و لو بعد حين
بتمرن في شركة كده بقالي فترة.... ف من يومين طلب مني استاذ في الشغل انى اكتب حاجات على الكمبيوتر محتاجها بنظام معين عشان يكمل بيها شغله بشكل افضل
و طلب مني اكتبها على
Excel
اتبسطت جدااا بصراحة.... لأنى ماشتغلتش على اكسيل خالص
اتعلمته من تلات سنين تقريباً بس ماستفدتش بيه في اي حاجة! لأني مافيش اي شغل كنت بعمله محتاج شغل الاكسيل
ف كنت مبسوطة اوى انه العلم ده جه بفايدة الحمد لله في حاجة :)
طول مانا بكتب الحاجات عمال يجي في مخي شوية افكار!
ابتدت انى اتعلمته من فترة طويلة...
و الفترة اللي قعدت فيها عشان اتعلم اكسيل كانت كام شهر بشكل متقطع.... و كان فيه امتحانات و تقديمات مشاريع عليها عشان اللي علمني يتأكد انه بقيت اتقنه فعلأً
كانت لفة يعني :)
اللفة دي كلها عشان هيجيلي يوم يتطلب مني انى اكتب حاجة عليه تاخد مثلاً نص ساعة! او ساعة بالكتير اوى
بس المدة اللي بنتعلم فيها كتير دي ببقى افيد لينا لو اتقناها صح...و هتقدم احسن النتايج في الوقت اليسير اللي نطلع فيه النتايج دي
عاملة زي مشروع التخرج مثلاً :) ، ليا اصحاب كتير اتخرجو السنة دي من كليات مختلفة.. و شفت معاهم معاناتهم في المشروع
الشغل بيبتدي من تسع شهور مثلاً... و يقعد وقت كتير قوى و كل شوية بيزيد
عشان في الاخر بريزنتيشن ربع ساعة او نص ساعة
يقدموا فيها كل شغلهم
كل اللي عمله و كل اللي حققوه
و اللي تعب كويس في الاول
نتيجته هتكون احسن و احسن في الاخر
زي اللي يقعد يتعلم لغة كذا شهر و ممكن كذا سنة في حياته عشان يتقنها
عشان في الاخر ممكن يمر بموقف صغير اوى مايخدش خمس دقايق في بلده يساعد سايح بيتكلم نفس اللغة دي و يقدم له مساعده
زي لما حد يقعد يتعلم سباحة كذا شهر ورا بعضه
عشان في الاخر لو نزل مية في اي مكان يلحق نفسه مايغرقش ويقع
كان فيه احد الصالحين - للاسف مش فاكرة اسمه ولا فاكرة الكلام بالنص
بس كان بيقول فيما معناه انه فضل عشرين سنة من حياته بيجاهد و يكابد العناء عشان الصلاة
بيحاول يوصل لاعلي درجة من الخشوع و يجاهد نفسه انه الصلاة تبقى في افضل شكل و افضل صورة
عشرين سنة كاملة مش مجرد مرة او اتنين
ولا كانوا يوم ولا حتى شهر
عشرين سنة!
ف قعد بعد كده مكافئته و مكافئة لتعبه و جهده... عشرين سنة كاملة و الصلاة متيسره ليه جدا بالخشوع بكل معاني الصلاة
نقطة غيرها
انا فاكرة في مرة فيه اخت ربنا يكرمها كانت بتقولنا على السيرة النبوية
ف بتحكلنا ان الرسول عليه الصلاة و السلام نزل إليه الوحي و بُلغ بالرسالة و هوا عنده اربعين سنة
الرسول عليه الصلاة و السلام توفي و هوا عنده تلاتة و ستين سنة
يعني مدة الرسالة كلها كانت تلاتة و عشرين سنة
و اخد اربعين سنة من الاعداد المتواصل قبليها
ف عمالة تقولنا... شايفين اربعين سنة دي كتير ؟؟؟ يعني دول بس اربعين قدام تلاتة و عشرين!
ليه اربعين؟؟؟
بعديها وصلت في الاخر انهم اربعين سنة كانوا كافيين و كويسين جدا
و مش كتير ولا حاجة
بالعكس... طول الاربعين سنة ربنا بيعده و يجهزه و يعلمه و يفهمه
و يعرف الناس عليه و يضيف إليه خلق جديد و يضيف إليه تجربة جديدة
كلهم تجمعوا في التلاتة و عشرين سنة دول اللي عاشهم في فترة الرسالة
و اللي وصلوا بعديها انهم يوصلوا للمسلمين بل للعالمين حتى يوم القيامة
يبقى اربعين سنة بقى كانت كتيرة ولا كويسة؟:)
ـــــــــــــــــــــــــــــــ
طريق العلم طويل مش بسيط
اي علم مش بس علم شرعي!
و لو حد عاوز يتميز - عند الله اهم حاجة- لازم يبذل فعلاً في الجهد قبل كده
الحهد في التعلم و الجهد في البذل من بعديها
عشان لما يجي يقدم يقدم حاجة محترمة :)
و اللي اتعلمناه اكيد ان شاء الله لازم نستفيد منه...
و ان طال الوقت على اللي اتعلمناه
بس ندعي دوماً
اللهم إني اسالك علما نافعاً
و ندعي دوماً
اللهم علمني ما ينفعني و إنفعني بما علمتني
و ندعي دوماً
اللهم انى اعوذ بك من علم لا ينفع
و طلب مني اكتبها على
Excel
اتبسطت جدااا بصراحة.... لأنى ماشتغلتش على اكسيل خالص
اتعلمته من تلات سنين تقريباً بس ماستفدتش بيه في اي حاجة! لأني مافيش اي شغل كنت بعمله محتاج شغل الاكسيل
ف كنت مبسوطة اوى انه العلم ده جه بفايدة الحمد لله في حاجة :)
طول مانا بكتب الحاجات عمال يجي في مخي شوية افكار!
ابتدت انى اتعلمته من فترة طويلة...
و الفترة اللي قعدت فيها عشان اتعلم اكسيل كانت كام شهر بشكل متقطع.... و كان فيه امتحانات و تقديمات مشاريع عليها عشان اللي علمني يتأكد انه بقيت اتقنه فعلأً
كانت لفة يعني :)
اللفة دي كلها عشان هيجيلي يوم يتطلب مني انى اكتب حاجة عليه تاخد مثلاً نص ساعة! او ساعة بالكتير اوى
بس المدة اللي بنتعلم فيها كتير دي ببقى افيد لينا لو اتقناها صح...و هتقدم احسن النتايج في الوقت اليسير اللي نطلع فيه النتايج دي
عاملة زي مشروع التخرج مثلاً :) ، ليا اصحاب كتير اتخرجو السنة دي من كليات مختلفة.. و شفت معاهم معاناتهم في المشروع
الشغل بيبتدي من تسع شهور مثلاً... و يقعد وقت كتير قوى و كل شوية بيزيد
عشان في الاخر بريزنتيشن ربع ساعة او نص ساعة
يقدموا فيها كل شغلهم
كل اللي عمله و كل اللي حققوه
و اللي تعب كويس في الاول
نتيجته هتكون احسن و احسن في الاخر
زي اللي يقعد يتعلم لغة كذا شهر و ممكن كذا سنة في حياته عشان يتقنها
عشان في الاخر ممكن يمر بموقف صغير اوى مايخدش خمس دقايق في بلده يساعد سايح بيتكلم نفس اللغة دي و يقدم له مساعده
زي لما حد يقعد يتعلم سباحة كذا شهر ورا بعضه
عشان في الاخر لو نزل مية في اي مكان يلحق نفسه مايغرقش ويقع
كان فيه احد الصالحين - للاسف مش فاكرة اسمه ولا فاكرة الكلام بالنص
بس كان بيقول فيما معناه انه فضل عشرين سنة من حياته بيجاهد و يكابد العناء عشان الصلاة
بيحاول يوصل لاعلي درجة من الخشوع و يجاهد نفسه انه الصلاة تبقى في افضل شكل و افضل صورة
عشرين سنة كاملة مش مجرد مرة او اتنين
ولا كانوا يوم ولا حتى شهر
عشرين سنة!
ف قعد بعد كده مكافئته و مكافئة لتعبه و جهده... عشرين سنة كاملة و الصلاة متيسره ليه جدا بالخشوع بكل معاني الصلاة
نقطة غيرها
انا فاكرة في مرة فيه اخت ربنا يكرمها كانت بتقولنا على السيرة النبوية
ف بتحكلنا ان الرسول عليه الصلاة و السلام نزل إليه الوحي و بُلغ بالرسالة و هوا عنده اربعين سنة
الرسول عليه الصلاة و السلام توفي و هوا عنده تلاتة و ستين سنة
يعني مدة الرسالة كلها كانت تلاتة و عشرين سنة
و اخد اربعين سنة من الاعداد المتواصل قبليها
ف عمالة تقولنا... شايفين اربعين سنة دي كتير ؟؟؟ يعني دول بس اربعين قدام تلاتة و عشرين!
ليه اربعين؟؟؟
بعديها وصلت في الاخر انهم اربعين سنة كانوا كافيين و كويسين جدا
و مش كتير ولا حاجة
بالعكس... طول الاربعين سنة ربنا بيعده و يجهزه و يعلمه و يفهمه
و يعرف الناس عليه و يضيف إليه خلق جديد و يضيف إليه تجربة جديدة
كلهم تجمعوا في التلاتة و عشرين سنة دول اللي عاشهم في فترة الرسالة
و اللي وصلوا بعديها انهم يوصلوا للمسلمين بل للعالمين حتى يوم القيامة
يبقى اربعين سنة بقى كانت كتيرة ولا كويسة؟:)
ـــــــــــــــــــــــــــــــ
طريق العلم طويل مش بسيط
اي علم مش بس علم شرعي!
و لو حد عاوز يتميز - عند الله اهم حاجة- لازم يبذل فعلاً في الجهد قبل كده
الحهد في التعلم و الجهد في البذل من بعديها
عشان لما يجي يقدم يقدم حاجة محترمة :)
و اللي اتعلمناه اكيد ان شاء الله لازم نستفيد منه...
و ان طال الوقت على اللي اتعلمناه
بس ندعي دوماً
اللهم إني اسالك علما نافعاً
و ندعي دوماً
اللهم علمني ما ينفعني و إنفعني بما علمتني
و ندعي دوماً
اللهم انى اعوذ بك من علم لا ينفع
19 comments:
المشكلة العملاء والناس يا بنتي مش بيقدروا ثمن الخبرة دي
يعني لو شافوك عملتي حاجة في خمس دقايق مش عارفين هي تاخد أد إيه عشان تعلمها
حكتب تاني الرد لانه ما نزلش
واضح ان فيه مشكله
كنت بقول
البوست فكرته ممتازه
واسلوب العرض جميل
احيانا كتير بنحتاج اللي اتعلمناه
مش في المدارس والكليات بس لا
بنحتاج مهارات اكتسبناها في الحياه العمليه
وممكن نقعد سنين ما نستفيدش منها
ولكن في وقت بنحتاجها
عشان شغل جديد
او منصب اعلى
زي ما حصل معاكي كده في شغل الاكسيل اللي اطلب منك
واكيد حصل مع ناس كتير وانا منهم
صدقيني الانسان عباره عن تجارب
كل تجربه لها طابع مميز لازم حيجي وقت ويستغلها
ناهيكي بقى عن تعلم العلوم الشرعيه ونفع الناس بيها
ولو اني لم امر بهذه التجربه في حياتي من قبل
ومش عارف اذا كنت احي امر بيها ولا لا
لكن يكفيني اني عارف الحرام والحلال وما قد يغلق علي فهمه برجع لاهل الذكر
واضح اني طولت وشكلك مش حدخليني البلوج تاني
في النهايه اتمنى ان يتقبل الله دعائك ونؤمن عليه
امين امين امين يارب العالمين
لكي كل التحيه والتقدير
جميل :)
ربنا يبارك فيكي
دا اللي المفروض يحصل فعلاً
وان كان في اعتبرات تانية بس دا الاساس
جميل جدا وفعلا المفروض الانسان يتقن بعض الامور المساعدة واكيد هيجى يوم حتى لو مش استخدمها هيستخدمها
تمام
بالظبط زي ما الواحد يعمل كيكة شوكولاته في ساعة وياكلها في خمس دقائق هههههه
تدوينة جميلة يا بنتي
إلا سيرة الاكسل فيها .. أنا بكره البرنامج ده هو والاكسس .. بتخنق منهم الجوز
***
استثناء من كلامك :
قد تبدو معاناتنا في الحياة طويييلة .. لكن الجزاء في الآخرة لا نهائي .. نسأل الله أن يكون جزاؤنا الجنة
السلام عليكم
لا أدري ماذا يحدث .. أظن أني تركت اليوم تعليقا على هذه التدوينة
المهم
هذه التدوينة فعلا مهمة .. وكثير من الناس لا يفهم كثيرا مما فيها
رزقك الله حسن الفهم .. وبارك في عقلك وقلبك
جزاك الله خيرا
المشكلة كمان
واكمل بعد استاذي عصفور المدينة
ان الناس بتشوف النتيجة النهائية ومش بتقدر المجهود وكمان ممكن يهدموا يلة الله المستعان
ها مش ناوية تزوريني بقي والله زعلانة منك بجد
وعموما بوست جميل وربنا يستعملك في خدمة دينه
لاتنسيني من صالح الدعاء
تحياتي
شكراً جداً على المقال الجامد ده
و الله خليتيني ارجع اقرا
action script
تاني
السلام عليكم
أول زيارة لمدونتك أختى الكريمة
تهنئة وتحية على فكرك الواضح فى مدونتك
موضوع التدوينة شغل بالى كثيرا
فعلا وبشكل شخصى أحيانا كتيرة تحصلى حاجات ومواقف معرفش فايدتها إلا بعدين وساعتها أحمد ربى على إنى تمرنت على الجديد بالقديم
إشتغلت مع ناس كنت بتعب معاهم جدا عشان البيروقراطية وبعد كدة غيرت عملى لجهة تانية العجيب لقيت نفسى بتوقع تعقيدات الناس التانية ومن فضل الله إنى كنت تعلمت إزاى أتفادى التعنت وأقدم حلول منطقية
أنا عاوز أرجع للأولانين لأن التانيين متعبين أكتر وأكتر
تحياتى وتقديرى
بجد بجد
مقال رائع
لانسانة رائعة
وياريت تزورينى فى مدونتى
رائع يا مجاهدة
فعلا
الاعداد لازم ياخد وقت اكبر كتير من العمل نفسه
التربية
الاساس
فعلا
مفيش حاجه بنتعلمها بتروح هباءا
جزاكم الله خيرا على البوست الرائع ده
:)
سبحان الله ؛
قرأتها مرارا ؛ والرد يكون جاهزا ولا أضعه ؛
ولكن :
كل شىء عنده بمقدار .....
كتير اوي الواحد لما بيلاقي النتيجة مش قدام عنيه
يعني مثلا واحد عمل عمل معين لكن لسه مشفش الأثر بتاعه ادام عينيه او عارف ان الاثر ده هياخد قت عقبال ما يشوفه بيجيله احساس باالاحباط او علي الاقل بيبقي عنده لهفة وشوق انه يشوف نتيجة عمله بسرعة
وده بيخلي الانسان يهتم اكتر بالاعمال اللي هيشوف نتيجتها بسرعة ويهمل الاعمال اللي ممكن نتايجها تبان ولو بعد حين
يعني انا مش عهاوز انظر للموضوع من جانب تعلم العلم فقط وأثره الوقتي او علي المدي البعيد
انا بتكلم علي طريقة تفكير عامة خاصة بتعلم العلم او بعمل أي عمل آخر
فكر علي المستوي البعيد
دلوقتي لو بصيت للبنت اللي ماشية في الشارع دي هاحس بسعادة وقتية وسرور وقتي
ولو غضيت هحس بسعادة ب علي المدي البعيد
فبالتالي هبص
وقيس علي كده حاجات كتير
ده حتي الرسول صلي الله عليه وسلم قال ايه
اذا قامت الساعة وفي يد أحدكم فسيلة فليغرسها-او كما قال ص
طب وهو انا هشوف الزرعة دي لما تنبت ..اكيد لأ
ولكن هتشوف نتايجها ولو بعد حين
ولا تحقرن من المعروف شيئا ولو ان تلقي اخاك بوجه طلق ..بجد بيبقي ليها اثر علي المستوي البعيد
ياترب اكوةن مخرجتش عن الموضوع -
بس انا حابب اقول ان مبدأ الاعداد اللي حضرتك بتتكلمي عليه ده مبدأ عام في حياتنا في علاقتنا مع ربنا وفي تعلم العلم وفي اي موقف من مواقف الحياة
جزاكم الله خيرا
السلام عليكم
اللهم ما هب لي من لدنك رحمه وعلمني من لدنك علما
قال تعالي في كتابه الكريم
بسم الله الرحمن الرحيم
فَوَجَدَا عَبْداً مّنْ عِبَادِنَآ آتَيْنَاهُ رَحْمَةً مّنْ عِندِنَا وَعَلّمْنَاهُ مِن لّدُنّا عِلْماً
صدق الله العظيم
حبيت ابدا كلامي بهذا الدعاء اقتداء بخاتمت كلمك
وان من اشد ما جذبني الي مدونتك هي اسمك المستعار مجاهده
ارشدكي الله الي الخير
اما عن موضوع البوست
من ارد جني الثمار وجب عليه تسلق الاشجار
وكلما كانت الشجره عاليه شاهقه صعبه المنال , كانت الثمره اطيب مذقنا واحلي طعاما
والسلام عليكم ورحمه الله
حبيبتي المجاهده
اولا عايزه اباركلك علي المدونه الجميله وان جاءت متأخره
ثانيا البوست فكرته رائعه وخلاني فعلا افكر في حاجات لاول مره
ربنا يوفقك يا جميل
مش عارفه انتي عرفتيني ولا لاء
بس فكري شويه كدا حتعرفيني
سلام
Post a Comment