Wednesday, July 15, 2009

شوية شخبطة

....

عايزة اتكلم مع حد..... و مش لاقية حد اتكلم معاه!


عايزة اقول شوية حاجات... بس مش عارفة اقولها ازاي!

فيه شوية حاجات بفكر فيها... بش مش قادرة احطها في كلمات مفهومة

عاوزة اعمل حاجة... و مش عارفة هيا ايه

عايزة اقوم اتمشى بالليل وسط الشارع و هوا فاضى - للأسف مابقاش بيفضى في الصيف خالص- بس اقعد اتمشى مش عارفة اروح لفين و لا قد ايه

انا بقالي كتير قوى مابطلعش اللي جوايا...لدرجة انى مابقتش بعرف لما ابقى عاوزة
نسيت ازاي
و نسيت ليه اطلع اصلاً

كنت بتكلم النهاردة مع اخويا ان فيه كتير قوى بيقولوا عليا باردة... عشان مش بتعصب ولا بنفعل ولا بتنرفز على الحاجات اللي بتحصل في الشغل مثلاً
و انا مقتنعة ان مش دي الحاجات اللي تستاهل الواحد يضيع عليها اعصابه ولا وقته ولا تفكيره
ف انا بسيب حاجات كتيرة... بس مقتنعة بيها

بس ساعات بخاف ابقى من كتر مانا كده.... انى افضل طول عمرى كده
"حد فاهم حاجة؟ :)"


اللي بيقرى الكلام ده... انا اسفة انى ضيعت شوية من وقتك

انا متضايقة و مش عارفة متضايقة ليه

لأ... انا فيه حاجة مضايقاني و عارفة هيا ايه.... الفكرة، ان الحاجة دي عندي من زمان قوى ومش عارفة اصلحها
ف بقيت بتاقلم معاها
بس المشكلة انها كل ما ترجع تاني...كل ما اتضايق تاني
مش عارفة انا اللي مكبرة الموضوع و عاملاها مشكلة - من الاول اصلاً.
ولا هيا فعلاً مشكلة
ولا انا اللي بكبر الموضوع دلوقتي
"حد فاهم حاجة بردو؟ :)"


انا عاوزة اتكلم و فعلاً مش عارفة اقول ايه
و عاوزة اعمل حاجة و مش عارفة اعملها ازاي...
مش عارفة اعمل ايه اصلاً :)
وسط مانا كده افتكرت ان ليا مكان ممكن اكتب فيه
اكتب فيه شوية شخبطة.... مش عارفة... ممكن تفيد

9 comments:

محمد عبد الغفار said...

قولى اللى تقوليه زى مهو
واعملى اللى تعمليه زى مهو

بعد متقوليه وتعمليه يمكن تعرفيه

فاهمه حاجه

المجاهدة said...

:)

يا رب اوصل لحاجة في الاخر
:)

sh!ko said...

المجاهده
ساعات كتير ببقى زيك وفى الاخر
بتبع خطة الصمت الحاد :D

بس بجد بيبقى احساس صعب جدا
لما ابقى عايزه اتكلم العب انط اعمل اى حاجه وبفضل ساكته

نصيحه اعملى وقولى واتكلم كل الى عاوزاه ومش تسيبى الوقت يضيع منك :)

المجاهدة said...

:)
المشكلة انى مش عارفة حتى انا عاوزة اعمل ايه
الموضوع غريب المرة دي :)

بس شكراً يا شيكو <3

✿مَرْسَى الحُب✿ said...

نفس الحاله إللي فيها بس طولت معايا قوي بقالي سنين على الحال ده والمشكله إني لما ألاقي حد أتكلم معاه بأتخنق بعدها لأن بيكون اختياري خاطيء سواء اختياري للشخص أو للوقت أو للحاجه إللي بقولها

حاولي امسكي ورقه وقلم وشخبطي أي حاجه يمكن تقدري تفرغي شويه من إللي جواكي

:)

المجاهدة said...

:)
الظاهر ان فيه كتير عايشين نفس اللي انا فيه
:)
بس احلي حاجة... ان ده معناه ان فيه كتير فاهمين انا عاوزة اقول ايه
الحمد لله :):)

شكراً يا "انا التي"
ربنا معاكي انتي كمان :)

محمد said...

سبحان الله..

فاكرة مشاركاتك الطويييييييلة على كل الطلبة ؟؟
:D

أخبرك شيء.. أرى أنك كآخرين مثلك كثير, اعتادوا على المجتمعات الافتراضية, ووجدوا فيها ضالتهم, فقربتهم من أناس يشبهونهم في اهتماماتهم, وكتاباتهم.. أناس يقدرون معنى ما تعبرين عنه..

تخيلي أن يفقد شخص كل هذا, ويجد نفسه محاصرا بالحقيقة والواقع, ويرى الدنيا على حقيقتها.. بعد أن كان لا يرى إلا ما يريد..

استمري في حياتك الطبيعية, وأوجدي لنفسك متنفس على الإنترنت, صدقا سيفيدك هذا كثيرا..

أكرمك الله
ننتظر عودة المجاهدة..
:)

عمك ياض said...

!!
تاني تدوينه
بعد ما اكتب الرد عليها امسحه عشان بلاقيه حيتفهم غلط

!!!


حيتفهم غلط عشان انا مش كاتبه بشكل واضح اوي

abriellenaegeli said...

Casino Games - JamBase - NJ Hub
Visit our web site. http://www.casino-games.com/casino-games.php or find 구미 출장샵 out more 나주 출장샵 about the games of 거제 출장안마 Casino 서산 출장안마 Games 상주 출장안마 - JamBase at