياتها
و المشكلة دي اكون عديت بيها و خلصتها و حلتها من سنتين مثلاً... بحس انى مبسوطة

و ساعات بحس انى عاوزة اقولها : ياااااه... ده انتي قديمة خالص
انتو لسه بيحصلكم الحاجات دي!!

تعديت مرحلة المشكلة دي و وصلت للمرحلة بتاعت المشكلة الاعلي منها

غير أنبساطي بفكرة ان ممكن ربنا يكون خلاني اعدى بموقف معيّن عشان اعرف اطلع منه و لما واحدة تتعرض لنفس الموقف تلاقي الحل جاهز... يعني ربنا سبّبني انا كسبب عشانها هيا
smile.gifsmile.gif



والله بجد ببقى مبسوطة

و مبسوطة انى اخدت كمية ضربات محترمة من ناس كتيرة مختلفة في حياتي.. سواء اهل او اصحاب او احباب او زمايل او او او
و كل انواع الخبطات تقريباً

و حاجات على المستوى الشخصي و المستوى الدعوى و المستوى العائلي و المستوى البطيخي حتى smile.gif


ااه لسه فيه خبطات تانية.. و ان شاء الله هبقى مستعدة و انا بتلقاهم... و ربنا ييسر و اعرف افهمهم و استوعبهم و استفيد منهم فعلأً


بس بصدق... مبسوطة و مستريحة اوى smile.gif



كنت زمان واحدة صاحبتي كانت بتقولي انها بتتعرض لحاجات كتيرة قوى..
و انها كل ما تخلص من حاجة يجيلها حاجة اكبر


كنت اقعد اقولها يبقى تحمدي ربنا ... لأنه بيحضّرك لحاجة كبيرة قوى في حياتك
و عشان تستقبليها صح.. لازم تكوني مستعدة ليها اصلأً صح من الاول
فربنا بيحضّرك ليها دلوقتي





عسى يكون ده الي بيحصل فعلاً smile.gif




بس يا رب عقبال ما الكابتن يجي اكون بطلت اتحول كده كل شوية
عشان مايجيش في يوم يقعد يدور على الي كان جايلها اول مرة اصلأً و مش لاقيها دلوقتي




الحمد لله smile.gif





جزاكم الله خيرا الي كمل قرائة الكعبوشة دي لحد اخرها

12 comments:

عصفور المدينة said...

نقلت لك هذا التعليق بتصرف من تدوينة لي

وهذا يذكرني بفكرة دائما تلح علي هل إذا عاش الإنسان حياة سريعة وأعني بالحياة السريعة أن تلغي منها الفجوات التي يمكن تجاوزها
هناك الكثير من الأشياء التي أحاول أن أختصر وقتها السؤال : هل هذا الشاب الذي عاش تلك الحياة السريعة هو في حقيقة الأمر قد عاش فترة أطول أو فترة مساوية لمن عاش نفس العمر بحياة رتيبة ؟

كنت فيما مضى أزعم أنه قد عاش ما يوازي الكثير من السنين من جنس حياة الذين يعيشون الحياة البطيئة.

الآن المقياس الذي أنا على يقين منه أن المقياس الذي يقاس به عمر الإنسان ليس حقيقة مقدار ما أنجزه من أحداث في حياته بل مقدار ما أثرته تلك الأحداث سواء في حياته أو بعد مماته أو حياة غيره من الناس


انتهى المنقول وأقول
كتبت الكلام أعلاه في الأربعين وسعيد جدا أنك تقولينه في التاسعة عشر وإن شاء الله تستمر معك الحياة هكذا وتمتلئين حكمة ويأوي إليك من هم في سنك بل ومن هم أسن منك يلتمسون منك الحكمة
ولا تنسي حظ نفسك

أما تبدل الأحوال فهو من سمات المؤمن أما الركود فهو من سمات المنافق

وبعدين يا أستاذة ربنا يوعدك بزوج يكون تحولي برضة كدةويفهم هذا التحول
وأسعدك الله

وضـّاح said...

لا أحب أن أفرض نفسي على أحد ولكن

صدقا فكأنك تصفين ما عشته

ولكن بفارق أني لا أجد هذا الصديق الذي يقيمني .. فتقييمي ذاتي

ولكن في فترة عمرية معينة أظنها كانت مقاربة لسنك الحالي .. كانت أحداث حياتي سريعة جدا .. مقارنة بحياة الكثيرين أمثالي .. مريت بمشاكل كثير وتقلبات أكثر ولكن عندما عرفت الطريق في الحياة والتزمته هانت الحياة ولكن بقى آلام وصعوبة الثبات على الطريق .. فالطريق ليس بالطريق السهل وهو محاط بأشواك ومثبطات ... لا أقصد طريق الدعوة , ولكن طريق حياتي

صحيح أني أحيانا كثيرة لا أجد من أشكو له همي , ودائما ككثير من البشر أجعل الله آخر الأطباء .. ولكنه الحمد له لا يزال يقبلني حتى وإن ذهبت له متأخرا .. فليسامحني ويغفر لي

أطلت عليك ويبدو أني خرجت من الموضوع

على كل ما دام التغيير للأحسن ولمايوافق كتاب الله وسنة رسوله فلا بأس بل هو المطلوب

ولا تقلقي نفسك فالكابتن الذي سيأتي بإذن الله .. سيجعله الله يقدر تلك التقلبات وربما يكون هو متقلبا أيضا
:):)

المجاهدة said...

اخي الفاضل عصفور المدينة
:)
بجد تعقيب حضرتك اسعدني جدا :):)
ربنا يكرمك و يعزك اخي الكريم
:)

اضافة حضرتك تأملتها كثيرأً لحد ما اتأكد انى استوعبتها كاملة :)
""المقياس الذي يقاس به عمر الإنسان ليس حقيقة مقدار ما أنجزه من أحداث في حياته بل مقدار ما أثرته تلك الأحداث سواء في حياته أو بعد مماته أو حياة غيره من الناس
""

اتفق مع كلام حضرتك تماما
:)
كتير ممكن يكون بيقرى كتب و يستقبل معلومات... بس قليل الي يستغل الي سمعه و قراه في حاجة مفيدة ليه و لغيره

و كتير من الناس يكونوا اتعرضوا لمواقف كثيرة... بالنسبة ليهم هيا مش اكتر من هباء منثوراً
لأنهم ماستفادوش منها ولا تأثروا بيها..

الحكاية مش حكاية عمر الانسان د ايه..
هيا فعلأً بتقاس على هوا اتعلم ايه و ازاي استفاد من العلم ده للي حواليه
:)


"أما تبدل الأحوال فهو من سمات المؤمن أما الركود فهو من سمات المنافق"

جزاك الله خيرأً على تلك الحكمة :) ماكنتش اعرفها قبل كده
:)



بالنسبة للجملة دي
"ربنا يوعدك بزوج يكون تحولي برضة كدةويفهم هذا التحول"
:d
هنبقى عيلة المتحولون :d
و الي يجو بعد كده هيبقى عندهم فصام قوى :d


ربنا يعزك يا اخي
جزاك الله خيرأً كثيرأً بجد
:):)

المجاهدة said...

:):)
اخي وضاح
:)
كنت هرد على كلام حضرتك بنفس الجملة الي حضرتك ذكرتها في الاخر
:)
ان طالما التغيرات كانت لما يوافق الشرع و يرضى ربنا اكتر و يقربك اكثر من ربنا
يبقى كمل ولا تبالي بأي شئ
:)

يعني انا في الفترة دي كلها بعدت عن كتير قوى قوى من الي كانوا مقربين مني
بعدت عنهم مش عشان خناقات ولا حاجة
بس عشان انا عرفت طريق و مش عاوزة ابعد عنه
و هما لسه مصممين على طريق ققديم و ماشين فيه بسرعة...
و ده مش عاجبني
ولا عاجبهم هما طريقي
عشان كده كان لازم نبعد
بس يبقى الود بيننا لهذه اللحظة :)


و هرد على حضرتك بنفس الرد الي قلته لصاحبتي من تلات سنين
لعل الله بيحضّرك لحاجة كبيرة في حياتك بعد كده
:)


و عن الطريق
طبيعي يكون الطريق مش سهل :)
مش دي الي احنا المفروض نفضل قاعدين فيها
ولا دي الدنيا الي المفروض نبقى كويسين فيها و متنعمين فيها
و لو حصل و تنعمنا... مش هنشتاق للجنة
حضرتك اعلم بالكلام ده مني اصلأً :)

ربنا يباركلك يا اخي
:)



و جزاك الله خيرأً على كلامك على شكواك إلى الله
الحمد لله فعلأً انه بيقبلنا رغم تباظؤنا و بعدنا و تكاسلنا في اوقات كثيرة

مافيش حد اتكلم معاه و يفهمني بالظبط انا جوايا ايه زي ما بكون بشكى لربنا و ادعيله
و مافيش حد بيديني رد كافي للي جوايا غير ربنا

الحمد لله :)


رغم الذنوب و رغم المعاصى و رغم التباطؤ
إلا انه لا يزال يقبلنا
:)
الحمد لله حمداً كثيرأً طيباً
:)



و بالنسبة للكابتن
ف ردي على حضرتك نفس ردي على اخونا عصفور المدينة
اننا كده هنبقى عيلة المتحولون
:d
و هيعلقولنا بره البيت ممنوع الاقتراب عشان هيبقوا خايفين على الناس يتحولوا زينا
:d


ربنا يعزك يا اخي
:)

دهاء سياسى said...

سلام عليكم يا مجاهدة

ازيك ؟؟ يا رب تكونى بخير :)

بصى بقى بالنسبة للتدوينة دى .. فبجد _ بالرغم من طولها الشديــــــــد _ الا انى كنت بقرأها و انا مستمتعة و مستغربة .. لانى كنت فاكره انى اانا الوحيدة الى بيحصلى كده .. بس الفرق ان التغير عندى مش على فترات ثابتة كده .. لا التغير عندى بيبقى زى ما بنقول فى السياسة " منعطف احيانا بقى يبقى فكرى او عاطفى او قيمى " ..

بس بجد التغيرات دى بتدينى دفعة قوية جدا جدا جدا لانى اكمل الى انا راسماه فى خيالى و بحس كل فترة انى بقرب .. اه بمر فى النص بتجارب سلبية كتير بحس وقتها ان كل الى بابنيه بيتهد .. لكن بكتشف بعد كده ان فعلا كل الى بيحصلى بيضيف فى الرصيد الايجابى مش السلبى حتى لو كنت شفت عكس ده فى يوم من الايام ..

بجد يا مجاهدة .. خلى الى بيحصلك ده دافع لانك تعدلى كل شوية من مسارك زى ما قلتى و انك تكملى فى طريق الهدف الى انت عايشاله من غير ما تشوفى اى حاجه تانيه فى السكة غيره .. يعنى خلى عينك على نهاية المطاف لانك حتلاقى نفسك رايحاله بسرعة جدا و بشكل سليم ..

حاجة كانت واحدة صاحبتى قالتهالى مرة : لما تمرى بتجربة سلبية اقفى عندها تدرسيها علشان تشوفى حتكملى ازاى .. لكن اهم حاجه ما تقفيش عندها كتير لان ده حيكون ليه أثر عكسى جدا على حياتك ..

اخيرا و ليس آخرا : ربنا يوفقك لما فيه خير الاسلام و المسلمين و يرزقك كل الى تتمنيه فى الخير ياااااااا رب

cleopatra said...

جوجو .. حبيبتي ..

بصي يمكن انا مش زيك .. بمعني ان مش بسهوله بتغير .. يمكن اكون بتعرض لمواقف كتير في حياتي .. وبالطبع بتعلم منها .. وبتضيفلي .. بس فعلا بالتقريب مبيحصلش تغيير فقط اضافه ..

بس اللي بجد .. بحمد ربنا عليه .. اني بقالي فتره بموووت في حبيبتي .. وأختي اليل فعلا ربنا رزقني بيها .. علشان كــل ما يحصلي حاجه .. او افكر في حاجه .. الاقيها علي طول بتقوللي نصيحتها ورأيها .. بطريقه جميله

ياللا بقا مش هقول اكتر من كده عنها احسن تتغر :D

بوست جميل يا جوجو .. ربنا يكرمك

mohamed said...

التغير دا شئ طبيعي ولو محصلش يبقي في مشكلة .. وعندها لازم الانسان يبحثها ويشوف ليه مش بيتغير .. ليه مش بيتعلم ..ليه مفيش خبرة بيكتسبها سواء ايجابية او سلبيه ..

لو عدي خمس سنوات علي حد من غير ما يتغير يبقي اما ميت او عنده قصور عقلي ..او واحد من ذوي الاحتياجات الخاصة

بن توفيق said...

امى دايما على لسانها المثل اللى بيقول دوام الحال من المحال

يعنى مش ممكن هتبقى الدنيا على حالها من غير تغيير

والتغيير ده مش تغيير بسيط .. ده تغيير بيبقى كبير وكبير جدا وخصوصا فى الفترة دى

الفترة اللى بتتكون فيها الشخصية

من ساعةما ندخل الثانوى لغاية ما نتزوج بسنة او اتنين

بعد كده التغيير وحجمه بيبدأ يقل

وعلى شرط ان والله ارى واتعايش الان مع نااااس اتغيرت بعد سن الاربعين

بس هو المهم دلوقتى .. انهى تغيير .. يا ترى تغيير للافضل ولا تغيير للاسوء

ده اللى الواحد يبص عليه .. انا بتغير للاحسن .. يبقى كويس جدا وربنا معايان

بتغير للاسوء .. لأ اعمل استوب واجيب مارشدير واشوف ايه اللى حصل وحصل ليه

ولا ايه :)

مصراوي أوي said...

دا لازم الانسان يتغير الثبات مش مطلوب لان الظروف بتتغير والمعايير بتتغير فانا شايف ان دا شئ جميل جدا ......والاجمل انك قلتي ان الاصل ثابت لان في ثوابت وجوهر لازم تكون راسخة ومش قابلة للتغيير


بس يا ريت لو كنتي ضربتي مثل واضح لان التدوينة كان مليانة غموض شوية ولف ودوران


الخبرة هي نتاج لتراكم مواقف سابقة
ربنا يوفقك

المجاهدة said...

دهاااااء
مش متخيلة فرحت اد ايه اما شفت تعقيبك هنا
:)
ربنا يعزك يا رب
:)

عجبتني اوى اما قلتي ان اي حاجة او اي تغيير بتمرى بيه بيكون خطوة زيادة لقدام و بتقولي لنفسك انك قربتي توصلاي للطريق الي انتى عاوزاه

:):)
عندك حق بجد


جزاكى الله خيرأً كثيراً يا جميلة
:)
ربنا يعزك يا رب
:)

المجاهدة said...

كليوباترا
:d
ربنا يعزك يا رب
:):)

ممم
لأ انما بتغير كل ست شهور مرة :d
حاساه دوا باخده كل ست شهور
:d

بس زي ما قلتي... بتبقى اضافة لشخصيتك
بتستفيدي من تجاربك لأنها ماجاتش هباء... جاية لهدف معين عشان تخليكي شخصية احسن بعد كده
:)

جزاكى الله خيراً كثيراً
و ربنا يباركلك في اختك الي بتمووووتي فيها و خايفة عليها تتغر
:D

المجاهدة said...

اخي محمد
:)
جزاك الله خيراً على الإضافة
:)
فعلاً عند حضرتك حق.. الي بيتعرض بمواقف و مش بيستفيد منها ولا بيتعظ منها او تسيب فيه اثر... يبقى زيه زي قلته... و المواقف زيها زي قلتها بردو

الحمد لله على كل شئ
:)

و يا رب فعلاً يكون دايماً التغيير للافضل
:)






اخي بن توفيق
كلاك سليمك فعلاً جزاك الله خيراً عليه
:)

فعلاً التغيير لو ماكنش لربنا و مش هيضيف حاجة ليجابية لشحصيتك... يبقى بلاش تغيير احسن..
و خلينا زي ماحنا :(

جزاك الله خيراً كثيراً
:)





اخي مصراوى اوى

جزاك الله خيرلااً على تعقيبك الطيب:)
عند حضرتك حق
المهم ان الثوابت تفضل زي ماهيا.. و لو هتغير في حاجة يبقى تغيير للافضل... يفيدني و يفيد الي حواليا


بالنسبة للغموض... ف فعلأً مش مقصود
انا حتى اما بحاول اكون غامضة مش بعرف :D
هيا بس شوية كلمات جات كده ف معلش لو طلعت غامضة بطريقة مش مقصوده
:)

جزاك الله خيراً على تقيبك
:)