اكيد تستاهل

من ساعة ما صحيت انهاردة و انا في كمية توتر غير طبيعية..
خايفة اوى..

ورايا حاجات كتيرة قوى.. لسه مأنجزتش فيها..
و عندي حاجات كتيرة لبكرة... خايفة اوى منها
خايفة ماكنش قد المسؤولية.. و خايفة ماكونش اد الي بعمله
خايفة بجد و قلقانة اوى اوى..

غير انى بقالي كام يوم عمالة افكر في حاجات
لاقيتها صعبة اوى..
مش بصعبها على نفسي
انا و انا بفكر بقول لنفسى انى ان شاء الله هقدر اعملها

بس حسيتها شغل كتير قوى قوى

كل ما اجي افكر في حاجة... الاقيها هيا نفسها حمل كبير...
و انا نفسي في كذا حاجة منهم

يبقى مافيش وقت للنوم
مافيش وقت للكسل
مافيش وقت للتباطؤ
مافيش وقت للتأخير
مافيش وقت انى ازعل على حاجة صغيرة
مافيش وقت اضيعه في حاجة مش مفيدة

حاساني نفسي اشيل حاجات كتيرة قوى قوى
و انا اصلأً صغيرة على الحاجات دي



كل ما اوصل للنقطة دي
افتكر الحديث
ألا ان سلعة الله غالية
ألا ان سلعة الله هي الجنة


تستاهل صح!!
تستاهل انى اتعب!
تستاهل انى اخاف كده
تستاهل اتوتر كده
تستاهل انى اقعد احاول اشتغل لحد ما اوصل..

بالله عليكم ادعولى معاكم بالثبات و ان ربنا يتقبل
:)
و ادعولي بكرة كتير كتير
:)


ممممم
اخيرأً
اعتذر عن عدم اضافة اي ردود على تعقيباتكم
والله لضيق الوقت..


جزاكم الله خيراً
سلام عليكم