السيرة الحسنة

هيا خاطرة ملخبطة شوية و اسفة انى مش عارفة اظبطها عن كده..
بس هيا شوية معاني في مخي بقالها فترة!



من اسبوعين تقريباً كنت بالصدفة في مكان عاملين فيه حلقة علم
ف قعدت احضر شوية في الوقت الي كان فاضى عندي و بعدين امشى

الدرس ماشاء الله رائع :) فيه واحدة بتديه بتتكلم عن سيرة الرسول عليه الصلاة و السلام
و ماشاء الله عليها ربنا يكرمها بجد :)
كانت بادية السيرة من الاول خالص.. من قبل ما حتى ما يبقى فيه سيرة :d

اتكلمت في الاول عن العرب و ايه الي كان بيحصل
و اتكلمت عن العلامات بتاعت بداية الرسالة و ان فيه رسول جاي

ربنا يكرمها بجد
النقطة بقى الي عجبتني اوى.. انها كانت بتحكي كل قصة و تقعد فيها شوية تقول معاني مستخبية فيها
قصص عارفنها و حافظنها بس هيا تمسكها و تطبقها على حياتنا

ف انت بتحكي على القصة وقت ماكانوا بيجهزوا الكعبة
و بعدين اختلفوا مين الي هيشيل الحجر الاسود
و حكت انهم اتفقو اول شخص يجي هيرضوا بحكمه و الرسول عليه الصلاة و السلام كان اول شخص و قالهم يعملوا ايه و فعلأً عملوا الي اقترحوا... كان اقتراح عاقل و حكيم
:)

القصة دي اتحكتلنا كتير قوةى

بس طنط ربنا يعزها قعدت تتكلم عن الي بعد القصة دي

بتقول انهم اول ما شافو الرسول عليه الصلاة و السلام قالوا :الصادق الأمين
و هما مبسوطين اوى انه هينصف كل قبيلة و مش هيخذلهم

ف هيا مسكت في النقطة دي
و قعدت تقولنا... شايفين يا جماعة اما شافوه قالوا ايه؟؟
قالوا الصادق الآمين

لأنه فعلأً في حياته كلها صادق و آمين

شايفين السيرة الحسنة بتعمل ايه في االواحد!
ان مجرد ان الناس تشوفه تتبسط و تتهلل لرؤيته
و تبقى واثقة تماما انه مش هيخذلها

بتقولنا تخيلي اثر الوجه البشوش على الناس... يعني الرسول عليه الصلاة و السلام اكيد كان مبتسم عشان كده لجأوله.. و شكله يوحي انه يقدر يساعد الناس لو حد طلب منه.. عشان كده سألوه من غير ما يترددوا انه يحكم بينهم
:)


قعدت اتفكر في المعنى ده كتير.. لأن الواحد كان كتير اوى بيخاف من السيرة الحسنة
مش بيخاف منها انه مش عاوزها

بس الحقيقة الحديث الي فيما معناه ان لو حد عمل حاجة عشان يتقال عليه في الدنيا بيعمل كذا و كذا.. هيجي يوم القيامة ربنا يقوله مالكش ثواب عندنا.. لأن انتا كنت بتعمل كذا ، "و قد قيل"
يعني خلاص... مش عندنا حاجة زيادة نديهالك

و ساعات اما الواحد يتفكر في معنى الاخلاص.. او معنى الرياء
و تخاف لو حد قالك كلمة كويسة انك تلاقي نفسك مبسوط و بعدين تخاف تكون بتعمل كده عشان الناس!



بداية...
وَمَا بِكُمْ مِنْ نِعْمَةٍ فَمِنَ اللَّهِ

ف الواحد يحط في مخه كويس اوى انه مافيش اي حاجة جاية من عنده هوا... دي كلها من عند ربنا
ان كنت تعرف معلومة او تفهم حاجة.. دي من ربنا بس

كان الداعية مصطفي حسني بيقولنا في مرة اننا قوالب... فينا الحاجات الي ربنا عاوزها
بس احنا نفسنا... ولا حاجة
الي جوا القالب ده هوا الاهم

ف لازم الشخص يحط في باله كويس اوى الحكاية دي
انه مش مفتكس حاجة زيادة من عنده ولا اي حاجة



المقطة التانية
تعرف يقينا انك مش انتا الي الناس جاينلك... دول جايين يسمعوا كلام ربنا
و ان لو حد شافك و افتكر ربنا.. دي من نعم ربنا عليك. و على الشخص ده
مش عشان انتا الي شاطر ولا حاجة

كان فيه احد الصالحين بيقول اللهم إنك تعلم أنهم يريدونك و لكنهم وجدوك عندي
:)

بحب اوى الجملة دي
:)



حاجة كمان... كنت عاوزة اضيفها
قول للداعية محمد حسان.. بيدعي بيه كتير
أعوذ بالله أن اكون جسرا تعبرون به إلى الله.. و يهوى بي في قعر جهنم





حديث للرسول عليه الصلاة و السلام .. للأسف مش فاكره نصه
بس كان فيه
ان أحد الصحابة جاء للرسول عليه الصلاة و السلام بيسأله لو شخص قاله كلام كويس كمدح يعني في الدنيا..
و الشخص ده اتبسط بيه.. في نفس الوقت هوا كان راعي ربنا على قد ما يقدر في نقطة الاخلاص في عمله

يبقى ده كده نفاق

قاله ده تعجيل ثوابك في الدنيا

:):)



كان فيه إضافة صغيرة افتكرتها بعد إضافة الموضوع...
من كلام اخونا الكريم عصفور المدينة...

المفروض نراقب افعالنا و اعمالنا.. انها فعلأ رايحة لربنا مش للناس
و لو بنعمل اي عمل قدام الناس نشوف احنا بنعمله ليه

بس من غير تكلف

كان الداعية مصطفي حسني في مرة بيقولنا ان ممكن واحد يكون بيلصي و حواليه ناس و خايف من نفسه يكون بيخشع في الصلاة عشان خاطر الناس..
ف يقوم مسرع في صلاته لأنه خايف من نفسه

بعد فترة... مراقبة النفس دي مش بتبقى عبادة
دي بتبقى تعذيب
و الواحد بيقعد يقلل كتير من اعماله عشان خاطر الناس ماتقولش عليه بيعملها عشانه.. ده مدخل من مداخل الشيطان فعلأً

المفروض مراقبة النفس بدون تكلف ولا زيادة...

احد ربنا قدامي الاول
و بعدين اقدم على عمل ما...



جزاكم الله خيراً
:)
سلام عليكم