....ما يلفظ من قول
من كام يوم في المنتدى الي مشتركة فيه كنت ببص على عدد مشاركاتي
لاقيته وصل لرقم يخض بجد!!
15000
رقم يخوف و غريب... من كتر ماهوا كبير الواحد قلقان و خايف منه قوى
اول ما شفت الرقم كده بطلت اشارك... و قفلت صفحة المنتدى خالص
و كل مرة ادخل بعديها مارضيش اشارك
لحد تاني يوم
انا عارفة انى لو بدأت اشارك هشارك تاني و العدد هيفضل يزيد عادي...
و فعلأً الي حصل بعديها بيومين ولا تلاتة مع انى بدخل على فترات متقطعة و مش بقعد كتير بس المشاركات بتزيد اوى...
قعدت افكر لاقيتني نفس القصة هنا... المدونة مش بقالها كتير و انا لوحدي فيها مش معايا حد مشاركني في التدوين فيها... و مع ذلك عدد المدونات كتير..
اول ما بلاقي عدد المشاركات كده كتير بفتكر اية
{مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }
بس مش عارفة انا بتعامل بنفس المبدأ ولا لأ
مش عارفة اصلأً لو ماشية بنفس المبدأ كلامي هيقل و تدويني هيقل و مشاركاتي هتقل ولا هيبقى بس عليها رقابة مني انى مالفظش غير حاجة تبقى ليا مش عليا...
فيه درس كده بحضره انا البنت الوحيده الي صغيرة فيه
الباقيين كلهم طنطات كبار في السن فوق الاربعين مثلاً... فيه منهم جدود و عندهم احفاد
ف اخر مرة روحت طول الدرس و كان بيبقى نفسي اعلق... احنا عددنا صغير مش كبير اوى و فيه فرصة للتفاعل بين الناس
ف من اول ما قعدت قلت انا هاجي اتعلم منهم هما بس و اسكت... مش لازم اتكلم دلوقتي و لكام درس كده تانيين قدام :d
بس طول مانا بسمع الكلام من الحاجة الي بتلقي الدرس او منهم هما اما بيتناقشو
هموت و اعلق.. اقولهم صح الي بتعمليه ده و كملي عليه كذا و كذا
او لأ الي بتعمليه ممكن مش يجيب فايدة اوى ف جربي بطريقة تانية
بس افتكر الي بفكر فيه و اسكت..
لحد ما ماعرفتش امسك نفسي في النص و بدأت اتكلم
في الاول كانوا مستهبلني عشان اصغر واحدة و جاية تقول ايه دي
كانوا بيتكلموا اصلأً على حاجات بين الرجل و زوجته و تربية الاولاد و الشغل للمرأة و حاجات كده
بعد ما بدأت اتكلم بشوية لاقيت منهم بدأ يركز معايا... لما حسو انى مش بقول كلام اهبل
و طنط الي بتدي الدرس كانت مبسوطة مني اوى و اغلب الدرس باصة عليا و بتوجهلي انا الكلام
:)
احساس كان جميل والله
بس لما بربطه بعدد المشاركات و عدد التدوينات بحس انى لازم اقف مع نفسي
:)
هوا الي بعمله ده لفت انتباه!!
ولا الي بعمله ده عشان عندي معلومة عاوزة اقولها!!
ولا هوا واجب عليا ولازم اقدمه!!
ولا هيا قلة معرفة مني بأن الكلام الي طالع مني ده يا ليا يا عليا!!!
انا مش عارفة بجد
انا بفكر كتير على قد ما اقدر في كلامي قبل ما اطلعه
و كذا مرة بفكر نفسي بنية الي بعمله حتى لو كلمة صغيرة
بس بصراحة بدأت اخاف من الي بعمله ده
اخاف يكون حاجات ليا
اخاف في مرة اكون بتكلم كتير كتير مع حد و يبقى كلام كله في الهوا
اعرف واحدة طنط فظييعة بجد من ساعة ما تبتدي تتكلم ماحدش يعرف يسكتها :d
بس بتقول كلام كله تافه و أي كلام :(
اخاف اكون الي بعمله ده كده
و يبقى تضيع وقت ليا و ليكم الي بيقرى او الي بيسمع كلامي
مش عارف بقى ...
اهي خاطرة و خلاص الي عنده حاجة يفيدني يقدمهالي مشكوراً ربنا يكرمكم
:)
27 comments:
الحمد لله والصلاة والسلام على رسول الله
أول حاجة ياااااه خمشتاشر ألف كثير جدا
تاني حاجة كلامك فيه اتجاهين
الاتجاه الأول اتجاه الكلام والنصح في الحياة العامة ونصيحتي لك
1-وهي اللي حتحدد صلاح النية لو كنت في موقف وغيرك يكفيك الكلام هل تتوقين أيضا إلى الكلام؟
بمعنى آخر هل يهمك وصول الحق أو وصول الحق تحديدا على لسانك
2- لو قوبلت بالرفض أو الامتهان أو عدم الاكتراث كما ذكرت ما هو شعورك ؟
أما الاتجاه الثاني وهو اتجاه التدوين والكتابة في الانترنت فهذا له فوائد تعود عليك وأيضا تسجيل الأفكار قبل أن تضيع وترسيخها لذاتك قبل أن تكون لغيرك ويمكن معالجة النية شيئا ما بقدر من الخفاء وعدم الدخول في تفاصيل خاصة أكثر مما يحتاجه إيصال الفكرة
أنت تعلمين أن الموضوع يطول ولكن لا أريد أن أطيل
أسأل الله أن ينفعني وإياك بما أكتب وتكتبين وأن يكون في ميزان الحسنات
حصل موقف طريف الآن
الانترنت قطع بعد ما كتبت التعليق وبعدين زعلت عشانه هل وصل أم لا وهل سأكتبه تاني
قلت في نفسي هذا اختبار نوايا
فوجدته قد نزل الحمد لله والله المستعان
:)
ربنا يبارك فيك استاذى
:)
فعلاً من اول الناس الي دايماً باقيها في اي مدونة
و ربنا يعلم مدى التأثير الي حضرتك بتسبهولنا جميعاً لمجرد ان شخص في سن حضرتك و علمك و مكانتك يدخل يشوف الناس الي زينا بيعملوا ايه و يوجههم و يشجعهم
:)
جزاك الله خيراً
ربنا يكرمك على اضافتك :)
بالنسبة للسؤال الاول
:)
لأ خالص... المهم ان الحق يتقال
و لو الحق اتقال مش بعلق... غير لو عندي اضافة صغيرة اوى
او ساعات فيه حبة مواقف بيبقى ناس عاوزين يسمعوا رايي شخصياً... و الراي اتقال اصلأً
بقولهم زي ما قالت فلانة و اسكت
ممم
بس اصلاً اصحابي كانوا دايماً يقولوا انى من الناس الي بتسمعهم دايماً
مش بزهق اما اقعد اسمع حد و لو اتكلم عن ايه ممل :d
عشان كل حد ليه كلام في مخه و نفسه حد يسمعه ف بقعد اسمعهم...
و الكلام وقتها قليل
بس انا بتكلم كتير بردو :d
و السؤال التاني
مش بقعد ادافع كتير عن رأيي لو اللي قدامي مش عاوز يقبله
يعني بقولهم خلاص ده رأيي و ده رايك وز خلاص خلصت القضية
لو فضلت ادافع هيتحول الموضوع اني بدافع عن نفسي و ببقى بحارب عشان نفسي.. مش عشان الحق نفسه
ف مش بلاقيهلها لازمة و بسكت و خلاص كده
:)
جزاك الله خيرأً على الاضافة الثانية
بحق افادتني
:)
اسأل الله ان يعينني فيها
ربنا يكرمك و يباركلك و يجازيك خيراً كثيراً :)
:)
ربنا يتقبل منك
:)
و لو عند حضرتك اي اضافة في انتظارها ان شاء الله
:)
تعرفى مرة زمان دورت على اسمى فى جوجل
لما لقيت اكثر من صفحة فتحت وانا صممت
اكثر من منتدى وكتبت كثيبر قوى
قولت ياه
كل دة ممكن يرمينى فى الجنة او نار
سبحانك يارب من يوميها وبدات رحلة الفهم
احييكى على بوستك الجميل
ممكن تقبليني أخت لحضرتك في الله
أني أحبك في الله
نتقي الله فيما نقول و نحسن نوايانا و لا نقول الا مايرضي ربنا نأمن
كل ما نكتب محسوب
و ربما نموت و هناك اناس يقرأون كلامنا
فاما في الحسنات و اما في السيئات
ربنا يحميكي و يحفظك
و اعتقد الاستاذ عصفور كفى و وفى ربنا يباركله يارب
و في حاجة
انا اعشق افلام الكارتون الثري دي
و كتشكر جدا على الاعلان اللي عندك للفيلم لاني اول مرة اسمع عنه
و هانزله ان شاء الله و اشوفه
و ملقتش غير التريلر
:)
بسم الله الرحمن الرحيم ..
ما شاء الله 1500 :)
صحيح كل شخص ليه نصيب من اسمه ( مجاهدة )
وان شاء المشاركات تزيد اكثر واكثر :)
طلامه ان هناك التزام وحدود
وان هناك تجديد للنية مستمر .. وانكم تضعوا نصب اعينكم وانتم تكتبين ..
ان يكون هذا الموضوع ( علم ينتفع به )
وحتى لا اطيل عليكم اعطيكم مثال من عالم النت والمنتديات ربما توضح الفكرة :)
http://www.ikhwan.net/vb/showthread.php?t=24564
وبارك الله فيكم ونفع بكم
* اضافات مميزة اخي الفاضل عصفور المدينة :)
أخي الغزالي
ربنا يعزك يا اخي
:)
هيا فعلاً الحاجات دي كلها يا اما تودينا الجنة يا اما النار
ربنا يستر فعلاً...
طيب و حضرتك عملت ايه لما بدأت رجلة الفهم؟
:)
اصلي عارفة الحاجات دي من زمان :d
و مع ذلك مشاركاتي مش بتقل مثلاً
بس بقيت احاول يكون ليها هدف او فايدة...
ممم
مش هقول ان كلهم كده... بس على قد ما بقدر
حضرتك عملت ايه طيب؟؟
مسلمة
:)
مبروك البلوج بتاعك... و اهلاً بيكي في عالم التدوين
:)
اذكرك بالهدف من وراء البلوج و النية منه :)
و ان شاء الله ابقى اروح ازوره
ممكن تقبليني أخت لحضرتك في الله
اكيييييييييد
:)
انتي اختي في الله من غير ما تسألي
:)
ربنا يعزك و يكرمك
:)
اخي علاء
ربنا يكرمك يا اخي
:)
سبب من اسباب اشتراكي على المنتديات او بلوجات هيا اننا بنسيب كلام حتى بعد موتنا الناس تقراه و ممكن ينفعهم
اخونا عصفور المدينة كان ذكر في مدونته كلمة عجبتني اوى... اننا بنسيب ورث مكتوب...
ربنا يعيننا مانكتبش غير حاجة مفيدة و ترضيه..
بالنسبة للكارتون
انا بحب الكارتون جدا بردو :)
بس الحقيقة الفيلم ده لسه ماشفتوش
و ماعرفتوش غير من الشكل بتاع البلوج ده بردو :d
اعتقد لسه مانزلش ... الله اعلم
بس لو عرفت عنه حاجة ابقى ابلغ حضرتك ان شاء الله
:)
ربنا يعزك
أخي فن الحياة
ربنا يكرمك يا اخي
:)
ربنا يجعللي فعلاً نصيب من الاسم ده مايكونش مجرد لقب
:)
جزاك الله خيراً على التذكرة:)
و جزاك الله خيراً على اللينك
خلاني فعلًأ افكر في كذا حاجة...
ربنا يتقبل منها و يرحمها و يغفرلها
ربنا يعزك يا اخي
:)
بصراحه بعد لما قريت البوست اتردد ارد عليه قلت لا يكون الكلام اللى هقوله ملوش لازمه
وبعدين قلت طيب هعرف منين ان ليه لازمه ولا لأ الا اذا قلته والمتلقى قالى رايه ؟
ولقيت ان المعنى ده هو فى حد ذاته ردى... ان مش لازم تكونى بتتكلمى عشان بس تضيفى معلومه .. بس ممكن عشان تثبتى معلومه او تحذفيها... ممكن تتكلمى عشان تتاكدى من ان رايك صح او غلط ... ومينفعش تعرفى انه صح او غلط من مجرد السمع .. لان لازم مناقشه
اما موضوع لفت الانتباه والاخلاص؟
فمليش رد غير ان ربنا يعينا كلنا على الاخلاص اصعب عباده بالنسبالى... واجملها
شكرا وبووست موفق تانى
ربنا يكرمك
:):)
ربنا يباركلك و يكرمك يا رب
:)
بجد مشاركتك معناها قوى اوى
:)
ربنا يعزك و يكرمك و يرضى عنك
:)
جزاكى الله خيراً :)
:)
يعني في كل حتة هذه التذكرة
من اللاطائف فعلاً التذكرة في كل مكان
يعني مش حتعرف تنسي
اللي كاتباه بيفكرني بالقطار
:)
وهو فعلاً اللي بيخلي الواحد دايماً بيفكر من أن للأخر أنه يتوقف قليلاً
أو كثيراً
يحاسب نفسه
بس تعرفي
الرقم اللي أنت ذكرتيه خالاني أتخيل حاجة
أنت كتبت المواضيع في كام ساعة
كام يعني
مش كتير
طب تخيلي الحوارات التي قمنا بأجرائها في حياتنا
كيف سنحصيها
طب هل ممكن تبقي أمامنا
نعملها أيديت أو ديليت
أضافة أو حذف يعني :)
طب ممكن نرجع عن غلط حشرناه وسط الكلام
طب أحنا حنفتكر كل الكلام
ولا هو كان كلام في كلام
ربنا يباركلك يا اخي
:)
من رحمة ربنا بينا انه فعلاً مخليلنا كذا مكان و كذا شخص يذكرونا بالاهداف بتاعتنا و اننا المفروض نمشى في طريق اننا نحققها
كل الي مطلوب مننا اننا ناخد بالنا من التذكرة دي و نستغلها بأحسن طريقه مش نعدي عليها كانها لم تكن
:)
بالنسبة لكلام حضرتك على اننا نحرر كلام مثلاً قلناه في مرة...
ربنا يكرمك
هيا فكرة بتخوف شوية :d
ممم
كذا مرة افتكر كلام قلته بطريقة غلط او كلام اصلأً غلط
لو حاجة اقدر اصلحها بحاول اصلحها فعلاً
بروح اشوف الناس الي قلتلهم كده و اقولهم يوم ما قلتلكم كذا و كذا كان غلط
لو مافيش قدرة اقابلهم تاني ببقى فعلأً خايفة
عشان ماكونش بكلامي فتنت ناس و هما مشيو وراه و سلموا انه صح من غير ما يتأكدو من حد عالم اكتر..
كنت جالي وقت زمان بقعد ادعي ربنا انهم ينسو اللي قلته :d
او ادعيلهم انهم يعرفوا الصح فين من اي مكان تاني
و احاول اشوف الغلط الي قلته و اصلحه مع ناس تانية بقى لسه اول مرة اشوفهم
عسى الحسنات الجديدة تمحي السيئات دي القديمة.. و الي يستفيد جديد ينشر الفكرة الصحيحة عساها توصل لكذا حد و يصلح اي مفهوم خاطئ زمان...
ربنا يعيننا و يتولنا برحمته..
ربنا يكرمك يا اخي
:)
لا تضييع وقت ولا حاجة الحمد لله كلها مواضيع كويسة والناس بتستفيد منها وليك ثوابها عند الله
أولا كويس انك بتذكرى اللى بيكتب بالنية .. جزاكى الله خيراً
ثانياً : الواحد لو عرف وحط فى دماغه ان الكلام اللى بيقوله اما له او عليه فده هيفرق معاه كتير جداً .. وهيشوف الكلمة رايحه فين وجاية منين .. وده بقه اللى انا عايز اوصلهولك .. ان ممكن واحد يكتب حاجه مالهاش لازمة خالص لا هو استفاد منها ولا غيره استفاد .. فالأفضل انه يتراجع عنها علطول .. وده طبعاً غير النوعين اللى بيكتبوا نوع له ونوع عليه ..
ومش معنى ان الواحد بيكتب كتير يبقى اللى بيكتبه ده مش كويس ..
كان الإمام الشافعى بيقول ..
سهرى لتنقيح العلوم ألذ لى
من وصل غانية وطيب عناق
كانت ناس عايشة عشان تقرا وتكتب ..
بس طبعاً نفتكر الحكمة اللى بتقول من كثر كلامه كثر لغطة ..
فالإنسان يوازن بقه بين كده وكده
وأحسبك انك إنسانة كويسة وان شاء الله كلامك كله يبقى فيه إفادة وربنا يجعله فى ميزان حسناتك
تحياتى
ليه شوفتيها انها حاجه وحشه
انا شيفاها نوع من انواع الايجابيه
المهم ذي ماالناس قالت النيه
عقلي يامجاهدة ولا يهمك
انتي ممكن تقولي كلمة تغيير حياة انسان
استعيني بالله وتوكلي عليه
فالمومن الكيس من قيم نفسه من حين لاخر
الهمك الله للصواب
الهامك
hend
ربنا يكرمك و يباركلك يا رب
:)
عسى فعلأً يكون حد بيستفيد و بيعلي او انا حتى اكون بعلي بالاضافات دي
:)
جزاكى الله خيراً
:)
اخي ياسر
جزاك الله خيراً على اضافتك اخي الكريم
:)
و ربنا يكرمك على حسن ظنك
:)
اللهم اغفرلي ما لا يعلمون و اجعلني خيراً مما يظنون
ربنا يبارك فيك
:)
بالله المستعان
ربنا يباركلك على اضافتك
:)
هوا انتى انتى رؤية بتاعت هناك؟:d
منورة البلوج :d
و منورة عالم المنتديات
:)
ربنا يباركلك و يعينك
:)
......:)
ربنا يكرمك
:)
سعيدة بمرورك يا اخي
:)
السلام عليكم
في نفس المنتدي من اسبوع تقريبا لقيت ان فجأأأأأأأأه عدد مشاركاتي زاد .. بجد انا كمان اتخضيت .. وفكرت في نفس الأيه .. يعني سبحان الله .. كام مشاركة فيهم تمام .. وكام مشاركة فيهم مش لا بد .. يا تري انا بضيف ايه .. ويا تري بستفيد ايه .. طيب يا تري الموضوع مستاهل يعني أني أدخل اصلا
طبعا مش هقولكم كانت ايه اجاباتي .. بس كنا مشتركين في نفس الخاطرة يا جوجو
و عليكي السلام و رحمة الله
:):)
ربنا يكرمك و يباركلك و يرضى عنك يااااااااا رب يا كوكو
:):)
ممم
كويس بنفكر زي بعضيتنا اهو :d
اقرى كلام اخواننا هنا بجد كلامهم جميل ربنا يكرمهم
:)
Post a Comment