قصة صغيرة
برعي و عباس
اتنين اصحاب من زمان اوى! ساكنين جمب بعض
و بيروحوا مع بعض لنفس المدرسة
و راحو مع بعض حتى لنفس الكلية!
برعي بعد التخرج اتعين في الكلية
و نقل السكن بتاعه لشقة تانية
عباس ماتعينش وقتها في الكلية و كان نفسه حتى يروح يكسن في نفس عمارة برعي... بس مرتبه ماكنش يكفي الفلوس ايجار الشقة
و قرر بعديها يسافر بره مصر يشوف مستقبله و شغله هناك
و فعلاً سافر لبلد في اوروبا و استقر هناك... و منها سافر لبلد من بلاد الخليج
و انقطع الاتصال بينهم تماما لمدة تزيد عن عشرين تلاتين سنة
عباس كان كل مرة ينزل فيها مصر... يروح يلف في مكان الشقة اللي برعي اتنقل فيها
بس مصر اتغيرت قوى عن زمان!
هوا كان بيجي يدور على فيلا دورين و حواليها مكان فاضى
دلوقتي الفيلا الدورين دي بقت عمارة و في مكان مزدحم جدا من شوارع القاهرة
ف كان لما بينزل مصر يقعد يلف شوية بيحاول يلاقى المكان عشان ياقبل برعي تاني صديق الدرب
بس مش بيلاقيه و مش بيعرف المكان و بيمشى زي ماهوا تاني
برعي بقى من بعد التعيين كمل في مصر
و اتجوز و خلف و اترقى في شغله
و بقى بيسافر كل فترة و التانية لبلد بره يشوف اخر اللتطورات يعملها و يباشرها
لحد ما في مرة كان مسافر لدولة من دول الخليج تبع شغله هناك
و بالصدفة البحتة لقى عباس هناك :)
صديق الطفولة و صديق الدرب
لقو بعض هناك بعد انقطاع دام من عشرين لتلاتين سنة
و بعد ما كل حد فيهم كان بيحاول يدور على التاني في مصر او اي مكان قريب :)
مالقوش بعض غير هناك في الخليج
قعدوا يتكلموا مع بعض و كل حد فيهم حكى سريعاً ايه اخباره في الحياة
الاتنين اتجوزوا و خلفو
ولادهم في نفس السن تقريباً
و رجعو مصر الاتنين و عرفوا ولادهم على بعض :)
دي حكاية بابتي و صاحبه من زمان اوى :)
باستثناء ان لا بابا اسمه برعي :d
ولا انكل اسمه عباس
:d
الاسبوعين اللي فاتو دول كنت تقريباً كل يوم بشوف عمو عباس و بنته
:d
نفس السن و لينا اهتمامات إلى حد ما قريبة
و كان كل يوم عمو عباس يكلم بابايا الحاج برعي
:d
القصة اكيد مالهاش اهمية ليكم
بس اللي كنت عاوزة اقوله بس قصة انهم ازاي اصحاب من زمان كده و مع ان انقطعت الاتصالتت بينهم و انقطعت الاسباب حتى انهم يلاقو بعض
ربنا ييسر مكان و زمان معين ليهم تاني عشان يتقابلو و يتجمعو
كنت كل ما احكي القصة دي لحد يستعجب اوى
خاصة ان الناس كانوا فاكريني انا و البنت اصحاب من زمان اوى
و لما يشوفوا انكل و بابا يسحهم بقالهم كتير قوى مع بعض
مع انه فراق طويل اوى لظروف غصباً عنهم
و مع انى بردو اول مرة اعرفها
:)
4 comments:
ما شاء الله
ربنا يديم الود والمعروف
:)
الصداقة ديه من اهم الحاجات في الدنيا .. ويا بخت اللي يلاقي حد يخاف عليه بجد ويحبه في الله بعيد عن اي غرض
انا والدي كدا بردو هو واصحابه من ايام الجامعة .. وحتى الان نعرف عائلات بعض وولادهم اصحابنا
كان نفسي جدا انا كمان اكون كدا
بس للاسف يا انا اللي بختار غلط
يا الناس اللي بتختارني غلط
يا مبقاش في حاجة اسمها اصحاب
تحياتي
ويارب تنوريني
:)
سبحان الله
كم من أصدقاء فرقت بيننا الأيام
وقد يجمع الله الشتيتين بعدما
يظنان كل الظن ألا تلاقيا
ما لفت نظرى هو أن حبل المودة غابت عن الأعين لكنها كانت كالمنظرة عهد التجدد ولتظهر وتتوطد ويضاف غليها معرفتك ببنت صديق الوالد فكأنه تعويض لسنوات حرم فيه عباس من برعى
أسأل الله أن تدوم المودة بينكم جميعا
السلام عليكم
سبحان الله
ولو تواعدتم لاختلفتم في الميعاد ولكن ليقضي الله أمراً كان مفعولا
حمدا لله على سلامة عودتك
:)
Post a Comment