فتنة
من المساوئ الي موجودة عندنا في الوقت ده... لغبطة شديدة جدا جدا في فهم الدين
اللي واخدين الدين بسطحية شديدة جدا... انه مجرد مظهر خارجى
و اللي واخدين الدين بردو بسطحية و يقولوا الشكل من بره مش مهم... و ربنا رب قلوب و بتاع
او ان يكون تانيين شايفين ان القرب من ربنا حتة قماشة مغطية بيها حتة من شعرها... و الحمد لله انا كده اتحجبت و قربت من ربنا و عملت كل اللي عليا
ماحدش ليه عندي حاجة بعد كده!!
و تلاقى الفئتين بيفتنوا الناس اللي حواليهم
و تلاقي الفئتين ينتقدوا بعض!
![](http://www.syriaroses.com/up/upload/2007/03/4baf4a3ecc.jpg)
المنظر ده شفته كتير قوى قوى...
كذا مرة اشوف ان اللي بينتقددوا بنت مش محجبة هما نفسهم ناقصهم حجاب
مش بقوول ان اللي مش محجبة دي مش غلط... هيا كمان بتفتن الناس كتير و غلط كده
بس اللي بحسه غلط اكتر البنات اللي ناقصهم حجاب و ناقصهم اخلاق و ناقصهم كتير قوى... و بيقولوا على نفسهم خلاص محجبات
و يعملوا حاجات لا تمت للدين بصلة... بس للاسف بيفتنوا بقية الناس
فتنة حقيقة لسه حاسة بيها من كام يوم بس... لكذا موقف شفته و اتعرضتله
![](https://blogger.googleusercontent.com/img/b/R29vZ2xl/AVvXsEjiaf2f7Wc6Cm30cZpzpS7C2ZrVPSqrhIfs_EALG0klR8RtcKvQ5zC9n4lt0pv7JTIcg4yWloLhCOmJdabYVy_JJPDkCVJbj0aQMy3scj5iz5KYQXYXb4s6NEHeWB2HFGmxhFqgQL9inqY/s200/veil.jpg)
تطلع بنوتة سكرة في التلفزيون كمذيعة او ممثلة و تقول على نفسها محجبة و حجاب عصري و شيك
و حجابها كله ماليان مكياج و تنمص و لبس غريب لا يمت لللبس المحترم حتى بصلة....
و يجي بقية الناس يعملوا زيها و لو حد فكر يقولهم كده غلط يقولوا ازا كان حتى اسمها ايه طلعت في التلفزيون كده
و كمان قالت شروط الحجاب الشرعغي يبقى هيا اكيد لابسة الحجاب الشرعي و احنا لابسين زيها -_-
و اي بنت عاوزة تتمسك باللبس الشرعي فعلأً تقعد تحارب بقى ....
مع الناس اللي حواليها
مع اصحابها
مع اهلها
و مع نفسها!
اللي فعلًأ بقى فتنة قوية ان بنت تكون لابسة حجاب و لابسة عليه كارينا ... ربنا يهديهم بتوع كارينا دول :(
او لابسة بنطلون ضيق
او لابسة الوان مفرقعة
بس البنت فعلأً اخلاقها كويسة
و بتصلي الخمس صلوات...
الناس تقول اهي بنت متدينة و عارفة ربنا
و هيا بتلبس كده يبقى لبسها مش غلط
يبقى مالهاش لازمة ابداً بعد كده ان بنت تلبس ايشارب واسع و طويل زي ما ربنا امرها... ﻷن بقى النموذج اللي الناس بتقارن عليه كويس في الاخلاق و العمل و القرب من ربنا ... و كمان لبسها اهو كويس
و لا ليها لازمة انك تصلي بعد كده السنن.. ﻷن اهي دي بنت متدينة و بتصلي الفروض و كويسة خالص!!
ولا ليها لازمة تصلي في اول وقتها... اهي بنت كويسة و بتصلي كمان الفروض
بقيتي متشددة اوى انك بتصلي في اول الوقت ايه التعنت ده !!!!
ولا ليها لازمة تبقى مش بتلبسي لبس احمر و اصفر و اخضر.... المهم مش يبقى ملفت بزيادة
((بيبقى نفسي اعرف يعني ايه مش ملفت بزيادة دي!! ))
ولا ليها لازمة انك تبقى مش بتكلمي ولاد...
ماهيا بتقعد معاهم باحترام اهي!!
و تلاقي منهم البنت عادي تفتقر كتير اوى من اسس التربية... مش هقول حتى الدين... لا..حتى الحلال و الحرام
و تلاقي بنت عادي قاعدة مع بنات
![](http://www.amrkhaled.net/galleryimages/samy25.jpg)
عايشين في زمن فعلأً فيه فتن شديدة و كثيرة!
كانت صاحبتي امبارح بتحاول تقنعنا اننا لسه مش الزمن بتاع اننا نبقى كالقابضين على الجمر
ف واحدة ردت عليها ان القبض على الجمر ده مش لازم يكون فيه اذية مادية
يعني مش بنتعذب زي ما الصحابة كانوا بيتعذبوا مثلاً !!
((مع ان فيه فئة بيلاقو من العذاب المادى كثير))
بس اغلبنا لسه
بس هيا اذية معنوية
هتفضلي متمسكة بدينك ولا ﻷ!!
هتسمعي كلام ربنا ولا هتسمعي كلام الشيطان!!
الشيطان لو لقى شخص مداوم على حاجة و ثابت عليها عمره ما هيروح عنده يوسوسله...
ﻷننا اما بنثبت دام وسوسة الشيطان هناخد ثواب
و هوا هييأس... ف هيمشى
يقول الحسن رحمه الله: إذا نظر إليك الشيطان فرآك مداوماً في طاعة الله، فبغاك و بغاك - أي طلبك مرة بعد أخرى- فرآك مجاوماً، ملّك و رفضك، و إذا كنت مرة هكذا و مرة هكذا طمع فيك.
و يقول الله عز و جل:
إِنَّ عِبَادِي لَيْسَ لَكَ عَلَيْهِمْ سُلْطَانٌ
كيد الشيطان هين و ضعيف جدا جدا!
اعجبني وصف الشيخ محمد اسماعيل المقدم في مرة في كلامه عن الحجاب حين قال:
هلا تدبرت قول رسول الله عليه الصلاة و السلام : نحّ الأذى عن طريق المسلمين؟
فإذا كانت إماطة الأذى عن الطريق من شُعب الإيمان التى أمر بها رسول الله صلى الله عليه و سلم/ فأيهما أشد أذى؟
شوكة او حجر في الطريق، ام فتنة تُفسد القلوب، و تعصف بالعقول، و تُشيع الفاحشة في الذين أمنوا؟
و لما بنت تقول ان خلاص الولاد مش بقو بيحسو و انها مش هيا يعني اللي هتفتنهم و تبوظ حاجة
او تقول مش هيا اللي هتفتن البنات عن طريقهم
مش لاقية احسن من رد الشاعر حين قال:
تّظُنين الرجال بلا شعور... ﻷنك ربما لا تشعرينا
كلام كتير اوى و فتنة فعلأً عظيمة
و للأسف منتشرة جدا في الوقت ده...
اختم قولي بكلام سيدنا عمرو بن العاص حين وفاته.. أثّر في\ كثيراً حين قرأته
عن أبي نوفل بن أبي عقرب قال: جزع عمرو بن العاص عند الموت جزعاً شديداً، فقال ابنه عبد الله: ما هذا الجزع، و قد كان رسول الله يدنيك و يستعملك!
قال: أي بُنى! قد كان ذلك، و سأخبرك، إى والله ما أدرى احُباً كان أم تألُفاً، و لكن أشهد على رجلين أنه فارق الدنيا و هو يحبهما، ابن سمية (عمار) و ابن أم عبد (عبد الله بن مسعود). فلما جدّ به وضع يده موضع الأغلال من ذقنه، و قال : اللهم أمرتنا فتركنا، و نهيتنا فركبنا، ولا يسعنا إلا مغفرتك.
فكانت تلك هجيراه حتى مات
55 comments:
سبحانك يارب
مش عارف ليه بقي دين ربنا ابسط واسهل حاجة ممكن اي حد يفتي ويقول ويفسر علي كيفه
نموذج مولانا البحبحاني بقي منتشر النهاردة قوي كل حاجة فيها قولان والعلماء اختلفوا فيها واصل فلان قال وفلان بن علان قال
رغم ان الموضوع واضح وضوح الشمس
لكن هنقول ايه
تلاقي الواحدة من دول ماشية في الشارع لابسة من غير هدوم وعادي جدا انت بتبصلها ايه اللي انتي عاملاه ده وهي بتبصلك ايه المتخلف اللي لسه عايش في عصر الحريم
الغريب والمخنق في الموضوع ده انه لو راحت اخت علشان تنصحها تلاقيها واقفة عمالة تتكلم وتناقش والغريب كمان انك بتلاقيها بتتكلم بالدين والنبي قال الدين يسر ويسروا ولا تعسروا
في كل مرة بشوف النماذج دي باقعد اتخيل سيدنا عمر لو في اللحظة دي ممكن يعمل ايه
هو غالبا ماهيجيب مدفع الي وهيطيح فينا كلنا
هما علشان بيعملوا واحنا عشان سمحنالهم يلعبوا بالدين ويمشوا في الشارع بالمناظر دي
ربنا يرحمنا كلنا
اللهم اهد شباب وبنات المسلمين
سلامي
من
ارض الحرب
قعدت اسأل ماما وأختي كتير أوي عقبال ما فهمت يعني ايه كارينا :D
انما انا مش عاوز برده اتكلم بشئ من السرد انما عاوزين ندور علي اصل القضية
معلش انا ضد النظرة الانتقادية للبنات اللي حجابهم مش كامل
ورايي انهم بشر ...وفيهم خير كتير جدا بدليل انهم عاوزين يلبسوا حجاب وعارفين انه فرض
وبيبقي فيهم خير وطاقات هائلة
لكن لو جه واحد انتقد حجابهم فجأة بشدة فده يإما بيؤدي الي حالة من الاحباط ...او حالة عكسية من التحدي للمنتقد
عشان كده انا شايف ان احنا لازم نتعامل معاهم بحب
ومش عاوز تبقي نظرتنا ليهم علي طريقة "ربنا يهديهم"
هو طبعا ربنا يهديهم :D
بس انا هتقرب اليهم اوي وهعاملهم بحب اوي عشان اقدر اقنعهم بالحب وواحدة واحدة وخطوة خطوة اللبس هيبدأ يتحسن
طبعا انا عارف ان الاخت مجاهدة متقصدش المعني اللي انا قولته ده لكن انا اقصد انبه علي الحتة دي للقراء عامة
بل علي العكس انا اري ان التدرج الطبيعي صعب جدا ان تتحول واحدة سافرة تماما الي واحدة محجبة حجاب كامل مرة واحدة وفجأة كده
لازم هتمر بمراحل
ولازم احنا نساعدها علي المراحل ديه ونتجنب اي لفظ تثبيطي او اي لفظ يدعو للتحدي
وطبعا نتجنب اي نظرة ليهم مش تمام سواء بالاشارة او بالتكشير في وشهم او ما الي ذلك
صحيح احنا بنمر بأزمة في فهم الدين بين الافراط والتفريط
لكن علاج هذه الازمة بيكون بالاقناع عن طريق حاجة واحدة بس اسمها
الحب
جزاكم الله خيرا علي هذه الخاطرة
اه صحيح
نسيت اعلق علي النقطة بتاعت انهم مع انهم علي خطأ ...بس في مشكلة انهم بيسببوا فتنة كبيرة وممكن ناس تقلدهم
ورايي في النقطة دي بالذات ان احنا مش لازم نتعامل او ننظر للناس علي اعتبار انهم ناس سطحيين او ناس اغبياء
لا
انا عاوز اقول ان الناس دي بتفهم وعارفة كويس فين الصح وفين الغلط
وبأؤكد علي النقطة دي
الناس عارفة كويس الصح او الغلط واللي مش عارف لما بيعرف بيستجيب ايا كانت سرعة الاستجابة
نيجي بقي للناس اللي بيجادلوا وبيناقشوا ...صدقوني يا جماعة الناس دي مش هتقتنع باي طريقة حتي لو كنت بارعا جدا في الاقناع الفكري
الناس دي عتقتنع ...بالحب فقط
هموم فتاة ملتزمة
فعلا الفتنة هي اختلاط الحق بالباطل
ونظر الناس بنسبية إلى السيء وليس إلى ما ينبغي أن يكون وما يجب عليهم
وأيضا الخلط بين الأخلاق والمعاملة وبين الالتزام بالحلال والحرام ظاهرا
ربما تكتفي البنت بامتناعها عن المحرمات في المعاملة أو الكلام وترى ذلك يغني عن الواجبات الأخرى
ثم إن وصول الرجل لعدم الافتتان بالمرأة هو علامة على غضب الله علينا بإلف المعاصي وليس علامة على سلامة النوايا
اخي عمرو المصرى
:)
سعدت جدا ان حضرتك اول معلق :)
للاسف يا اخي فيه كتير بيفسروا الدين على مزاجهم... و يجيبوا ايات من القرأن و من السنة الصحيحة و يفسروها بهواهم اللي هما عاوزينه
و فعلأً على رأي حضرتك..
اي حد يبتدي يكلمهم
يقولوله الاسلام دين يسر مش عسر
و ان الرسول عليه الصلاة و السلام لو خير بين امرين اختار ايسرهما
و يسروا ولا تعسروا
بس كتير بفتكر رد اخت لينا في الله ربنا يكرمها.... ان ممكن اللي احنا شايفينه تشدد يبقى هوا ده اصلاً الصحيح... و الباقي اللي شايفينه يسر يكون تسيب و بعد عن منهج الله اللي عاوزه مننا!
المهم على رأي اخونا شقلبان اننا نعرف ندخل لهم مدخل صادق و مدخل كويس
فعلاً يفيدهم و يفيدنا و يحقق الحاجات دي كلها!
لكن لو دخلنا ليهم اننا شايفين نفسنا اعلى منهم او اننا باصنلهم نظرة متدينة مش هنزيدهم لينا إلا عداوة و بعد
حكاية سيدنا عمر
:d
ساعات كنت بتخيل مع صاحبتي انه زمان كان بيمشى ماسك درة لو حد غلط بيضربه بيها
دلوقتي مش قادرة اتخيل لو شاف اللي بيحصل في الشوارع المصرية هيعمل ايه!
:)
خيراً ان شاء الله :)
ربنا يهديهم و يهدينا ليه
مين مولانا البحبحاني ده؟؟؟
:rolleyes:
اخي شقلبان
ضحكت اوى على حكاية كارينا دي :d
ربنا مايوريكم! -_-
بالنسبة لكلامك
متفقة معاك تماما فيه فعلاً :)
و انا فعلاً يا اخي عمرى ما ببص ليهم بنظرة قليلة
كفاية اللي الواحد فيه
و ممكن اكون انا بعصى ربنا بيني و بينه و استحى من الناس ولا استحى من الله
و يبقو هما احسن مني لأنهم ماكانوش خايفين من كلام الناس اكتر من ربنا
و فعلأً... كذلك كنتم من قبل
لولا هداية ربنا ليا كنت عمرى ما هبقى كده... و لسه محتاجة هدايته عشان ابقى اعلى من كده
انا فاكرة زمان لو حد حسسني انه عاوز يتنطط عليا بمعلومتين... و لحد دلوقتي فعلاً... بتضايق منه و مش عاوزة اسمع كلامه
و فعلأً حكاية اللبس الشرعي دي بحخسها لازم تيجي من جوا الواحد... مش بس من مجرد كلام يسمعه ولا انتقادات ياخدها
انا بس بفضفض معاكم عن خواطر جوايا عشت فيها لفترة و سببتلي شوية ازمة الكام يوم اللي فاتو
زي ما كاتبة بالظبط في البوست... ان الناس تشوف البنات دول و يحسو ان اي حاجة تانية بنعملها عشان نقرب من ربنا تعنت مننا و عدم فهم للدين و واخدين الدين انه منظر بس
و يجي في الاخر حد يقول خلاص اقلعوا الحجاب احسنلكم طالما انتو واخدينه بطريقة غريبة و فاهمين الدين على مزاجكم!
بس البنات دول فعلأً اخواتي قبل اي حاجة... مش بقول الكلام ده بس رداً على حضرتك
ﻷ فعلاً هما كده ... و زي ما حضرتك قلت جواهم خير اوى و هما من جوا فيهم نضيف اوى
ناقصلهم بس انهم يزكزا انفسهم
"قد افلح من زكاها"
عشان يرتقو و نرتقى احنا كمان معاهم للخطوة اللي بعد كده... و نمشى واحدة ورا التانية لحد ما نوصل لرضا ربنا
:)
مجرد فضفضة :) و اهي نصيحة لو واحدة بتعمل كده :)
جزاك الله خيراً :)
استاذى عصفور الجنة
:)
مش عارفة ليه كنت مستنية تعقيب حضرتك على الكلام ده
:)
جزاك الله خيراً كثيراً على ردك
و فعلاً عند حضرتك حق... مش لاقية كلام اضيفه على كلامك :)
ربنا يعزك
سبحان الله
الموضوع دا انا هكتب فيه قريبا ان شاء الله
فعلاً زى ما قيل هموم فتاة ملتزمة
انت قلت كل حاجة تقريباً يا مجاهدة
بجد الله المستعان
معلش انا ضد النظرة الانتقادية" للبنات اللي حجابهم مش كامل
ورايي انهم بشر ...وفيهم خير كتير جدا بدليل انهم عاوزين يلبسوا حجاب وعارفين انه فرض
وبيبقي فيهم خير وطاقات هائلة "
لكن لو جه واحد انتقد حجابهم فجأة بشدة فده يإما بيؤدي الي حالة من الاحباط ...او حالة عكسية من التحدي للمنتقد "
واقتباساً من أخى شقلبان
فى النقطة دى بالذات الكلام صح 100%
وعن تجربة شوفتها بعينى
والغريب انها كانت بين اصحاب اوى وزعلت لمجرد نقدها فى طريقة لبسها اللى اتغيرت فجأة
وطريقة الحجاب الغريبة العجيبة
وفعلاً اصبح الموضوع مجرد تحدى ولامبالاة لاى راى سوى اللى هى شيفاه
..
وبالنسبة للتقليد
فده للاسف بيحصل ورايته بام عينى
واستغربت جداً
كانت البنوتة كويسة ولبسها محترم
وفجأة كان للصحبة
الاثر الكبير فى التقليد
هنا مش مسألة غباء
ولكن مسألة عدم وجود شخصية للمقلد
وكمان عدم ثقة
وعدم وجود قناعات مسلم بيها
ربنا يهدينا وايـــاهم
جزاك الله خيراً يا جوجو
:)
اعتذر عن التحليق خارج السرب
لكنني أريد رأيكم للأهمية في آخر موضوع لي
بعنوان
شكــر وإعتــذار
تحياتي
عجبتنى اوى اول جملتين الناس اللى واخدين الدين بسطحيه وبيعلقوا على المظاهر والناس اللى واخدين الدين بسطحيه ومهملين المظاهر
بجد بارك الله فيكى وجزاكم الله خيرا...بجد البوست كلام جامد جدا
حلوة أوي صورة فلة اللي حاطاها
:)
ربنا يرزقنا الالتزام الصحيح
و إذا كنت مرة هكذا و مرة هكذا طمع)
(فيك.
عجبتنى أوى الجملة دى فعلا مهمة أوى
جزاكى الله خيراا بجد
أنا أول مرة أعلق فى مدونتك يا جوجو
الموضوع ده عجبنى أوى بصراحة
وخصوصا أنك مجمعه فيه كلام جميل أوى للسلف الصالح
ما تحرميناش من الحاجات الجامدة دى
ربنا يعزك ويوفقك لما يحبه ويرضاه
( حلوة حتت إستحضار النية قبل الكتابة)
أحيانا كنت بنسى
الموضوع فعلا اصبح ظاهرة غريبة وصعبة للغاية
اي اصبحت الفتاة المحجبة الحجاب الذي اسميه نص قصدي ربع كم وساعات قط كم يعني
بقة هو ده طبيعي الحجاب وانك تلاقي الفتاة ترتدي الحجاب المزين بجميع الوان الزينة الممكمنة وترتدي بنطال برمودا من تحت
يا صلاة النبي احسن باللغة البلدي
اصبح شيء غريب وانتشر بطريقة فجة للغاية
لم يستطع اعداء الاسلام النيل من مشروعية الحجاب فالتفو حول مشروعيته في التنكيل به واهانته بالاسلوب المتمثل في الازياء الجديدة التي يقال عليها للمحجبات
بجد اشمئز من هذه الفتاة جدا جدا جدا
السلام عليكم
اللهم أمرتنا فتركنا، و نهيتنا فركبنا، ولا يسعنا إلا مغفرتك
فاغفر لنا ياغفور
آمين
جزاكم الله خيرا
السلام عليكم
جزاك الله خيراً اختنا الفاضلة علي التدوينة الرائعة
للأسف أصبح الدين في نظر الغالبية مجرد مفاهيم مغلوطة تحتاج لوقفة بل وقفات عديدة .. أصبح إعتقاد غالبية المسلمين إلا من رحم الله أن التكاليف الشرعية ما هي إلا مراتب وفضل فقط . فمن فعلها كان أفضل ومن لم يفعلها فلا حرج . ومن فعلها (نص نص) فجزاه الله خيراً أنه فعله فغيره لا يفعله !!!
أصبح تعامل كثير منا مع الله من منطلبق تأدية الواجب ..
أعذريني علي عدم قراءة التدوينة كاملة لأنها طويلة جداً .. ولكني رددت بما استشفيته منها
جزاك الله خيراً
ملحوظة : قمت بالرد علي استفسارك الخاص بمعني (وما اصابك لم يكن ليخطئك وما اخطئك لم يكن ليصيبك ) في تدوينة منفصلة حتي يعم النفع
السلام عليكم
أولا شكرا على الموضوع ده
بس عندى شوية حاجات
مش كل المحجبات الفئة دى وبعدين مش الناس اللى هاتحدد شروط او كيفية الحجاب فيه جهات تشريعية
والممثلين ... كويس هى بداية ..أنا مش بدافع عنهم بس برده مش هما اللى الناس هاتقول آه الإسلام بيقول كده ..ز اللى بيقلدوهم ..ناس بتقلد ممثلين مش حجاب
يعنة لو واحدة عايزه تلبس حجاب مش هتسأل واحدة من الفئات دى ولو سالتهم هاتبقى عارفه إنها بتضحك عى نفسها
يعتى من الآخر اللى مش لابسه الحجاب علشان خاطر ربنا ماتلبسهوش
وأرجو ان تتقبلى مرورى
فعلا الموضوع دة اصبح مشكلة
بس انا مش عارف هل هما حاسين ان دة إللى بيعملوه دة لعب عيال مش حجاب ؟ ولا عارفين انهم لابسين الحجاب إللى ربنا قال عليه ؟
هو الغالبية اعتقد انهم لابسينه موضة كدة
وكمان آل يعنى مش هيجيلها عريس وهى مش محجبة ... فتعمل حاجة كدة تشبه الحجاب
لكن لو هو عن إقتناع فعلا
اقتناع ان دة شرع ربنا لازم اعمله الوضع اكيد هيتغير
والدليل ان زمان فى السبعينات كدة الحجاب مكنتش منتشر والأخلاق كانت عند درجة معينة مثلا 5 من 10
دلوقتى الحجاب انتشر والأخلاق بقت 1 من 10
يبقى الحجاب بقة منظر بس
اعتقد انه ملوش لزمة طبعا وهو بالشكل دة
اشكرك على موضوعك الرائع :)
واسف مش بعلق عندك كتير علشان موضوعاتك ساعات بتبقى طويييييييييلة شوية وحلوة فى نفس الوقت
فلو بدأت فى موضوع يقوم وقت كتير يضيع
والله ببقي مستمتع وانا بقرأ البوستات لكنها طويلة
وللأسف اليومين دول بعانى من نفس المشكلة فى موضوعاتي
إن شاء الله احاول اختصر قدر المستطاع
المهم انى حبيت اتحدي العقبات دي كلها واقرأ موضوعك دة وارد عليه :D
تحياتى ليكي
السلام عليكم
مولانا البحبحاني مش حد بعينه لكن ده اسم ممكن نطلقه علي كل انسان عمال يفتي وخلاص وكل حاجة عنده لازم فيها قولان الاتنين اسخم من يعض زي مثلا رايه في اللي فاته الفوازير في رمضان هنا هو عنده رأيين لو سابها ساهي فصيامه صحيح لو سايها متعمد عليه الكفارة وهكذا
اي كلام والسلام المهم ترضي كل الناس اللي عايزه تسمع اي كلام
علي راي الشيخ ابو اسحاق الحويني وده بجد مش هزار
لما كان بيتكلم عن برامج الفتوي كان بيقول
جايبين شيخ ورقاصة الرقاصة بتسال والشيخ بيجاوب متوقعين ايه يعني
سلامي
من
ارض الحرب
فتنة واى فتنة بل اشد فتنة على الرجال بل ان تظن البنت انها حتى ليست بعاصية فتنة تزيدها فى فسوقها فتن كقطع الليل المظلم حقا والله
ان يؤتمن الخائن ويخون الامين واصبح الحلال حراما والحرام حلال ومن اتبع الحق رمى بالجهل والارهاب ومن اتبع الشيطان رموه بالتحضر والتمدن نعم القابض على دينه كالقابض على جمر بل ان تصل لهذا الجمر وان تعرف الجمر حتى من غيره اصبحت مشكلة ولا حول ولا وقة الا بالله الحمد لله على نعمة الهداية والله نعمة عظيمة ان يعرف احدنا الحق ويتبعه ويعرف الباطل ويجتنبه يذنب احيانا لكنه يعرف انه مذنب حينئذ امانة عليكم اخواتنا فى دعوة هؤلاء البنات فلا تعلمون مدى تاثيرهم على الشباب وكثير من الشباب يعلق التزامه بالدين على هذا فهى فتنى عظيمة بحق نسال الله الثبات
جزاكم الله خيراً
من الكلمات الصادقة جداً اللي قرأتها في هذا الموضوع
كنت محضر كلمات أكتبها بخصوصه
واضح أني حفك مكتبهاش
ربنا يبارك فيكي
ويثبتك
اثبات حاله بس هرجع اعلق تانى بس البوست طويل اوى والفجر قرب يأذن
كنت عايز رأيك فى اخر قصيده عندى فى مدونة مزاج
على فكره المدونه زمان كانت احلى
قرأت موضوعك هذا ؛
وهممت بأن أجيب عليه؛ كان عندى كلام كثير أود أن أقوله ؛
لكن الفضول جذبنى لأن أعرف المزيد عنك ؛؛؛
فلم أفق الا وقد قرأت تدويناتك كلها ؛
شعرت أنى أعرفك قبلا ؛
أن هذه الروح التى تسرى فى عروقك تسرى أيضا فى دمائى ....
باركك الله من أخية آمل أن تكون أخيتى ....
حقا ؛؛؛
جزاك الله خيرا على تلك النفحات التى أصابتنى جراء قراءتى لتدويناتك ؛؛؛
وباركك الله ؛؛؛
أختك : أمل
السلام عليكم ورحمة الله وبركاته :)
ما شاء الله كالعادة اختي الفاضلة متميزة في انتقاء المواضيع
بصراحة الموضوع له اكتر من اتجاه .. وفعلا فتنة
نبدأ بالناس ئلي هي محجبة نص نص :)
اغلب الناس دي بتكون محجبة علشان العريس .. او علشان اهلها .. او علشان العادات والتقاليد .. او الصحبة الصالحة بس هي متردده او حاسه ان شخصيتها مش راكبة على الحجاب
وحقيقة واقعية .. اعلم احد البنات اتلزمت بالحجاب مع ان شخصيتها قويه واصحابها صعب يأثروا عليه .. بس هما بيعملوا كل حاجه بحرية .. وهي مش عارفه ... فاضطرت انها تشيله خالص علشان تعرف تتصرف بحرية .. ربنا يهديها ويهدي جميع المسلمين
ام بالنسبة للاخوات الملتزمين بالبس الشرعي ومواصفات الحجاب الاسلامي
ارى انه حتى لا يختلط الحابل بالنابل .. والسيء مع الصالح ان يترقوا بقدر ما يستطيعون وان يبتعدوا عن دوائر الشبهات
وبعيدا عن الاختلافات الفقهيه .. اجد ان افضل الحلول الان هو النقاب .. منذ زمن ليس ببعيد كان الانسان حين يسأل عن بنت للزواج مثلا .. كان الرد اول حاجه دي ماشاء الله عليها متدينة ومحجبة .. كان الحجاب مقياس للتدين .. اما الان اظن والله اعلم مما نشاهد على ارض الواقع ان الحجاب فقد مصدقيته للحكم على البنت دلوقتي اذا قلت للعريس مثلا دي محجبة .. يبتسم .. وينتظر منك شيء اخر يؤكد اكثر على التزامهاا
وكما قلت اجد افضل الحلول وابعد عن الشبهه واقرب للورع .. هو النقاب والله اعلم
وجدت هذه الصورة في احدى المنتديات بنت كاتبه بركووووووووولي انا انتقبت
http://www3.0zz0.com/2007/04/17/23/22344278.jpg
اخي خطاب
ربنا يباركلك :)
مستنية البوست بتاع حضرتك عن الموضوع ده ان شاء الله :)
ربنا يعافينا ويهدي البنات
والولياء الامور اللي سايبين الامور على البحري
بوست جميل جداً
ربنا يباركلك ويكرمك
وفعلاً الكاريكاتيرات اللى انتى حاطاها دى بتقابلنا كتير جداً
ربنا يسلمنا من الفتن ما ظهر منها وما بطن
ولصاحبتك اللى بتقول اننا مش زمن القابضين على الجمر
أقولها انتى عايزه فتن ايه اكتر من اللى بنشوفها كل يوم 24 ساعه
والشيطان ما بيسبش حد فى حاله ولو قدرت تخلص من الشيطان هتلاقى نفسك الأمارة بالسوء
وعجبنى قوى البيت ده
تّظُنين الرجال بلا شعور... ﻷنك ربما لا تشعرينا
عشان انا كراجل .. بتعجب من البنات اللى بتخرج فى زى غير محتشم خالص .. وفاكرة نفسها قمة الإحترام وان الصبيان اللى بيعكسوها ما عندهمش حق خالص
ربنا يصبرنا .. ويحسن ختامنا
نهى باشا
ربنا يكرمك يا رب
:)
جبتي كل حاجة ممكن تتقال فعلاً
بالذات على اللي بيقلدو
ضعف ثقة بالنفس و عدم ثبات منهم على اسس تخليهم يعرفوا هما بيعملوا اللي بيعملوه ليه
يعني بيبقو تبع اللي بيحصل
اللي بيحصل كذا هيعملوا زيه من غير تفكير
و في اغلب تفكيرهم ان طالما الحكاية منتشرة بين الناس يبقى يكملوا و خلاص لأنها اكيد صح طالما الناس كلها بتعملها
الله المستعان
جزاكى الله خيراً :)
اخي صاحب البوابة
جزاك الله خيراً على المرور الكريم
:)
و منتظرة ان شاء الله رأي حضرتك في الموضوع ده :)
حراس الحقيقة
ربنا يكرمك يا جميلة و يباركلك
:)
جزاكى الله خيراً
قبس من نور
:):)
سعدت جدااا باسمك هنا
يلا يا عم بقى افتتح المدونة بسرعة ^_^
اتفضلي الصورة اللي عاجباكي :d
رورو فور اسلام
ربنا يكرمك يا رورو يا رب:)
مبرووووك صحيح انتى المدونة
بجد ماكنتش عارفة:s
نورتي البلوجاية :)
جزاكى الله خيراً يا جميل :)
يا حاجة منا افتتحتها
صح النوم :D
اخي محمد عباس
اتفق مع كلام حضرتك بخصوص اعداء الدين
هما فعلأً لقو في البداية انه صعب انهم يتكلموا في مبادئ عند المسلمين
ف قعدوا يقللو من شأنها واحدة ورا التانية
لحد ما دي بقت الحالة اللي احنا فيها
ربنا يثبت البقية الباقية و يهديهم هما دول للحجاب الشرعي الصحيح بما يرضى الله
جزاك الله خيراً يا اخي و اهلأً بحضرتك في المدونة :)
اخى كرم مسلم
و عليكم السلام و رحمة الله
حضرتك اقتبست الكلمات المهمة فعلاً ربنا يباركلك :)
اهلاً بحضرتك في المدونة :)
اخر المهاجر إلى الله
و عليكم السلام و رحمة الله
جزاك الله خيراً كثيراً يا اخي :)
للاسف فعلأً يا اخي زي ما حضرتك بتقول...انهم بيعملوها تأدية واجب
و نسيو ان مش ربنا اللي محتاجلنا عشان نعمل "الواجب" ده
و على ان المدونة طويلة... معلش :blush:
ربنا يديكم الصحة و يصبركم معايا :)
اخي دارك
و عليكم السلام و رحمة الله
يا اخي فعلاً مش كل المحجبات الفئة دي :)
شرع ربنا باقى و لو عملوا كذا مكيدة عشان يقتلوا الشرع جوانا
بالنسبة للمثلين
والله يا اخي انى بفرح اما ممثلة تتحجب و تتكلم عن الحجاب بشكل قوى
فعلًأ بتبقى دفعة قوية
بس هما يكملوا جميلهم و مايعملوش مسخ للحجاب...
الناس فعلأً يا اخي بتقلد تقليد اعمى لو هما مش ثابتين على ارضية قوية من الاقتناع
اما ممثلة تطلع تقول الحجاب الشرعي كذا و كذا و كذا.. و هيا رقبتها باينة
ف هيا بتتكلم عن الحجاب الشرعي
و واحدة تشوفها تفتكر ان ااه ده حجاب شرعي
غير ان لبسهم بيبقى ملفت للنظر ان واحدة تقول هلبس زيها... و مش دايماً بيبقى حجاب صحيح
غير المكياج
فقاكرة في مرة كنت بقول لبنت غلط تعملى كذا... قالتلي إذا كان "فلانة" بتعمل كده في التلفزيون يبقى صح
بس هيا كبداية ممكن تكون كويسة
بس بعديهم ربنا يهديهم للطرق السليمة عشان يسألو و يعرفوا اكتر و ماتكونش بردو يفتكروا انهم عملوا اللي عليهم
جزاك الله خيرأً و معلش طولت في الرد على حضرتك
و اهلأً بحضرتنك في المدونة :)
بسم الله ما شاء الله
..
بوست جميل أوي
...
وحلوة فكرة إنكن تكتبوا عن الحجاب خلال
الأسبوع ..عجبتني أوي الفكرة
ربنا يبراك فيكوا ..ويجزيكوا عليها خيرا كثيرا
...
تحياتي
اخي مانجر
مممم
هوا انا زمان ماكنش لبسي اسلامي و الحمد لله انه اتحسن
بس زمان فعلأً ماكنتش عارفة انه غلط
اللي بيعمل حاجة غلط مش دايماً بيبقى شايف نفسه غلط
هوا اللبس اتحسن عشان كل فترة كنت بقعد اشوف لو لبسي ده اقدر اقف بيه قدام ربنا و انا بصلي من غير ما البس عليه اسدال او جيبة صلاة او طرحة صلاة
لكن قبل كده... كنت بحسه عادي و عمرى ما شفته وحش
مع انى دلوقتي عمرى ما اقدر البس اللبس ده تاني و اخرج بيه عادي في الشارع
و فيه منهم بيبقو عارفين انه غلط... بس مش في دماغهم اوى انه غلط للدرجة و بيقولوا كويس انه على الاقل هما محجبين غيرهم لأ
و فعلأً لابسيته يا اما موضة او مع بقية الناس... عشان عادات و تقاليد!
حكاية المواضيع طويلة
:d
صبركم معايا :d
ربنا يديكم الصحة
انا بردو ساعات بحسها طويلة اوى او لما بحس ان بوست طويل مش بعرف الاقى همة انى اقراه من اولها
بس اول ما ببتدي بلاقي نفسى كملته
:)
جزاك الله خيراً يا اخي :)
اخي عمرو المصري
و عليكم السلام و رحمة الله
جزاك الله خيرأً على التوضيح :)
الناس للاسف بتحب تفتي في اي حاجة و مش بيبحو ابداً يقولوا مش عارف!
مع انها فتنة عظيمة فعلاً و ضررها كبير على الناس كلها
فيه كلام سمعته قريب للدكتور راغب السرجاني في الموضوع ده في سلسلة كن صحابياً بتشرح مدى ضرر الفتوة بدون علم
http://www.islamway.com/?iw_s=Lesson&iw_a=view&lesson_id=37471&scholar_id=361&series_id=2038
جزاك الله خيراً
http://www.islamway.com/?iw_s=Lesson&iw_a=view&lesson_id=37471&scholar_id=361&series_id=2038
بعنوان الصحابة و العلم..
اخي امام الجيل
ربنا يكرمك يا اخي و يباركلك
:)
مش لاقية تعقيب على كلامك
بس أسأل الله الثبات للجميع
جزاك الله خيراً
اخي بينو
ربنا يكرمك يا اخي
:)
و ليه حضرتك بردو تكتب هنتعلم و نستفيد كتير ان شاء الله لأنها هتكون طالعة من عقل و فكر مختلفين
ف اكيد هنلاقي كلام اكتر :)
منتظرين ان شاء الله الموضوع
جزاك الله خيراً :)
اخي حزين
ان شاء الله ابقى اروح هناك اشوف الشعر الجديد
:)
ربنا يكرمك يا اخي و يباركلك
:)
اختي اصرار امل
والله مش عارفة اقولك ايه :):)
كلامك اول مرة قريته بعد ما كتبتيه بشوية صغيرة
فعلأً أثر فيا اوى
:)
منورة المدونةى يا جميل
و ماشاء الله مثابرة اوى :d
ده الناس هنا بتعاني من مدونة واحدة
قريتي الباقيين كمان :d
ربنا يديكي الصحة:d
ربنا يكرمك يا جميل و فعلاً منوراني في المدونة :)
اخي فن الحياة
و عليكم السلام و رحمة الله :)
عوداً احمد اخي الكريم بعد الغياب
:)
هما فعلاً يا اخي اعتقد دي الاسباب اللي بتخليهم يتحجبوا
قليل اما بشوف واحدة متحجبة عشان امر ربنا كذا و هيا عاوزة تطيعه و عاوزه رضاه
بالنسبة للنقاب
متفهمة وجهة نظر حضرتك و مقدراها :)
بس للاسف يا اخي ان مش بس الحجاب العادي هوا اللي بقى واخد الشكل ده!
هوا الحججاب بشكل اكتر ااه... بس فيه ناس كتيرة يا اما بتركز بس على المظهر او بس بتركز على انهم يقولوا اخلاقنا كويسة و كفاية اي حاجة تانية
اسأل الله الهداية للجميع
الصورة اللي حضرتك حطتها حلوة اوى ماشاء الله :)
اخي اسكندراني اوى
آمين
ربنا يهدي الجميع فعلأً...
جزاك الله خيراً يا اخي
و اهلأً بحضرتك في المدونة :)
اخي ياسر سليم
ربنا يكرمك يا اخي :)
على حكاية الشيطان مش بسيبنا...
افتكرت كلمة لسه سامعها للدكتور عمر عبد الكافي بيقول فيها ان الشيطان بيحاربنا اربعة و عشرين ساعة
و احنا مجهزناش ولا ساعة حتى عشان نتصدى ليه ولا عشان نحاربه
و زي ما قلت لاخونا... اللي بيعمل غلط مش بيبقى عارف انه بيعمل غلط
مش دايماً يعني بيبقو فاهمين و كل حاجة باينة قدامهم
عشان كده بيتمادوا في الغلط!
ربنا يعافينا جميعاً و يهدينا ليه
جزاك الله خيرأً :)
قبس هانم
:d
يا عم الف مبروووك
:d
بجد ماكنتش عرفت
كويس انك قولتيلي هاخدلي لفة هناك ان شاء الله :d
اخي other things
اهلاً بحضرتك في المدونة يا اخي :)
ربنا يكرمك و يباركلك
:)
هوا فعلأً كان فيه جملة عن الحجاب... بس انا عرفت عنها متأخر اوى
كانت بعد ما كتبت البوست كمان خلاص :)
بس كويس انه جاي في وقته الحمد لله
:)
ربنا يجعلهم بفايدة
:)
ربنا يعزك يا بنتي
بحبك في الله
:):)
احبك الذى احببتني فيه
ربنا يبارك فيكي و يعزك ياااااا رب:)
ازيك يا مجاهده؟؟؟
ربنا يكرمك يا بنتى و يثبتك و يثبتنا معاكى ان شاء الله...
بس انتى عارفه انا كنت مره فى مكان ما و كان فى واحده بتدينا محاضره عن حقوق المرأه...
و طبعا كانت الست دى عضوه من اعضاء جمعيات الحجاب حجاب القلب...
انا احتلامت كلامها و احترمت حريتها فى اختيارها انها ما تتحجبش انما ماتجيش تقولك انك غلط و ان الحجاب ده اصلا مالهوش لزمه...
لأ لحد هنا و كفايه انتى مقتنعه انه ساعه لقلبك و ساعه لربك....
انا بقى مش مقتنعه بكده...
ربنا يكرمك...
السلام عليكم .. موضوع رائع يا جوجو ..الذنب زي ماهو ذنب البنت نفسها .. في نفس الوقت فين الاهل .. يعني ازاي أب يسمح لبنتة بأنها تلبس كده .. مش بيحس ؟؟
ده غير طبعا دور الاعلام المؤثر جدا في الموضوع ده .. زي مانتي ما قولتي يا جوجو .. سواء كان من بعض المزيعات .. او حتي الممسلات .. اللي ممكن يظهرو في احدي ادوارهن بأنهن ملتزمات الي حد الشدد " من وجهه نظر المخرج " وعلي الرغم من كده بيكون حجاب نص كوم .. ومن ناحيه تانيه فيخ دعوة .. وللاسف احيانا بتكون منفرة ..
Post a Comment