Monday, September 10, 2007

المهم الهدف

ماكنش ليا نفس الحقيقة انزل اي بوست تاني بعد بوست رمضان... و ابقى اكمل بعد رمضان
بس الحقيقة نقطة وقفت عندها امبارح كتير
غيرت كتير اوى من تفكيري اللي فضلت عليه فترة طويلة

كتير اعرفهم وصلوا انهم يحققوا الهدف بتاعهم
على مدار سنتين او تلاتة او ممكن اكتر.... المهم انهم وصلوا دلوقتي للهدف بتاعهم
قعدوا يشتغلوا عليه و يتبعوا لحد ما وصلوله

صحيح مع اختلافى معاهم في اهمية الهدف ده من ناحية دينية... بس هما عايشين عشان هدف و حققوه
قلة فهم منهم في الاولويات و الدين... خلاهم ماعرفوش يظبطوا الهدف صح
بس وصلوله في الاخر اللي هما محددين عليه من زمان اوى

كنت مبسوطة ليهم اوى انهم حققوه
في نفس الوقت متضايقة ليهم انهم ماعرفوش يختارو هدف يكسبوا بيه دنيا و اخرة

النقطة دي نقلتني لنقطة تانية في تعاملاتي مع الناس
حاجة وصلتلها امبارح و بدعي ربنا يثبتني عليها

اننا لما نكلم انسان شايفينه بيعمل حاجة غلط
مش حاسة ان الوصف الانسب في مخنا ليه انه عاصى
هوا مجرد انسان... بيعمل الصح و بيعمل الغلط... الغلط عنده اكتر شوية
بس ربنا يهديهم يعرفوا يوصلوا لأحسن من كده

كنت لما بقعد مع ناس معينة قبل كده القعدة كلها ابقى زهقانة لأني شايفاهم على بعضهم غلط

امبارح لما فكرت اقعد معاهم انهم بشر الاول
لاقتني بتقبل كتير اوى بيعملوه و شايفه الكويس اللي هما بيعملوه
وقت الغلط بمشى و اسيبهم

بس لما ابصلهم انهم بشر.. انسان...
بيعمل الكويس و بيعمل الوحش
ده مخليني اتقبل منهم الكويس اكتر
و مخليني عندي القدرة اكتر انى اصبر عليهم و اتحملهم حتى لو فيه عندهم غلط بيعملوه

بابايا كان بيقول للمدمنين اللي بيحاولو يتلقو علاج في وسيلة لتحسين العلاج
انتا مش مدمن
انتا شخص بتتعالج من الادمان

زي ما تيجي تتكلم عن شخص عنده مرض نفسي
ماتقولوش انك مجنون او انك مخك بايظ
قوله انتا شخص بتتعالج من مرض كذا

يفهم انه ده مرض عنده مش المرض تملك عليه


نفس النقطة انا شايفاها بالنسبة للناس دي

انى اقول في مخي ده عاصى
بيخليني ابعد عنه لمجرد التفكير انه عاصى
اما افكر فيه انه انسان بيعمل الصح و بيعمل الغلط
بيديني فرصة اكتر اقرب من الصح عشان افهم مداخله... بعديها اعرف انصحه يبعد عن الغلط



بصراحة اما وصلت للنقطة دي استريحت اوى و حسيت انى مبسوطة
لأني من زمان ببعد اوى اوى عن ناس و مش عارفة اشوف فيهم النقطة الكويسة
اول ما ابتدي افكر ان فيهم نقطة كويسة بعرف اتقبلهم و بالتالي اعرف مداخلهم و بالتالي تسهل طريق الدعوة بحد كبير

المهم الهدف من قعدتي معاهم هيا ايه :)
و المهم انهم مايأثروش عليا سلباً بعد كده...
و المهم انى قبليها اكون فاهمة كويس الصح ايه و الغلط ايه

و المهم بردو انى اعرف انى كان زماني بقيت زيهم لولا فضل الله عليا و انه من عليا بالاسلام
و لعل الله يحدث سببا عشان ياخدهم هما للهداية
و لعلي اكون انا السبب ده ... ف لازم اعرف افتح قلبي كويس عشان اتقبلهم إذا كنت اريد ان احدث فرقاً


بس كده :)
اسرع بوست في حياتي تقريباً :D

ناقصلي تاجين ان شاء الله بعد رمضان :)
كل سنة و انتو طيبين
ربنا يبلغنا جميعاً رمضان و ييسرلنا العبادة و يتقبلنا من عباده الصالحين


22 comments:

لحظة said...

ربنا يكرمك
المهم الهدف
عندك حق
كل واحد لازم يحدد هدفه

جتي على الوجيعة
ازاي نرتب الاهداه وايه هي الاولويات
سنين ممكن تضيع من الواحد عشان ما رتبهاش صح
كل سنه وانت طيبه
اللهم بلغنا رمضان

عصفور المدينة said...

كل عام وأنت بخير وأعاننا الله وإياك على رؤية المفضول والفاضل والصدق مع النفس

belal said...

كل عام وأنتم بخير
..
المهم الهدف
..

محمد said...

أضفت تعليق منذ قليل عند أحد الأخوة في مدونته .. لا أذكر من هو

المهم

كان فيه
نحن لا نزن الناس بميزاتهم ولا بعيوبهم ولكن نزنهم بهما معا

أعجبني في تدوينتك نقطة وهي

أنك طرقتي على موضوع الهدف من الجلسة مع الناس

فلا يكفي أن أزن الشخص وأعرف هل هو جيد أم لا ولكن يجب أن أحدد هدفي حتى لا نضل سويا

سيطول الكلام ولكن يكفي ما كتبته

كل عام وأنت بخير .. ونراك على خير
:)

Rehab Saber said...

احم احم

لحقت اخر بوست ..

بصى بقالى فترة مش متابعة مدونات بس لازم اقرء مدونتك من اول موقفت

امال ايه يا بنتى .. شوفتى الاخوة بقى :D

مش مساْلة عمود ابدا :D

ياسر سليم said...

السلام عليكم ورحمة الله وبركاتة

كل عام وانت بخير

غفر الله لنا ولك فى رمضان

و ثبتنا على الخير بعد رمضان

انكسارات .. احمد البوهى said...

يااااااااااه
مدونة جميلة فعلا
..
بارك الله فيكى

مشروع انسان said...

رمضااااااااان كريم
بغلكم الله رمضان
وسلمه لكم
وتسلمه منكم متقبلا
كل عام وانتم بخير
تقبل الله طاعتكم

مشروع انسان said...

رمضااااااااان كريم
بغلكم الله رمضان
وسلمه لكم
وتسلمه منكم متقبلا
كل عام وانتم بخير
تقبل الله طاعتكم

سمـــر مــاهر said...

جزاك الله خيرا يا مجاهده

احسن حاجه فى الدنيا الوقفات اللى بتبقى مع النفس
احساس جميل انك تغيرى من حاجه كنتى متعوده عليها عشان تبقى احسن

ربنا يكرمك يا حبيبتى

وكل عام وانتى بخير وسعاده
سلام عليكم

Unknown said...

الله ينور
وكل عام وأنتي بخير

زمردة said...

السلام عليكم ورحمة الله
صدقتي
فعلا مشكلة من مشاكلنا في التعامل مع الناس ان احنا بنعاملهم على انهم ملائكة لو كويسين او شياطين لو العكس وبننسى ان احنا بنتعامل مع بشر تخطئ وتصيب
جزاكي الله خيرا

.:.-=- ELGaZaLy-=-.:. said...

كل عام وانتى بخير ده اولا

ثانيا ربنا معاكم ويكرمك ...

اسكندراني اوي said...

كل سنه وانتي طيبه
ويارب يكون رمضان ده وقفه مع النفس للناس كلها لاعاده ترتيب الاوراق

بنت أبيها said...

تمااااااام


ده اللى بقوله كتير


ده كمان العاصى ده مين اللى هينصحه لما كل الكويسين يبعدوا عنه عشان هوه وحش

على الرغم انه مش وحش

ده حتى فيه بيكون منهم ناااااس بتعمل خير كتير قوى بس عندهم مفاهيم غلط بيعملوا على اساسها الغلط

وساعات بيكون منهم من يتحقق فيه قول الرسول صلى الله عليه وسلم

خيركم فى الجاهلية خيركم فى الاسلام

وجزاك الله خيرا حبيبتى

وكل سنة وانتى طيبة

ا بـن عــمــر said...

جزاكم الله خيرا
لابد ان نزن الناس
بحلوهم ومرهم
ولا ناخذ المر فقط

ولابد ان ندرك
كذلك كنتم من قبل فمن الله عليكم

Maha said...

اهاا .. كده فهمت .............

صحيح كلامك يا مجاهدة

أنسانة-شوية وشوية said...

السلام عليكم ورحمة الله وبركاته
كل عام وانت بصحة وستر من الله ويمر عليك رمضان اعوام واعوام بالفعل اهم حاجة الهدف يعنى ان يكون كل شئ بنعمله في حيتنا كله ي اتجاه الهدف ويمكن هوده اللي خلانا ندخل مجال التدوين علي اختلاف اهدافنا المهم ربنا يتقبل ونكون علي حق
جزاك الله خيرا

Unknown said...

اول حاجه
كل سنه وانتى طيبه يا جوجو
وبجد جزاكى الله كل خير على البوست
دايما كده كلامك بيجى فى وقته
ويارب يكون هدفنا كلنا صح :)

veticohaya said...

salam alikom...
مجاااهدة...فعلا تفكير حلوو
وايجاابية في التفكير كماان...لازم نبص على الي البشر الي حواليا انهم بشر
ليهم قلب وليهم عقل ورووح
بيحسوا..وبيقرروا بنااء على حكمهم..

العااصي ليه يووم يتووب...والمدمن ليه يووم يتعاافى...
واحنا مش في قمة الكماال عشان نانف منهم..
بالعكس ممكن ممنهم نتعلم الغلط..
الي بنرتكبه...

ربنا يهدي الجميع ياارب...:)

كفايـة طيبـة said...

يارب فعلا تبقي اهدافنا صح

حسيت ان البوست بيتضمن معنى التفاعل مع الاخر والتعرف على تفكيره وكدة

معنى كويس اوى
ربنا يكرمك يابنتى

كل سنة وانتى طيبة ياقمر

عمرو المصري said...

كل عام وانتم بخير

اعاد الله عليكم العيد في العام القادم
ونحن علي ابواب المسجد الاقصي ان شاء الله


هدية المحارب للمحاربين في يوم العيد

تجدونها فقط
في
ارض الحرب