كل إناء ينضح بما فيه
من فترة كنت في مكان مع اخواتي بره البيت... و فجأة فيه نحلة جات وقفت قداميبصراحة خفت في الاول و عاوزة افتكر ذكر يقيني...
و انا كنت خايفة من النحلة عشان قريبة قوى و عمالة بحاول اجيب اي ذكر!
مافيش حاجة راضية تيجي!!
لا عارفة اقول بسم الله الذى لا يضر مع اسمه شئ في الارض ولا في السماء
ولا عارفة اقول اعوذ بكلمات الله التامات من شر ما خلق
ولا حتى عارفة اقول اللهم احفظني
الحاجة الوحيدة اللي طلعت مني بعد فترة طويلة اوى بسم الله الرحمن الرحيم
عشان اللي بستخدمه فيهم كلهم اكتر حاجة
النحلة الحمد لله مشيت و راحت لسبيلها بدون اصابات :)
بس قعدت افكر مع نفسي كتير بعديها
انى لو الذكر ده ماليني فعلاً... لو بقوله كل يوم صباحاً و مساءً
لو مالي قلبي تماما ان ماحدش هينقذنى و يحفظني غير ربنا
و ان الرسول عليه الصلاة و السلام وصانا بكلمات هم افضل كلمات في المواقف دي تتقال
ماكنتش هتعب كتير انى اقول الاذكار دي
!!
بعديها بفترة بردو كان فيه نحلة!! :d
مش عارفة ايه قصة النحل معانا وقتها
و كانت قريبة و بتحوم كتير قوى
وقتها كنت مستعدية الحمد لله بالاذكار
و الحمد لله بعدت
و سبحان الله حتى و هيا قريبة كان قلبي مطمأن انها مش هتأذيني خاالص
لأني تحصنت بالقرب من الله و بالذكر
موقف تاني من فترة حصل بردو... انى اختلفت مع اخت لي في الله في مسألة
و اياً كان اللي غلط مين و مين اللي صح... انا حسيت انها ضايقتني
و سولت لي نفسي انى انا اللي صح اياً كان ايه اللي بيحصل
بس قفلت الموضوع و همشى خلاص
هيا كل شوية تيجي تقولي يا مجاهدة الاخوة في الله!
اقولها طيب ماشى ربنا يكرمك :)
تيجي بعديهخا بشوية كمان تقولي احنا لسه اخوة في الله!
اقولها و ماله ماشى :)
كنت غلسة اوى و مش عارفة اتقبل كتير :s
و هيا كل شوية تيجي تذكرني اننا اخوة في الله بغض النظر ايه حصل
مافهمتش انى غلط غير بعديها بيومين بالظبط!
انا اللي غلطت في اخت ليا في الله ربنا يعلم مدى حبي ليها
و هيا بالذات ليها افضال كتير قوى قوى عليا
و مع انى انا الغلطانة... و بقولها انا اللي غلطانة و نفسي انها تسامحني
لاقيتها هيا اللي عمالة تكلمني انها هيا اللي غلطانة!
و تقولي المفروض احنا اخوات في الله و انتى حبيبتي في الله مايصحش اسمح اتن حاجة تضايقني منك
و بتقولي انها متضايقة من نفسها عشان اتضايقت مني!!!
انا كنت قاعدة هعض في نفسي منها :d
بس لاقيتها انها كده عشان معاني الاخوة في الله مالية نفسها بشدة
قعدت كل شوية تذكر نفسها ان مافيش حاجة تستاهل اتنين اخوات في الله يتضايقو من بعض
و ماينفعش اننا نزعل من بعض مهما حصل
و تقولي انها متضايقة من نفسها انها زعلت مني!!!
هيا كان ليها حق تزعل مني والله :(
بس سبحان الله!
من كتر ماهيا ماليها حاجة واحدة و ماليها قوى
بتتصرف على اساسها
و انا ماتصرفتش على الاساس ده مع البنت الاولانية لأن معنى انى انا و هيا اخوات في الله مش قوية عندي زي البنت التانية بالنسبة لي
.....
الموقفين او التلاتة دول فعلأً نبهوني اد ايه ان ايا كان اللي عندك زمان هوا ده اللي بيطلع وقت العوزة و وقت الازمات!
عامل زي ما تيجي تسوق عربية مثلاً .... لو انتا كده كده متمكن منها... لو حصل في اي موقف تاني حاجة مفاجأة هتعرف تتصرف
لأنك اتأسست صح!
((معلش العربيات مأثرة معايا اليويمن دول :d ))
دكتور عمر عبد الكافي كان دايماً بيقول انك كأنك بتسحب رصيدك من الايمانيات من عند ربنا
انتا دايماً تزود ايمانك و صلتك بالله
لو حصل اي كرب... الايمانيات اللي انتا عمال تزود بيها نفسك دايماً دي هيا اللي بتطلع وقت العوزة
لأن المخ مش بيبقى مساعد اوى على التفكير السليم
ف بيطلع اقرب حاجة عنده
لو اقرب حاجة عنده ايماين و صلة بالله و حسن توكل عليه
لو اكتر حاجة قريبة هيا انك مسلم تماما لله رب العالمين و عارف انك مش هيصيبك غير اللي ربنا كتبه ليك
و انك مش هيصيبك غير الخير
اياً كان اللي هيحصلك هتعرف تثبت و تفضل صامد
ـــــــــــ
حاجة ممكن تكون قصة جانبية .... بس افتكرتها وسط مانا بكتب
تفسير ليه يوم القيامة الرسول عليه الصلاة و السلام بس اللي هيدعي ربنا
يعني ماحدش من الانبياء تاني راح يكلم ربنا
بيقولوا ان سيدنا محمد في رحلة الاسراء و المعراج كان بيكلم ربنا ليه بينه و بين الله حجاب
ف اطمأن قلبه برؤية الله و ثبت
يوم القيامة عند بقية الخلق حتى من الانبياء رهبة قوية و خوف من هذا الموقف
عدا رسول الله عليه الصلاة و السلام
لأنه اطمأن قلبه و كان فيه قبل كده
عشان كده هوا اللي كلم ربنا عز و جل
لو احنا في مواقفنا الطبيعية قلبنا ملئ بحاجة
الحاجة دي اللي هتطلع وقت ما نحتاجها :)
بس كده خلاويص:):)
جزاكم الله خيراً
ــــــــــــــــــــــــــــــــ
اعتذر عن عدم الرد و عن عدم المتابعة لبقية المدونات
الوقت مكربس اوى الفترة دي و الفترة الجاية!
24 comments:
ولذلك أهل الجنة يلهمون التسبيح كما يلهمون النفس
ولذلك ايضا من عاش على شيء مات عليه
ونحتاج فعلا كثيرا من الوقت ولتدرب حتى يصير كل خلق إلى سجية
جزاكي الله خيرا يا مجاهدة
ما شاء الله علي الأسلوب الراقي في عرض المواضيع
الشيخ عمر عبد الكافي من الناس العظيمة الي ترقق القلب
دائما أجد تذكرة جميلة هنا أكرمكي الله بها و جزاكي عنها خيرا
ومهما تكن عند امرئ من خليقة
وإن خالها تخفى على الناس تعلمُ
جزاكِ الله خيرا.
بارك الله فيك وجزاك عنا خيرا
:)
كلام جميل قوى
صحيح كل إناء ينضح بما فيه
بوست حلو
انا مررتلك تاج يا مجاهدة
رائعة يا مجاهدة
قوية و مؤثرة
اسال الله لك الجنة
ياسلام
والله شيء جميل اللي كتبتيه
بارك الله فيك
والله يذكرك بالشهاده
ذكرتني الله وما يجوز لي أن أغفل عنه
جزاكِ الله خيراً كثيراً .. ورزقنا أن نكون من الذاكرين الشاكرين
ما شاء الله عليكي أختي
افكارك غاية في الجمال جزاك الله خيرا
ذكرتيني والله بأخ لي عفا الله عنا وعنه كان لا يعرف ان يتكلم أمام زميلاته من الفتيات في العمل لا لأنه خجول مثلا ولكن لأنه لديه لسان بذيء أو كما نقول (لسان طويل) فكانت كل كلمه تخرج من فمه مطعمه بسبة أو شتيمه وذلك لأن هذا هو الذي تعود عليه في كلامه رغم أنه شاب طيب جدا وخدوم
ولكن كل اناء ينضج بما فيه
بارك الله لك ونفعنا بك
وأحب أن أشير ان هذا البوست قيم جدا وأنامتاكد من أنه سيتارك بصمة في كل من سيقرأه
من عاش على شئ مات عليه ومن مات على شئ بعث عليه
سبحان الله نحن من يختار لنفسه حسن الخاتمة والعاقبة وكل شئ بقدر الله
ولكنه توفيق الله لعباده فى طاعته وذكره الدائم
بوست جميل كالعادة
..
جيت اعلق ..اللي قبل خدوا الكلام من على لساني
..
ربنا يسامحهم بقى
..
اننا نقول الاذكار
ونحاول ان نكون دائما في معيه الله في السراء
لكن الضراء
لكن الابتلاء
اللهم ثبتنا
جزاك الله خيرا
بارك الله فيك وجزاك الله خيرا على هذا الكلام الرائع
ادعوكم لزيارة مدونتي http://miikha.blogspot.com/
السلام عليكم ورحمة الله وبركاتة
المواقف بصراحة كلها تعلم حاجات كتير
بس الموقف للى شدنى وافتكرت بيه معانى جميلة
موقف الاخت اللى زعلت منك او انتى اللى زعلتيها
فالاخوة فى الله شئ عظيم جدا لا يقدر بثمن اذكر كلام الاستاذ عباس السيسى وهو من الكلام الذى تاثرت به جدا كان يقول
الحب فى الله اذواق وأرزاق، وليس الرزق هو المال فقط
فإن التقوى رزق، والايمان رزق، أليس من ثمرا ت الاخاء
الغنى والرضا والامان والاطمئنان،
فاى رزق اعظم من هذا
جزيت حيرا
وبارك الله لك فى اخواتك
ربنا يبارك فيك يارب وجزاكى الله خيرا
اسلوبك جميل ويوضح فعلا انك على دين عالى جدا
بس بجد فيه حاجة جت فى بالى وانت بتتكلمى عن الاذكار والنحلة وازاى مقدرتيش تستحضريها بسهولة افتكرت احنا ازاى هنكون فى القبر ساعة السؤال عن نبينا وديننا اذا كنا فى الدنيا بسبب جفائنا عن ذكر الله وبيحصل لنا كده
منين مش فاضيه وما عندكيش وقت
بعد الدش ده كله
بتضحكي على نفسك ولا بتضحكي علينا
امتى الواحد يبقى صادق في اللي بيقوله
الساحة واقعة النهاردة :) الحمد لله ممكن احاول ارد على شوية ردود :)
اضافاتكم زودت عندي كتير بجد ربنا يعلم :)
جزاكم الله خيراً
اخي عصفور الجنة :)
جزاك الله خيراً :)
اخي انا و افكارى
ربنا يكرمك :)
اخي بوحسين
حضرتك منور المدونة :)
مها باشا :)
بنت ابيها
هبقى ارد ان شاء الله عليه قريب :)
منة الله هانم :)
فيميل ... منورة البلوجة :)
قبوستي من نور :)
اخي المهاجر إلى الله
:) ربنا يكرمك
اخي امام الجيل
ربنا يعزك:)
اخي other things
:d
ربنا يكرمك يا رب:)
حبيبتي لحظة
ربنا يثبتك يا رب و يرضى عنك:)
اخي الجمعاوى الاصيل
ان شاء الله ابقى اروح هناك:)
حبيبتي قلب ابيض
و عليكي السلام و رحمة الله
جزاكى الله خيراً كثيرأً عى الاضافة :)
هند باشا
:)
والله يا عم واخدين مقلب فيا :)
ربنا يعزك يا رب و يرضى عنك
كلامك عن القبر و الرد على سؤال الملكين سليم
اللي هيطلع مننا هوا اللي مالي قلوبنا في الدنيا فعلاً
لو مليان خير هيطلع خير
لو غير كده هيطلع اي حاجة تانية :)
أختي الفاضلة متهيأ لي الخ قلب أبيض هو مدون وليس مدونة
:)
وهذا الخطأ يحصل معي أيضا
Anonymous
كنت رديت امبارح بس حسيت ان ردي مالهوش اي فايدة او اهمية!
جزاكم الله خيراً عامة ... :)
استاذى عصفور المدينة
ربنا يكرمك على التنبيه :$
اخي قلب ابيض
اعت1ر جدا عن الخطأ ده غير مقصود :$
الزهايمر بينسيني اغلب الناس و الاسامي :$
جزاكم الله خيرا\ص :)
جزاك الله خيراًً يا مجاهدة
تذكرة نحتاج إليها جميعاً
ربنا يثبتنا
اللهم أجعل أخر قولنا لا إله إلا الله
ملحوظة :
أنا اخت في الله من منتدى كل الطلبة
نشطي مدونتك على قد ما تقدري دي
فرصة والمتدى واقع D:
ربنا يكرمك يا بنتي على تذكرتك :)
فعلاً التعود علي الأشياء هو أصل اتقانها
حتي تأتي في اوقتها ولا يصيبها الصدأ
بارك الله لك
لذلك من دعائنا نحن المسلمين .. اللهم أعني على ذكرك وشكرك وحسن عبادتك
فذكرك عند حاجتي إليه وشكرك على ما ألهمتني به من ذكرك وحسن عبادتك حتى لا يكون شكري قولا دون فعل
بالنسبة للموقف الآخر وهو موقف اختلافك مع صديقتك .. فجميل أن تراجعي نفسك بين الحين والآخر فيما قدمتيه للناس وهل حقا أنت على صواب .. أيضا لدينا ذكر وهو اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه
جزاك الله خيرا
Post a Comment