لا يعرف الحق بالرجال
يعرف الرجال بالحق... ولا يعرف الحق بالرجال
جملة في مخي بقالها كام يوم... لموقف كنت حاضرة فيه
لما شفت بنت بتتكلم عن جماعة معينة انها كلها وحشة... عشان تعرف اشخاص فيهم مش كويسين
و حكتلي فعلأً تصرفات الاشخاص دول... و بعديها عممتلي ان الجماعة كلها وحشة و بتخرف دلوقتي!
قعدت بعديها بفتكر كلام اتعلمته زمان... و افتكر الجملة الي سمعتها في مرة من مش فاكرة كام سنة
يعرف الرجال بالحق.. ولا يعرف الحق بالرجال!
كليتي على سبيل المثال فيها كتير قوى ضايعين... لو عممنا ان الطلبة كلهم ضايعين عشان الكام شخص دول... هنبقى بنظلم بقية الناس المحترمين .. و هما مش عدد قليل كده... و احسبهم جميعاً فعلأً على خير
و لو حد بص على الكويسن اوى دول... هيبقى كده بردو بيظلم الكلية.. اما يقول ان الكلية كلها كويسة و كلهم اهل علم و اهل دين!
فيه مفاهيم كتيرة مختلطة علينا... او احنا الي بنستسهل مبدأ التعميم على الناس لمجرد اننا نشوف حاجة وحشة
و يجي بعد كده حد يبرر موقفه ده و يقول ... لأ ما اصل السيئة تعم و الحسنة تخص!
كلام غريب جدا بحسه يفتقر إلى ابسط القواعد الي اتعلمناها من صغرنا
اي مكان في الدنيا فيه الجانمب الكويس و فيه الجانب الوحش
و بحس ان دايماً على قد ما الجانب الوحش قوى... بيبقى بردو الجانب الكويس قوى اوى
و إن كانوا قلة
ممكن يكونوا عشرة كويسين... بس يقدروا يرفعوا مية وحشين.. و ياخدو بإيديهم و فعلاً يظبطولهم مسار حياتهم
عشان العشرة دول متفانين جدا في عملهم و مخلصين جدا ليه و مؤمنين جدا للي عايشين ليه و مستعدين يبذلو كل الي يقدروا عليه عشانه
بس بحس انها غير منطقية اننا نعمم على الناس كلها اما نشوف موقف وحش...
و نقول مثلأً شعب كامل وحش عشان عاشرنا فرد منهم و كان فعلاً مش كويس
ماهوا مش كويس عشان فيه صفات مش كويسة
مش معنى انه من البلد المعينة او بيتبع الجماعة المعينة انهم كلهم فيهم نفس الصفة و بيعلموهالهم من و هما صغيرين
اذكر في مرة اخ فاضل كان مسافر بره مصر يشتغل فترة... و هوا هناك كان عنده في شغله كمية جنسيات عربية كتيرة جداا
اتعلمت منه حاجة.. انه لما كان بيشوف واحد سورى مثلاً بيعمل حاجة كويسة... يقول اصل الشعب السورى كله كده
و لما كان بيشوف واحد مغربي بيعمل حاجة وحشة... يقول هوا بس الي وحش كده.. بس الشعب المغربي كويس
نفس الكلمة الي اتقالت فوق
يعرف الرجال بالحق.. ولا يعرف الحق بالرجال
فيه اسس ثابته... و فيه حاجات معروفة
هيا دي الي نقدر نقول عليها انها الحق... و انها هيا دي الحاجات الصح الي المفروض نتبعها
و اما فلان بيعملها... هوا بس بينفذ الصح الي هوا اتعلمه
و نتبع منه الي شايفينه صح
بس فلان ده بشر و ممكن يغلط.. و الناس تستغل موضوع زي ده
و يشوفوا شخص المفروض كويس و غلط... هما كمان يعملوا نفس الغلطة
و يبرروا كده ان حتى فلان عمل كذا!!
هوا بشر و من حقه يغلط...
بس بتصرفات الناس دي بحسهم بيمنعوا عن البشر حتى حقهم كبشر و كأنسان انه يغلط و يقع و بعدين يفوق تاني
ااه شخص داعية مثلاً او شخص علامة او معلم او مربي... المفروض يحاول يحافظ على نفسه انه مايقعش وقعة كبيرة قوى
لن فيه ناس بتتبعه...
بس بردو الناس لازم تفكر في كلامها...
و تعرف ان فيه حاجة اسمها اسس كويسة و وحشة
و هما بياخدوها من اي مكان تاني... و الشخص ده مجرد بيطبقها!
فيه كلمة جميلة اوى لسيدنا عبد الله بن مسعود:
من كان مستناً فليستن بمن قد مات، فإن الحي لا تؤمن عليه الفتنة
جملة رائعة في معانيها فعلاً...
واحدة صاحبتي دايماً تقولي اننا لو عاوزين نبقى كوبي من حد... لازم نبقى كوبي من اصل
مش ناخد نسخة من نسخة اصلأً
احنا نفسنا هنطلع مشوهيين...
و مش هنطلع واضحيين
و لو حد حاول يقلدنا احنا
هيطلع مشوه اكتر منا
بقية كلام سيدنا عبد الله بن مسعود
أولائك أصحاب محمد (عليه الصلاة و السلام)، كانوا أفضل هذه الأمة، أبرها قلوباً، و أعمقها علماً، و أقلها تكلفاً، أختارهم الله لصحبه نبيه و لإقامة دينه، فاعرفوا لهم فضلهم، و إتبعوهم، على أثرهم و تمسكوا بما إستطعتم من أخلاقهم و سيرهم، فإنهم كانوا على الهدى المستقيم
32 comments:
ممم فعلاً ياأخت مجاهدة
بس أنا أعتقد فكرة التعميم نفسها بنتعود عليها من صُغرنا كمصريين مش عارف ليه !!
ودايماً حاطط في دماغي المبدأ ده لما أجي أكون حُكم على أفكار أو جماعات أو سلوكيات
كمان حاجة التعميم برضه هو المنطق المُستخدم ضد المسلمين كمبدأ ، لو حد عمل حاجة مش مزبوطة يقول كل المسلمين كده ..
في حين إن لو حد تاني عمل حاجة مش بتتعمم على أفراد ديانته لو يهودي أو غيره بيبقى حالات شاذة ..
مش عارف عاوز أتكلم كتير .. بس الفسيولوجي واكلة دماغي
دعواتكم في الإمتحان غداً
كلامك ده فكرنى بندوه حضرتها قبل كده لدكتور سليم العوى او العوه
كان حد سأله على الاخوان ورأيه فيهم
راح جاوب ان مينفعش يقول رايه فى الاخوان او اى جماعه بشكل عام
وطلب يقول السائل عايز رايه فى مين بالظبط وهو يقول
وفقك الله فى البوستات الرائعه دى
أخى عمرو
هوا ده الي بلاحظه دايماً في التفكير عن جماعات معينة ااه..
بس فعلأً انا قابلت من جماعات كتيرة جدا ناس تستاهل انى فعلاً اعيشعمرى بدعيلهم من العلم الي اخدته منهم سواء بكلام او معاملاتهم
و فيه ناس بتبقى وحشة اوى اوى بتقى شرهم و ببعد عنهم على قد ما اقدر
بس دول افراد في جماعات..
بالظبط زي ما حضرتك قلت
المسلمين و غيرهم
مش معنى ان مسلم بيعمل حاجة وحشة اننا نعمم ده على كل المسلمين
طنط كاكة صاحبتي رافضة جداا الحجاب لأنها بتقعد تقول ان البنات الصغيرين المحجبات كلهم اخلاقهم وحشة اوى
و ااه الحكاية دي موجودة فعلاً
بس مش معنى ان فيه كام بنت لابسين مجرد غطاء رأي انهم كلهم كده و الحجاب نفسه وحش اوى
ولا معنى ان فيه كذا حد بيشرب سجاير ان السجاير حلال
فيه حاجات نرجعلها و فيه اسس لازم نقيم بيها..
و بالنسبة للجماعات نفسهم..
في مرة كنت بسأل اخويا على جماعة معينة...
ف بيقولي انه مش بيحبهم لأنه قعد مع شيوخ ليهم و اتعلم منهم حاجات.. بس لاقهم متناقضين و مش عاجبه كتير منهم
بس قالي انه شاف في مرة واحد فيهم بجد احسن من اي حد تاني شافه في اي مكان تاني
و اثر في اخويا بشكل قوى جدا
ف طول ماهوا بيحكيلي بيقولي الجماعة المعينة دي لأ... بس الشخص ده كويس اوى و اكيد فيهم اشخاص تانيين كده
و ان الشخص ده ممكن يكون اتعلم اللي هوا عمله ده من الجماعة دي و من الشيوخ في الجماعة..
بس :)
انا كمان فيه كلام كتير عاوزة اقوله بس شوية كده بقى:d
بس الفسيولوجي واكلة دماغي
دعواتكم في الإمتحان غداً
ربنا يفتح عليك و يوفقك بكرة يا اخي
:)
اعتقد ده اخر امتحان
كفارة :d
حارسة الحقيقة
بحد بتنوريني بردودك دي
:):)
ممم
هوا اعتقد الحكم على جماعة معينة ممكن يبقى باننا نشوف الاسس بتاعتهم ايه و نقيمهم
الي اقصده اننا ماينفعش نحكم على جماعة كبيرة بأفراد كتيرة بتصرف فردي واحد..
يعني انا بتبسط اما بسمع اي تعليق من اي شخص على جماعة الاخوان او على السلف او على الصوفيين
بس احس انه كلام عقلاني
مش حد يقولي الجماعة كلها بتخرف عشان شخص فيهم عمل حاجة وحشة
مش حد يعمم على الجميع حاجة و يقول اصل شفت واحد فيهم بيعمل كده
ااه ساعات الفرد ده بنقول انه واخد الفكر بتاعه ده من بقية افراد الجماعة.. عشان كده كلهم كده
بس مش دايماً بحس ان الكلام ده عقلاني و مش بقدر دايماً اتقبله كطريقة تفكير
لو هحكم على جماعة... اعتقد فيه اُسس اشوفها و امشى عليها... و اشوف شغلهم ككل عامل ازاي
بس اجي احكم على فرد.. هوا فرد لوحده
مناحدش مسؤول عن تصرفاته غيره هوا بس
ده الي بحسه :)
ربنا يبارك فيكي و يكرمك
:)
حصلى نفس الموقف تقريبا
والله عندك
لازم فعلا منعممش الغلط على الكل ومفيش حاجة اسمها السيئة تعم والحسنة تخص
كل مكان فيه الصح وفيه الغلط
جميلة الترجمة العصرية
copy
لأثر من كان مستنا فليستن بمن مات
الانسان يميل للتعميم عشان يريح دماغه من التفكير يسقط القاعدة وما يحاولش يفكر بعمق موقف بموقف
هو اااااااه فيه ثوابت
بس مش الثوابت دى دايما تتطع صح
الكلام على العموم جميل جدا .. لكن لما نيجى نخص الموضوع لموقف معين او لشخص معين
ممكن الثابت ده يتغير .. او اللى يمشى على العموم ميمشيش على الموقف ده
اااه يعرف الرجال بالحق .. ولا يعرف الحق بالرجال
بس انهى رجااال .. دى نقطة تانية برضة .. ولا ايه ؟
دعوة الله ان لم تسر بنا تسير بغيرنا
نحن نحتاج الاسلام و هو لا يحتاجنا
نحن نحتاج الى الله
و الله لا يحتاجنا
المنهج ثابت
الطريق معروف
فمن حاد عنه فليس منه
هو ده الكلام
ربنا يحفظك و يحميكي
جزاك الله خيرا وجميل ان ارى اخت عندها هذه الهمة والمسؤلية فى ظل هذا الومان الذى لا يخفى حاله على احد فالحمد لله
اما الموضوع فهو يثير فى النفس شجون كثيرة وكنت قد مررت بذلك فاتت على فترة كنت فيها على علاقة جيدة باخوة من مختلف الجماعات الموجودة على الساحة وكنت ارى ان هذا هو اللازم علينا حتى نتناصح مع بعضا ونكمل بعض ولكن الحقيقة ظهرت عندما اختلفنا فى بعض المسائل وقد حولوها الى حرب بل وتهديدات بل ومنع من المشاركة فى اعمال الخير واصبحت اسب منهم انا ومشايخى وكل من انقل كلامة لهم بل تطور الامر الى سب كبار العلماء باقذر الشتائم واتهامهم فى شرفهم مما اثار فى نفسى الكثير ولكن بعد التعقل والهدوء وجدت انه من الخسارة الكبيرة ان نخسر مجهود كل هذه الجماعات وان ننفر الناس منها ولكن ينبغى ان نظل على التناصح ومن يسمع فهو خيرا له ومن يتحزب فهو الخاسر اولا واخيراونصح هذه الجماعات قبل اى شىء ان يربوا ابنائهم على المحبة لجميع المسلمين وقبول النصح فى الله من اى احد خصوصا فى هذا الزمان الذى تكالب فيه اعداء الاسلام علينا والموضوع يطول وعلى ان اكتب عنه قريبا فى مدونتى عن العلاقة بين الجماعات الدعوية كما يجب ان تكون وجزاكم الله خيرا وحقا اسعدنى زيارة تلك المدونة
المصريين بيعبدوا الفلوس...
المصري تبيعه وتشتريه لو عندك ليه جنيه
وكلام مشابه من ده
بيبقى شائع على لسان بعض الجهلة
اللي مش من مصر
تعميم...برضه أو لأنهم معاهم فلوس كتييير...والمصري خارج من بلده عشان يشتغل..ويكدح ويجيب فلوس ولا يعيبه هو او غيره كده
...........
التعميم دايما بيكون عند الجاهلين...
بعض الاخوة يظن انه على الحق وما سواه مأواهم جهنم وبئس المصير..
مع ان الغير ده ممكن يكون نيته صالحة ولو عرف ان دي سنة هيتبعها ..أو ان دي بدعة هيجتنبها...اللي بعض الناس بيسموهم العوام..او التيار السلفي الشعبي....
من ذوي الايمان البسيط..والفطرة السليمة والسريرة النقية...
--------------
برضه التعميم على جماعة معينة بانها ليس فيها خير ....ده
لا اظنه الا ظن سئ..وللشيطان فيه نصيب..كبيـــر
كلام جميل أختي المجاهدة
وبيذكرني بكلمات كنت أحدث بها نفسي
انه عندنا خير البرية
وأفضل الخلق
لنأخذ هذا الكوبي من حياته
صلي الله عليه وسلم
وليتنا نفعل
أما بخصوص الحكم السطحي البحت علي الأمور
فهو نتيجة
الجهل
قصر النفس في تحليل الأمر الي أصله
أستسهال الظاهر
جزاك الله خيرا يا مجاهدة :)
الفكرة فعلا ان في مصر اساسا بنسأل مثلا انت منين عشان نعرف طبايع الشخص اللي ادامنا !!
منتشرة اوي الحكاية دي
وكمان المسات كانوا في المدرسة بعاقبونا لما واحدة بس في الفصل تعمل حاجة غلط
ولنا نتذمر
يقولولنا الحسنة تخص والسيئة تعم !!
للاسف مشاكل كتير بتحاصر المجتمع
وبتخليه يتصرف تصرفات غير منطقية وغير واقعية
المفروض الناس تكون محددة فى تصرفاته ولا تصدر احكام عشوائية كده
كات :)
الموقف ده فعلاً دايماً يحصل...
يا اما انتي الي بتعمليه
يا اما بيحصل ليكي
حد يقرر انه بيحكم عليكي حكم مسبق من غير ما يعرفك فعلأً كويس او يتعامل معاكي..
و حاسة المفروض يكون لينا دور عشان نتخطي الحكاية دي...
hend
ربنا يباركلك يا رب
:)
المفروض فعلاً مانعممش لأن لما بيحصل فينا الموقف ده بنبقى اكتر ناس عارفين ان ده مش صح..
ربنا يكرمك
:)
أستاذى عصفور المدينة
ربنا يبارك في حضرتك
:)
انا حبيت بردو التشبيه ده اوى اما سمعته من صاحبتي :) و هيا كذا مرة تكررهولنا عشان تذكرنا احنا بناخد قدوتنا مين و بنتبع مين في خطواته
كلام حضرتك سليم ليه احنا بنعمم... بس التعممي مش بيبقى سليم ابداً..
و حصلت في كذا موقف و فعلاً بنلاقي لكل قاعدة شواذ... غير كده
كل مكان فيه الكوسيسن و فيه الوحشين
مايفعش بشخص واحد اطلق الحكم على مئات غيره لمجرد انهم حواليهم نفس السور
ربنا يهدي الي بيعمموا دول و يبتدوا يعقلوا شوية و يرتقو بالطريقة دي في التفكير
...
جزاك الله خيراً على ااضفة الموضوع الصغير ده لموقع افحت:)
اخي بن توفيق
ربنا يعزك
:)
ممم
معلش مافهمتش اوى مقصد حضرتك من الكلام انا اسفة .. :blush:
بس اكتر جملة لفتت نظرى... هيا دي
بس انهى رجااال .
:)
فعلاً.. جملة معبرة اوى
انهي رجال الي اقدر اقول عليهم دول الي بيتبعو الخق و دول الي فعلا منفذين الحق و الثوابت الي موجودة زي ما هيا
:)
ربنا يباركك يا اخي
:)
أخي علاء
مش لاقية اي تعيب مني على كلام حضرتك
:)
كلام حضرتك يكفي فعلاً
:):)
جزاك الله خيرأً كثيرا على التعقيب ده
:)
اخي الكريم ابن همام
سعدت جدا بتعليق حضرتك
:):)
ممم
بالنسبة للخناقات الي بتحصل بعد اختلاف في بعض الاراء سواء كبيرة او لأ
للأسف بتحصل فعلا
فاكرة انها حصلت الترم ده في حاجة بنعملها في الكلية بس مش من جماعات دينية
من ناس متحذبة للمكان بتاعها و خلاص...
و قلبوا الموضوع لخناقة
و اللي كان اهم ان فعلأً العمل يتعمل و خلاص... احنا مايهمناش مين اسمه يتكتب و مين ياخد الفضل من الناس
المهم ان فيه خير اتعمل
احنا اولاً و اخيرأً بنعمل الشغل اياً كان في انهي مجال بنعمله عشان ربنا
و حصلتلي في مرة ان بنت من جماعة معينة كانت بتحاول تقنعني ان الجماعة التانية غلط... و انا مش منتمية لأي جماعة دينية لأاسباب كتير يطول شرحها... بس هيا لما لاقت انى مش قادرة اتقنع بكلامها و بحاول اصدها انها تعمم كلام غلط على مجموعة كبيرة جدا من الناس عشان اختلافها مع شخص او اتنين.. و بتتكلم كلام حافظاه فعلاً من غير علم
اتضايقت مني و من ساعتها تعاملاتها معايا مش زي زمان... و بتقول عليا كتير من ورا ضهرى انى اكيد منتسبة للماعة التانية عشان كده بدافع عنهم من غير ما اكون متعقلة او بدافع بفهم...
كلام حضرتك سليم
من يتحذب هو الخاسر..
ربنا يهدي الجميع يا رب
:)
سعدت بتشريفك في المدونة :)
ربنا يباركلك
:)
أخي الكريم دكتور خالد
كلام حضرتك سليم يا اخي...
هما بره بيبقو شافو واحد او اتنين كده.. ف حكموا على سبعين مليون مصرى انهم كلهم عبدة للفلوس..
بالنسبة للجماعات
للاسف فعلأً بتوصل ان فيه افراد كتيرة بتبقى فاكرة انهم هما بس الي صح و الباقيين في النار... و سمعت الجملة دي من ناس من الجماعتين للاسف الي موجودين بقوة في الساحة..
ربنا الهادي بجد..
فيه جملة سمعتها من فترة و بحبها اوى
ان مافيش حد من الجماعتين دول لمجرد انتسابه للجماعة هيجي يدخل الجنة و يقدملهم كارنيه الجماعة بتاعته.. ف يدخل
:)
كل شخص هيتخاسب فرداً لوحده
و مافيش اي فرد دخل جوا نفوس اي شخص تاني عشان يقدر فعلأً يحكم عليه إن كان صالح او وحش و يستحق النار..
ربنا الهادي و الحافظ
جزاك الله خيرأً :)
اخي الكريم بينو
ربنا يعزك
:)
هوا فعلأً مافيش غير الرسول عليه الصلاة و السلام كخير مثال لكل جوانب الحياة عشان نقلده و نمشى ورا خطواته
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيرًا
و فيه غير كده لو عاوزين ناخد قدوة ممكن تاخد بس بتعقل... يعني نشوف الاول الفعل ده فعلاً يوافق القرأن و السنة ولا لأ و بعدين نطبقه او مش نطبقه... عشان كده لا يأخذ الحق من الرجال :)
لأن الحق معروف فين طريقه و لا نأمن على الحيّ من الفتنة ...
:)
و اتفق مع حضرتك في اسباب ليه اصلأً الناس بتجأ للتعميم من موقف واحد تشوفه يبقى الباقيين كلهم كده
خيرأً ان شاء الله:)
جزاك الله خيراً :)
flona
منوراني :):)
على حكاية انتا منين دي
:d
انا فاكرة في مرة واحدة قالتلي ان كل الناس الي في محافظة معينة وحشين.. كلهم عندهم خلق كده في تعاملاتهم مش كويسين
و كنت بدأت اقول ممكن كلامها صح هيا اصلها عاشت في المحافظة دي فترة يبقى عارفة اكيد
لحد ما عرفت ناس من هنا و لاقتهم بجد كويسين اوى :)
ممكن يكونوا يا اما هما الي شواذ عن القاعدة دي
او ان الي طنط شافتهم هما الي شواذ عن بقية سكان المحافظة دي :d
بالنسبة للسيئة تعم و الحسنة تخص
كان دايمأً اما نبتدي نعترض يقولونا المساواة في الظلم عدل
:d
و انا اقعد مستغربة جدا... يعني انا اعمل حاجة صح
و فيه اتنين مش عاملين الصح
انا اتعاقب معاهم على اساس ان ده عدل!!! :d
هيا غريبة فعلأً اوى
اعتقد الجملة دي - ان كانت صحيحة اصلاً - المقصود بيها لما تكون اصلاً مش عارف ايه الي حصل
يعني حصل موقف وحش و مش قادر تحدد مين بالظبط الي عامله ف تعاقبهم كلهم عشان مش عارف
مش فاهمة بردو اوى بس ماشي :d
جزاكى الله خيراً
:):)
سجدةة
اتبسطت جداا اما شفت اسمك في الناس الي معلقه
:)
ربنا يعزك
:)
ممم
بالنسبة لمشاكل المجتمع
هيا كتيرة اوى للاسف:s
و بقت مترسخة في الناس و بيربوا عليهم ولادهم كمان... عشان مش بس جيل واحد يبقى وحش
لأ دول عشر اجيال غيرهم يبقو وحشين
:s
ربنا الهادي..
جزاكى الله خيراً :):)
ممممم بصراحة موضوع صعب يتحسم اوي :)
في مقوله بتقول .. اخبرني من صديقك اخبرك من تكون :)
ياعني بتتعرف من صحبك :)
طبعا مش قاعدة 100 %
بس فيها شيء من الصح
وكمان في حديث بيقول
أن الله تعالى أرسل ملائكة لتدمير قرية فقالوا ان فيها عبدك فلان الصالح التقي، فقال الله تعالى: ابدأ به، فانه لم ينه الأخريين عن المنكر.
ياعني مع ان الراجل كان صالح .. بس السيئة عمت وجات عليه :)
وعموما وجهه نظري احنا نحكم على الشخص بطباعه هو فقط .. مش بالجماعة ئلي هو منتمي ليها لان الحق احق ان يتبع حتى وان كان كل المسلمين مش حلوين .. لازم نكون مسلمين كويسين وقدوة لغيرنا
اعجبتي جداا مقولة عبد الله بن مسعود رضى الله عنه
بارك الله فيكم اختنا الفاضلة مجاهدة ونفع بكم :)
ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
السلام عليكم
جزاك الله خير الجزاء
فعلا يعنى ايه الحسنة تخص والسيئة تعم هذا ظلم بين وتجاوز واضح ان الله سبحانة وتعالى يقول ولا تزر وازرة وزر أخرى
فى نقطة كمان مهمة جدا جدا وهى وضع الدعاء والعلماء فى درجة الملائكة وانهم لا يخطئون طبعا لابد ان يحذروا من الوقوع فى اخطاء لكنهم فى النهاية بشر يصيبون ويخطئون
هناك سلسلة للشيخ راغب السرجانى فى هذا المضمون اعتقد انها مفيدة
كن صحابيا راغب السرجانى
اكتر حاجة كنت بكرهها مبدا الجيش دة..
الحسنة تخص والسيئة تعم
انا شايف ان الحسنة بتعم
والسيئة تخص
غريبة جدااا اننا ناخد فرد بالمجموع...
بوست شيق جداا
كلام ممتاز وعقلاني وموضوعي كمان
كل مكان في الدنيا فيه الحلو وفيه السيء
وكما كنات المدينة الفاضلة كما تخيلها أفلاطون المتمثلة من وجهة نظري في المدينة على عهد النبي صلى الله عليه وسلم
كان فيها الطيب الذي وضح طيبه ونفاسة اصله والخبيث الذي بان خبثه ..
لكم أجمل التحايا
السلام عليكم و رحمة الله و بركاتة
عارفة يا مجاهدة المشكلة ايه ؟؟؟
المشكلة ان لو الف عايشين في شارع نضيف
وواحد بس في الشارع دا رمي كيس زيالة في الشارع
اي حد مش من المنطقة هيقول الالف واحد اللي كاكنيين هنا لا يحرصوا عل يالنظافة !!!!
دا سلوك فطري بشري - مش مصري علي فكرة - عن الناس الغير واعية ... لا يمكن التعميم باي حال من الاحوال علي اي فئة بسبب سلوك البعض
يعني لو حد من المصريين برا مصر عمل حاجة مش تمام تلاقي ان سمعة مصر كلها بقت ف يالحضيض ... اكيد كمان بتشوفي لو واحد وقع في موقف مش حلو من ناس من محافظة معينة ...يقول ان اهل المحافظة دول كلهم مش كويسين و معررف عنهم انها مثلا كدابين او بخلاء او لقماء او اي صفة تبعا للي حصل فيه
دا سلوك بشري و لسة باقلنا كتير اوي لحد ما ننضج و نعقل و نعي ان كل انسان لا يمثل الا نفسة
تدونية جميلة يا قمر :)
اخي الكريم فن الحياة
اتفق مع كلام حضرتك.... المقولة دي فيها كتير اوى من الصحيح
و اعتقد يأكد عليها اكتر حديث الرسول عليه الصلاة و السلام.. المرد على دين اخيه فلينظر احدكم من يخالل.. او كما قال رسول الله
بحس انك بتعرف مبدئياً بعض الصفات من شخص
ممكن حتى بانتمائه لجماعة معينة... هتعرف منه فتتات من تفكيره
بس لازم تتعامل معاه بردو عشان تأكد الحاجات دي
و تتأكد انك عارف الشخص ده فعلأً لوحده مش عشان انتمائه للجماعة
و للحديث الي حضرتك ذكرته...
ممم
اعتقد انه اهلك اول شخص لأنه ماخدش معنى الدين فعلاً... ماكنش بيأمر بالمعروف و ينهى عن المنكر
بيشوف الغلط قدامه و ساكت و سايب الناس
و ده فهم قاصر للدين
اعتقد عشان كده كان به فأبدأ
:)
و زي ما حضرتك ذكرت في النهاية
الشخص لوحده مش ببقية الناس الي حواليه عشان نحكم عليه
:)
جزاك الله خيرأً :)
اخي الكريم قلب أبيض
جزاك الله خيرأ
دخلت شفت سريعاً المدونة ان شاء الله ابقى اعدي عليها تاني و اشوف كل حاجة كويس
:)
جزاكم الله خيراً
أخي الكريم الطائر الحزين
و عليكم السلام و رحمة الله
ربنا يكرمك يا اخي على مشاركتك
جزاك الله خيراً على الاية الكريمة:)
و بالنسبة لكلام حضرتك عن العلماء
اتفق مع حضرتك تماما فيه
هما بشر من حقهم يغلطوا ... هما اصلاً لازم يغلطوا..
بس بحس ان الواحد كل ما يعلى المفروض يترفع عن شوية امور انه حتى ماينزلش اوى ليها
عشان مايفتنش بقية الناس
و في نفس الوقت الناس الي بيتبعو اتباع اعمى مش فاهمين اي حاجة و اخرهم يقولوا ده فلان عمل كذا
هيا معادلة صعبة و ساعات بتبقى غير عادلة لما نحمل شخص فوق طاقته..
ربنا يهدي الحال عامة و الجميع يفهموا و الناس الي بيتبعوا دون فهم يبتدو يعقلوا..
جزاكم الله خيراً
اخي الكريم الغزالي
ربنا يكرمك يا اخي
:)
هوا زي ما حضرتك بتقول... انهم بيطبقوا المبدأ ده في اماكن كتيرة قوى
بس ممكن تكون خير لينا لما نعدي في موقف كده
اهو ادينا بنتعلم ان الحركة دي مش سليمة ولا هيا عادلة ف مش هنطبقها على اي شخص تاني
:)
ربنا يباركلك يا اخي
:)
اخي الكريم صاحب المضيفة
:)
مش لاقية تعقيب على كلام حضرتك.. غير ربنا يكرمك
:)
هيا فعلأً مدينة الرسول عليه الصلاة و السلام هيا افضل مدينة فعلاً.. كانت فيها كل الاسس الي محتاجنها بناء مدينة يرضى عنها الله
:)
يا ريتنا فعلاً نكون عايشين في مكان الطيب بيبان و الشرير بيبان
للاسف الناس بقت من تحت لتحت و اغلبهم بوشين إلا من رحم ربي
ربنا يحفظ الجميع
جزاك الله خيراً :)
حبيبتي شمس الدين
و عليكي السلام و رحمة الله
:):)
اتبسطت اوى اما شفت اسمك هنا
:)
اتفق مع كلامك كثيراً
و فعلاً يا ريتنا نرتقى عن السلوك ده
الحل الوحيد اننا نمنع تكرار الحاجات دي اننا نتعلم و يكون عندنا وعي سليم
لأن الاصل زي ما بتقولي قلة التوعية و الجهل زي ما قال اخواننا قبل كده
ربنا يصلح الحال و يهدي الجميع..
جزاكى الله خيراً
:)
أي والله يا بنتي .. سلمت يمناك وسلمت يا رب
موضوع مهم جدا وبجد يعني بيدخل فيه ظلم كتير .. من الناس لأشياء مختلفة من مجرد المظهر أو جزء فاسد من الشيء ..
جزاك الله خيرا
والحمد لله .. أنا فعلا مبسوطة إنك من المدونين :)
يا عم ده انا الي مبسوطة انك من الناس الي بتيجي كل شوية
:):)
ربنا يباركلك يا رب و يعزك
:)
بالنسبة للموضوع
هوا فعلأً ظلم لافراد كتيرة قوى لو ماخدتيش بالك...
لسه فاكرة دلوقتي مقولة قالها احد الدعاة في يوم... ان لو شخص قال ده المنتقبات دول كذا و كذا (شتيمة يعني ) ف هيبقى حسابه على كل المتقبات
لأنه اغتابهم
سواء منهم الكويسين او الوحشين
ربنا يهدينا جميعاً ليه يا رب
:)
ربنا يعزك:)
Post a Comment