كن سفيراً للإسلام
الموضوع ده كنت اتكلمت عليه من فترة في البوست ده... بش بشكل كبير و ملخبط
:d
بس المرة دي ان شاء الله يبقى منظم اكتر :)
هيا جملة في مخي بقالها فترة... جزاهم الله خيرأً اللي بينبهوني ليها
اننا نكون سفير للاسلام في كل مكان نروحه
لما اي حد فينا يروح اي مكان بيحترم فيه الزباين بتوعه
فندق او مطعم او مستشفي فيها مكان استقبال او شركة بردو في الاستقبال
لو مكان بيحترم العملاء بتوعه
هتلاقيهمن على طول مبتسمين
مستعدين دايماً يردوا على اي سؤال عندك
و لو انتا غلطان... هما يبقو هاديين
لو المعلومة مش واصله ليك
يشرحوها مرة و اتنين و تلاتة برحابة صدر
بيعودوهم على كده و يعلموهم كده
كذا مرة شفتها ان ناس تسألهم اسألة غريبة و تطلب طلبات مستحيلة
و هما بيعرفوا يحتوو الموقف و يكسبوا عميل
لو ناس بتزهق بسرعة هيخسروا كل العملاء :d
حتى لو العملاء هما اللي غلط
االناس دي بتعمل كده في شيفتات الشغل بتاعتها
يعني عدد ساعات معين و للزباين هناك
و بعد كده لو ماكنتش دي اصلاً صفة موجودة فيه هيمشى و يخلص كده حاجة و تخلص بقى رحابة الصدر دي و تختفي لمكان تاني
لما نيجي نشوفنا احنا كمسلمين
انا مسلمة اربعة و عشرين ساعة
سبع ايام في الاسبوع
طول ايام السنة
اي حد هيبص عليا في اي وقت ... انا لسه في الشيفت بتاعتي :)
لسه في شغلتي ماخلصتش
شفت من كام اسبوع عائلة مسلمة... حبيتهم اوى من شكلهم
ماعرفش اي حد فيهم بس كانوا قاعدين قريب مننا
غالباً كانوا اب و زوجته.. و ولادهم
و كل حد من ولاده معاه زوجته
محترمين جدا و شكلهم يوحي بالادب الشديد
الام منتقبة و الاب ملتحي
و الاولاد لابسين لبس محترم جدا و تعاملاتهم راقية جدا جدا
بعد شوية لاقيت فيه دخان سجاير طالع من ناحية الاب... في الاول قلت لأ مش هوا اكيد ده دخان من حد تاني و طلع عنده!! مش عارفة ازاي يعني بس هوا كده :)
بس لاحظت بعديها ان عمو نفسه هوا اللي بيشرب سجاير
اسال الله ان يعافيه و يتوب عليه و يبطل الحكاية دي
بس قعدت افكر في نقطة... انهم شكلهم ملتزمين و محترمين و كويسين
لو حد شاف انكل بيعمل كده ممكن حد يفتكر ان السجاير حلال
ممكن حد يقول انه مرائى
ممكن حد يقول انها كانت عادة قديمة و ماعرفش يتخلص منها
ممكن ناس ماتفرقش معاها اصلاً
التفكير خلاني اوصل في الاخر ليا انا.. انى انا نفسي ممكن اكون بعمل حاجة و تكون معصية
و حد يشوفني يقول عليا ملتزمة عشان لبسي
و اكون انا في نفس موقف عمو اللي شفته ده
التفكير ده خلاني احاول اشوف في خطوات كتيرة قوى بعملها حتى اقل حاجة
مش نفاق ولا رياء للناس... عشان ماحدش يقولي اننا هنرائي الناس و نضحك عليهم :)
لو حاجة محتاجة تتصلح هتتصلح من جوانا
ف هتبان من بره كويسة
:)
بس بقت اشوف حاجات صغيرة قوى ماكنتش باخد بالي منها اوى
لما اجى اخرج اللبس يبقى منمق و شيك و مكوى
عشان ابقى سفيرة للاسلام صح
لو حد شافني بعمل حاجة غلط مايرميهوش زور و ظلم على الاسلام
و لو كان فيا خير في التعاملات الناس يقولوا ااه هوا ده الدين
حتى على النت... او طريقة كلامي في اي مكان
احب الناس يشوفوني باي شكل و اي اسلوب؟؟
اشوف حاجات صغيرة كده بتفرق
اشوف لو فيه معصية بعملها... الاسلام برئ مني و برئ منها
و انا خارجة
اشوف اتأكد كل مرة الايشارب كويس و اللبس كويس مافيهش حاجة غلط!
اورى الناس اثر نعمة ربنا عليا
ده كله بيخلي الناس تاخد صورة افضل عن الدين
لأنهم لما بيلاقو حد تعاملاته وحشة
او حد تصرفاته غريبة
او حد لبسه مش مرتب و مش منظم
و يكون الشخص ده متدين
بيحطوا ده كله في الاسلام
و لو احنا احسننا التعاملات
هننقل الاسلام بطريقة اكثر قوة من لو اتكلمنا مع الناس ندعوهم للدين
زي الاسلام لما دخل افريقيا بتعاملات التجار بس
لما شافوهم بيتعاملوا بطريقة حسنة الناس حبت الدين و دخلت فيه كتير قوى
لأنهم شايفين اثر الدين في تصرفات الناس
هي دعوة اننا نبقى سفراء للاسلام
في كل موقف صغير و كل موقف كبير
بس كده :)
ــــــــــــــــــــــ
الصور اللي في البلوج رجعت تبان تاني الحمد لله :d
ناقص بس الصورة بتاعت موقع افحت و البلوج يبقى راضى عني تاني مش متضايق زي قبل كده :d
12 comments:
نحاول أن نقنع الناس بأخلاقنا وتصرفاتنا أكثر من كلماتنا
حال واحد في ألف أفضل من مقال ألف لواحد
جزاكم الله خيرا
وفعلا كما قال استاذى عصفور المدينة
حال واحد فى الف افضل من الف مقال لواحد
جزاكم الله خيرا جميعا
ما شاء الله :)
كنت كتبت من حوالي ثلاثة أيام بذرة موضوع في مفكرتي كانت تدور حول خواطرك ربما أخرجها إلى النور قريبا
ذكر لي معلمي في المرحلة الثانوية قصة شبيهة غير أنه رآها بجوار الحرم .. ولكن كما قلتي ربما هذه سيئته
وربما سيئتي ظاهرة كسيئته ولكنها ليست التدخين
كلامك يمكن أن يكون عن القدوة والتعليم والتأثير بالقدوة وهذا ما ذكرني بأحد أسباب هدايتي أو الكلمات التي أثرت بي حقا في صغري .. إذ كنت أنا وإبن أحد أصدقاء والدي وأنا أعتبره صديقا وأب لي كنا نجلس معا فقال فيما قال لنا أنا وابنه أننا كأبناء لدعاة أمام النس قدوة .. حقيقة صدمتني كلمته فكيف يكون قدوة ذلك الطفل الذي يحاول دخول مرحلة الشباب على استحياء وحقا أثرت بي فكيف أكون قدوة بكل هذه المعاصي والأخطاء .. فبدأت في تغييير بعض عيوبي لا من أجل الناس ولكن لأني بمعصيتي التي ربما أتوب منها بعد ذلك ربما يشاهدنيث غيري فيقول هذا ابن الداعية يفعل كذا فربما حسب أنها حلال وربما شجعته أنا على المعصية فأصبته هو بالضرر وأصبت نفسي
ربما أذكرك أيضا تلك المقولة التي أضفتها قبلا في موضوع كلمتين على المنتدى وكان فيها أن المسلم يجب أن يكون كالكتاب المفتوح فهو أينما كان فهو معلم بالقدوة ...... إلخ
جزاك الله خيرا
الله يكرمك
ده برضه اللي كنت دايما باقوله
دايا التصرفات الحسنه بتدي انطباع كويس
وابتسمتك في وجه اخيك لك صدقة
وادفع بالتي هي احسن فاذا الذي بينك وبينه عداوة كانه ولي حميم
تخيلي ممكن اكسب قلب اللي قدامي ازاي لو ساعدته او خدمته او حليت مشكلته او قضيت مصلحته لوجه الله
ربنا يعيننا جميعا
ما شاء الله يا بنتي
موضوع في الجون
ما شاء الله بجد
اسلوبك بقى منظم أكتر بكتييييير وفيه
focus
أقولك حاجة جميلة جدا .. ساعات كتير يعني لما بقرألك بحس إني بقرأ أفكاري الخاصة عشان كده كلامك بيدخل قلبي بسرعة .. هو أصلا هناك :) .. بجد ربنا يبارك فيك وفي أخوتنا يا بنتي :)
وحشتيني بجد فينك على الماسنجر بقى
السلام عليكم
الموضوع اللى بتتكلم فيه ده مهم جداً
أول حاجه نقطة ان كل واحد ملتزم و قنع بأنه يستن بسنة النبى صلى الله عليه وسلم .. فده يبقى مطالب اكتر من غيره انه يحافظ على اخلاقه قدام الناس
والمفروض زى الأخ اللى انتى بتقولى عليه ده كان أولى بيه .. انه يستر البلاء اللى هو فيه
اذا بليتم فاستتروا
تانى نقطة .. المظهر .. ان للأسف الكتير بيغتر بالمظهر الخارجى
تالت نقطة .. اعتذر لتقصيرى فى المتابعة فى الفتره الماضيه لإنشغالى الشديد
لما تكلم عيسى عليه السلام في المهد قال
أول ما قال
إني عبد لله آتاني الكتاب وجعلني نبيا ...
ثم ثنى بقوله
وجعلني مباركاً أينما كنت
في أي مكان وأينما حل فعبد الله الداعية مبارك .. ينشر بركته على الجميع سواء تكلم أو بقى صامتا .. تحرك أو بقى ساكنا .. هو السفير المبارك
بسم الله الرحمن الرحيم
مموضوع ممتاز كالعادة اختي الفاضلة .. ما شاء الله :)
فعلا كل شخص مسلم بطبعته سفير للاسلام .. بس مع الاسف المسلمين .. فكرين ان الابتسامة .. والاناقة .. والرقي .. كلها حاجات جيه من الغرب مع ان الغرب هما ئلي واخدنها من الاسلام
ومع الاسف نحن كمسلمين لا نقلد .. ولكن اذا علمنا ان ديننا وواجبنا نحوه يدعونا ان نكون سفراء للاسلام ..لتغير حالنا إلى افضل حال
جزاكم الله كل خير موضوع ممتاز
وفرصة طيبة للتغير مع اقبال شهري شعبان ورمضان .. تقبل الله من الجميع
:)
اخوكم
السلام عليكم
اختي المجاهدة حياكي الله وبياكي
وجعلت جنة ربي مثوانا ومثواكي
احييكي علي البوست الرائع دة
وأسال الله ان يكون في ميزان
حسناتك بوركتي وفي انتظار
المزيد نفع الله بكي وزادكي من
فضلة تقبلي تحياتي
احبك في الله
السلام عليكم
ولنا من يوسف عليه وعلى نبيا الصلاة والسلام الأسوة حتى وهو فى سجنه يدعوا الى الله عز وجل
عجبني كلامك وكنت أفكر أن أتناوله يوماً ما ولعله قريباص غن شاء الله
ولقد ذكرتيني بكلمه قالها الداعية الشيخ مسعد انور أن كل ملتزم وملتزمة علي ثغر من ثغور الإسلام
بمعني أنه يقف في موقف المدافع والحامي للشريعة والدين والاخلاق التي يفترض الناس وجودها فيه
جزاك الله خيرا
السلام عليكم
تم رسميا بدء دروس مدونة العلم الشرعية
مدرسة العلوم الشرعية المبسطة
يرجى التواصل معنا بالنصح والمتابعة
Post a Comment