فكراية

هيا فكراية كده جاتلي من البوست الي فات((الي تحت ده على طول ايوة :))) و التعليقات الي عليه
خاصة في تعقيب اخونا فن الحياة...

ياعني قبل ما يناااام يسامح كل ئلي غلطوا في حقة .. ويدعوا ليهم .. تخيل لما تتدعي للي ظلمك ..( مش تتدعي عليه)
حاجه صعبة جدااا :)
لذلك استحق دخول الجنة


الفكرة بقى... اننا نحول الكلام لخطوة عملية.. ننفذها.. و قلت اقولهالكم كمان عسى حد يستفيد منها :)


اننا يكون عندنا في مخنا او على ورق ليستة باسامي الناس الي نعرفهم
و كل مرة في صلاتنا ندعي لاتنين فيهم...

نبتدي طبعاً بالدعاء للاهل..
و بعد كده نبقى ندعي لأي حد شايلين منه او ظلمنا قبل كده

و ندعي لكل الي نعرفهم عادي سواء اصحابنا و بنحبهم اوى او مجرد معرفة سطحية



كان جالي وقت زمان من اربع سنين مثلاً كنت كاتبة عندي ورقة فيها اسامي كل الي اعرفهم
حتى لو شفتهم مرة واحدة في حياتي و اتكلمت معاهم فيها كنت كاتبة اساميهم
و كل مرة ارفع ايدي لربنا ادعيلي لازم ادعي لعشرة من الي مكتوبين في الليستة دي

مش متخيلين بجد كم السعادة الي كنت ببقى فيها

خاصة لو شفت حد فيهم في اليوم الي دعيت فيه

بحس فعلأً بمعني ان ربنا بيألف بين قلوب عباده
و بحس انى مقبلة بشدة اعمل اي حاجة كويسة لأي حد سواء طلب او لأ
و بتبسط جدا جدا لو شفتهم مبسوطين.. عشان ساعات كنت بربط ده بأني دعتيلهم ف دي استجابة لدعوتي...

و احنا مش خسرانين اي حاجة :)
ربنا مكلف ملك يكون على راس الانسان و لما يدعي لأخيه بظهر الغيب يقوله آمين و لك بالمثل

يعني كسبانين دعوة لينا احنا كمان من ملك ان شاء الله :)

و لو دعينا لشخص اصلأً شايلين منه... او حصل موقف يخلينا متضايقين منه
اهو كده هنألف بين قلوبنا و نكسب الجنة ان شاء الله عشان االقلب الصافي ده
:)

و الحكاية دي ممكن تخلينا نبقى نكثر اكتر من الدعاء.. و الدعاء هوا العبادة زي ما قال النبي عليه الصلاة و اسلام
:)


حبيت اشارككم الفكرة دي عسى تنفع اي شخص
و ناخد بإيد بعض فيها :)


بس كده :)

سلام عليكم