صناعة ربّانية
زمان كنت ببقى معجبة جدا بأي فيلم أمريكي...
لأني بحسهم عمرهم ما بيذكروا تفصيلاية واحدة.. إلا و كانت ليها اهمية في الفيلم
من بداية الفيلم خالص خالص... حد يجي يقول كلمة... الجملة دي بتفيد في اخر الفيلم
حد يذكر في النص ان البطل في صغره لعب لعبة كذا... و اخر الفيلم لقدراته الجسمانية اللي اكتسبها من اللعبة دي يعرف يخلصهم من الخطر المحيط بيهم
سيبكم من قصة الفيلم اصلاً و من الافتكاسات الي بيعملوها... هما بيصنعوا ابطال من ورق و بيبوظوا كتير من المفاهيم و الاسس الي عندنا...
بس نقطة التفاصيل المهمة دي... هيا اكتر حاجة كانت بشتد تفكيري...
حاولت قريب اقارن بين اتقانهم في التفاصيل.. و بين الاتقان الربّاني..
ربنا مالك الكون...
ربنا الي بيسّير الكون كله عشان هدف واحد...
كل تفصيلة فيه تبقى مهمة...
كل تفصيلة بنتعرض ليهم.,.. مهمة جدا بالنسبة لينا
الحكاية مش بتيجي كده بالصدفة
ولا هيا حاجات مالهاش لازمة بنتعرض ليها طول حياتنا
لو هيا فعلاً حاجات مش مهمة... ماكنش ربنا يسّرلنا الكون و سبّب لينا الاسباب عشان نشوفها
كام حد فينا في يوم ماشى جمب مكان معين و سمع كلمة من اتنين بيتكلموا... الكلام ده أثر فيه بعد كده!!
بتحصل كتير قوى..
و انتا ماعدتش هناك صدفة!
ولا الناس دول كانوا بيتكلموا بصوت يوصلك كده و خلاص!
ربنا هوا الي خلاك تمشى و سيّر الكون كله عشانك انتا!
كام مرة تقول الحمد لله و تلاقي بعديها حد معدي من جمبك مبتسملك اوى..
هيا دي صدفة!
و ربنا بسابق علمه عرف انك هتقول في اليوم الفلاني في الوقت ده بالذات... هتقول الحمد لله طالعة بصدق من قلبك
ف يسّرليك الكون ان نعمة جديدة تيجي قدام حمدك ده و تبسطك...
ربنا بيقول لسيدنا موسى في سورة طه وَاصْطَنَعْتُكَ لِنَفْسِي
متخيلين كام حاجة مرت علينا في حياتنا.. و ماستفدناش بيها ولا استغلناها زي ما المفروض نعمل
ربنا ان كان عالم الحاجة دي مش مفيدة ليك عمره ما كان هيبعتها... الكون منظم و مسيّر تبع حكمة ربنا بس الي يعرفها..
ربنا ان كان عالم انها فعلاً هتفيدك.. عشان كده باعتهالك
الدور بقى علينا احنا نعرف نستغلها صح... و نعرف نمشى بيها صح
كام مرة فتحت التلفزيون و لاقيت قناة عليها شيوخ افاضل بيقولوا الكلام الي انتا محتاج تسمعه دلوقتي!
كام مرة كنت بتقلب في التلفزيون ممكن اتفرجت على حاجة مش دينية.. بس سبحان الله تلاقيهم بيقولوا كلام انتا مستنيه يفيدك في حاجة في حياتك...
دي المعاني الي في مخي بقالي كام يوم
بحاول من ساعة ما فهمت كده على قد ما اقدر انى اتفكر في كل موقف صغير حصل
حتى الحاجات اي بشوفها و انا ماشية... بحاول اطلع منها معني... و احاول افهم سبب ليه شفتها..
مجرد احساس انك في الكون بتاع ربنا... و ان مافيش اي حاجة بتحصل هباء.. مخليني احس براحة و طمـأنينة شديدة بجد
الكون معمول عشاني... و متيسّرلي انى اتعلم الحاجات الي هتفيديني بس
و متيّسّرلي الاوقات و الناس الي ممكن اعلمهم الي اتعلمته...
الحمد لله على كل شئ
حبيت اشرككم معايا بالمعاني دي
و اعتذر ان كان كلامي ملخبط و متخبط شوية...
سلام عليكم
لأني بحسهم عمرهم ما بيذكروا تفصيلاية واحدة.. إلا و كانت ليها اهمية في الفيلم
من بداية الفيلم خالص خالص... حد يجي يقول كلمة... الجملة دي بتفيد في اخر الفيلم
حد يذكر في النص ان البطل في صغره لعب لعبة كذا... و اخر الفيلم لقدراته الجسمانية اللي اكتسبها من اللعبة دي يعرف يخلصهم من الخطر المحيط بيهم
سيبكم من قصة الفيلم اصلاً و من الافتكاسات الي بيعملوها... هما بيصنعوا ابطال من ورق و بيبوظوا كتير من المفاهيم و الاسس الي عندنا...
بس نقطة التفاصيل المهمة دي... هيا اكتر حاجة كانت بشتد تفكيري...
حاولت قريب اقارن بين اتقانهم في التفاصيل.. و بين الاتقان الربّاني..
ربنا مالك الكون...
ربنا الي بيسّير الكون كله عشان هدف واحد...
كل تفصيلة فيه تبقى مهمة...
كل تفصيلة بنتعرض ليهم.,.. مهمة جدا بالنسبة لينا
الحكاية مش بتيجي كده بالصدفة
ولا هيا حاجات مالهاش لازمة بنتعرض ليها طول حياتنا
لو هيا فعلاً حاجات مش مهمة... ماكنش ربنا يسّرلنا الكون و سبّب لينا الاسباب عشان نشوفها
كام حد فينا في يوم ماشى جمب مكان معين و سمع كلمة من اتنين بيتكلموا... الكلام ده أثر فيه بعد كده!!
بتحصل كتير قوى..
و انتا ماعدتش هناك صدفة!
ولا الناس دول كانوا بيتكلموا بصوت يوصلك كده و خلاص!
ربنا هوا الي خلاك تمشى و سيّر الكون كله عشانك انتا!
كام مرة تقول الحمد لله و تلاقي بعديها حد معدي من جمبك مبتسملك اوى..
هيا دي صدفة!
ربنا بيقول وَإِذْ تَأَذَّنَ رَبُّكُمْ لَئِنْ شَكَرْتُمْ لأَزِيدَنَّكُمْ
و ربنا بسابق علمه عرف انك هتقول في اليوم الفلاني في الوقت ده بالذات... هتقول الحمد لله طالعة بصدق من قلبك
ف يسّرليك الكون ان نعمة جديدة تيجي قدام حمدك ده و تبسطك...
ربنا بيقول لسيدنا موسى في سورة طه وَاصْطَنَعْتُكَ لِنَفْسِي
متخيلين كام حاجة مرت علينا في حياتنا.. و ماستفدناش بيها ولا استغلناها زي ما المفروض نعمل
ربنا ان كان عالم الحاجة دي مش مفيدة ليك عمره ما كان هيبعتها... الكون منظم و مسيّر تبع حكمة ربنا بس الي يعرفها..
ربنا ان كان عالم انها فعلاً هتفيدك.. عشان كده باعتهالك
الدور بقى علينا احنا نعرف نستغلها صح... و نعرف نمشى بيها صح
كام مرة فتحت التلفزيون و لاقيت قناة عليها شيوخ افاضل بيقولوا الكلام الي انتا محتاج تسمعه دلوقتي!
كام مرة كنت بتقلب في التلفزيون ممكن اتفرجت على حاجة مش دينية.. بس سبحان الله تلاقيهم بيقولوا كلام انتا مستنيه يفيدك في حاجة في حياتك...
دي المعاني الي في مخي بقالي كام يوم
بحاول من ساعة ما فهمت كده على قد ما اقدر انى اتفكر في كل موقف صغير حصل
حتى الحاجات اي بشوفها و انا ماشية... بحاول اطلع منها معني... و احاول افهم سبب ليه شفتها..
مجرد احساس انك في الكون بتاع ربنا... و ان مافيش اي حاجة بتحصل هباء.. مخليني احس براحة و طمـأنينة شديدة بجد
الكون معمول عشاني... و متيسّرلي انى اتعلم الحاجات الي هتفيديني بس
و متيّسّرلي الاوقات و الناس الي ممكن اعلمهم الي اتعلمته...
الحمد لله على كل شئ
حبيت اشرككم معايا بالمعاني دي
و اعتذر ان كان كلامي ملخبط و متخبط شوية...
سلام عليكم
16 comments:
السلام عليكم ورحمه الله وبركاته
ايه يا عم الكلام الكبير ده
:D
بس جه فى وقته والله
عارفه
اوقات حاجه صغيره تحصل
وبعد عشريييييييييين سنه تلاقى حاجه كبيره حصلت مترتبه على الحاجه الصغيره اللى مكنتيش مهتمه بيها
سبحان الله
وساعات حاجه تحصل وتبقى متضايقه اوى
وازاى حصل كده
وانا مش هعيش تانى
بس بعد كده بتلاقى ان لو الحاجه دى مكنتش حصلت كان هيبقى فى حاجات اسؤأ من كده
يالا
الحمد لله الذى لا يحمد على مكروه سواه
الى الامام يا فتاه :D
سلام عليكم
جميل جدا
أحب أضيف إن نفس الأفكار دي بتنطبق في السلب كما في الإيجاب
يعني فيه اشياء بتصرف عن الإنسان لا يعلمها وتفاصيلها أكثر لو فكرت فيها ستجدي احتمالاتها أكثر مما يحدث وهذا لا يحيط به بشر ولكن قد يفتح لك باب أحيانا للتفكير فيه
عن طريق بعض الأحداث التي يكون واضح فيها الاحتمالات التي فاتت
مثل حادث مثلا يحدث لسيارة وكان مقدر لإنسان أن يركبها وفاتته لعارض
وهذا باب واسع
موضوع جميل ما شاء الله
فتح الله عليكم
:)
سبحان الله كنت أفكر في كتابة موضوع مشابه تحت عنوان حكمة الله
:)
فعلا معك حق .. فهذه الأشياء التي تحدث لنا ما هي إلا رسائل ربانية .. يمن الله على بعض عباده المتقين بفهمها وبعض آخر يقول ماذا أراد الله بهذا مثلا
جزاك الله خيرا
كلامك اختنا جميل جدا
وده فعلا اننا محتاجينه دلوقتى واليومين دووول وللجيل بتاعنا ده
يا جماعة الناس عايزة الاصل والمهم
سيبنا من الفرعيات والتفاصيل الممله اللى مش هتجبلنا نفع
ونركز فى القيمة اللى هنستفاد منها .. حتى ولو كانت صغيرة جدا
إمسكي جاوبي على وسم ده عقبال ما أقرأ التدوينة
ما شاء الله
وما خلقنا السماء والأرض وما بينهما لاعبين [الأنبياء : 16]
الذين يذكرون الله قياما وقعودا وعلى جنوبهم ويتفكرون في خلق السماوات والأرض ربنا ما خلقت هذا باطلا سبحانك فقنا عذاب النار [آل عمران : 191]
الحمد لله على نعمه الاسلام
فكر متميز يا مجاهده:)
مفيش وجه مقارنة بين صنع الخالق وصنع المخلوقين
الخاطرة جميلة جداً
جزاكى الله خير
الموضوع اكثر من رائع
جزاك الله خيرا
===============
كما قال المولى (الله لطيف بعباده)
بكتريا تدخل جسم واحد وممكن تموته في ساعات..لكن ربنا يحميه منها بفضله
أو ابنه الصغير كان هيقع من الدور التالت ويموت...بس واحد دعا له دعوة صالحة بظهر الغيب وهو ميعرفششي فربنا نجاله ابنه
=========
او مشروع كان هيعمله...وكان هيكسب فيه ملايين...ربنا سبحانه وتعالى ..
فوته عليه
لانه كان هيكفر بعد كده لما الفلوس تجري في ايديه
==========
او واحد نفسه يروح يجاهد..وهو ماشي في الطريق رجليه تتجرح ويجي له غرغرينه ويقطعوا رجليه ويرجع ميروحشي يجاهد..لانه لو كان كمل كان هيقع في ايد الكفار اسير وكانوا هيفتنوه في دينه
===========
صدق الله -عزوجل- الذي سمى نفسه
(العليــم الحكيـــم)
سمر :):)
و عليكي السلام و رحمة الله
اتبسطت اوى اما شفت تعقيبك
:)
ربنا يعزك يا رب
:)
كلام ده هوا الي اقصد هفعلاً
:)
الكون كله مسيّر لحكمة لا يعلمها إلا الله
و ممكن تكون حاجة فاكرنها شر بس تبقى خير كبير اوى لينا في الاخر
بس احنا الي مش واخدين بالنا و مش فاهمين
:)
الحمد لله على كل حال فعلأً
ربنا يعزك يا جميلة :)
اخي الفاضل عصفور المدينة
جزاك الله خيراً كثيرأً على الاضافة القيمة
:)
فعلاً عند حضرتك حق
و سمعت قصص كتيرة قوى تثبت كلام حضرتك مئة في المئة
:)
الحمد لله على نعمه و تسيّره لامورنا بما يراه خير لنا
:)
اخي خطاب
جزاك الله خيرأً على المرور الكريم
:)
اخي كاسبر
سعدت كثيراً باضافتك:)
جزاك الله خيرأً اخي
:)
اخي وضاح
:)
جزاك الله خيرأً اخي على تعقيبك
و منتظرين موضوع حضرتكالي هتتكلم فيه على الحكمة دي
:)
جزاك الله خيرأً
اخي بن توفيق
جزاك الله خيرأً :)
هما فعلأً الناس عاوزة تاخد العلم و المعرفة كأنها في معلقة... من غير تعب او تفكير او حتى شوية صبر عقبال ما كل حاجة تبان
و القصة لو كانت قصة زرار يتداس عليه ماكنتش هيبقى للدنيا طعم.... لأننا بطبعنا بنحب نتعب عشان نحس بحلاوة الي معانا
و لو متعباناش... عمرنا ما هنقدر الي معانا ده
الحمد لله على كل حال:)
مها
حاضر يا عم الحاج ماشى
:d
هجاوب عليه قريب ان شاء الله
:)
امنية
اتبسطت جدااا اما شفت تعقيبك بجد
:):)
ربنا يعزك يا رب
:)
الاية الكريمة الي ذكرتيهافي الاول... هيا دي الي كنت عاوزاها :)
جزاكى الله خيراً كثيراً انك حطتيها
:)
اخي محمد
اكيد مافيش اي وجه شبه بينهم:)
هيا بس كانت دي بداية التفكير
:)
جزاك الله خيرأً على المرور الكريم
:)
اخي محمد
جزاني و إياك
:)
ربنا يكرمك على المرور الكرين
:)
اخي الفاضل خالد
جزاك الله خيرأً كثيرأً على الاضافة دي
:)
الحمد لله انه هوا الي بيسيّر الكون كيفما يشاء
:)
و فعلأً حاجات كتيرة بتحصلنا... تبقى في ظاهرها اننا مش فاهمينها
بس ربنا ارحم بينا من انفسنا و ارحم بينا من رحمة الام لوليدها
:)
الحمد لله
:)
مش لاقيه اضافه اقولها .. موضوعك جميل يا جوجو .. ومه ربنا اعلي من انها تتقارن بأي شئ تاني .. بس المشكله ان فيه ناس مش بتشوفها اصلا
ربنا يكرمك يا كليوباترا يا رب
:)
عندك حق
مافيش صناعة زي صناعة ربنا
:)
المهم اننا ناخد بالنا و نتفكر في الي جايبهولنا
:)
الحمد لله
Post a Comment