قادمون
كنت زمان كتير اسمع من ناس على حرب 6 اكتوبر 73 اننا وقتها انتصرنا عشان كان الايمان عالي قوى
كلمة الايمان عالي دي ماكنتش عمرى بفهمها... يعني كنت بقعد افكر الايمان بربنا يعني!!
ولا هما يقصدوا الايمان اننا هننتصر و الايمان بالفكرة بتاعت ان الجندي المصرى يقدر!
اصلي كنت مش متفهمة اوى فكرة الايمان بربنا عالي لما بشوف في الصور القديمة او الافلام اللبس الغريب الي كان على ايامهم
عشان كده كنت بقعد افكر في معنى كلمة "ايمانهم عالي" و بحاول استوعبها
لحد ما من كام يوم كنت مع مجموعة من السيدات كبار السن
و كانوا بيتكلموا قدراً عن الوقت ده ...
ف بردو بيقولوا اننا ربنا نصرنا وقت 73 عشان الايمان عالي
عديت الكلمة و مافكرتش فيها كتير... لنفس الاسباب الي ذكرتها فوق
لحد وا واحدة طنط لوحدها وضحت معنى الكلمة
بتقول انه في السنة دي ماكنش فيه محضر سرقة واحد!!
ولا فيه محضر نهب واحد اتعمل
ماكنش فيه خناقات و تتعملها محاضر في البوليس
طول السنة!
سمعت الكلام و كل الي جه في بالي وقتها!
طيب مانتو كنتو كويسين اهو !!!
امال ايه الي حصلكم بس
:(
واحدة بدأت توضح بعدها... ان للاسف وقتها كان الناس بيلبسو لبس غريب... يعني لبس النساء وقتها كان كله قصير او كله كات
بس فعلاً اخلاقهم كانت عالية
ماكنش حد بيبص لاي واحدة فيهم لأنها امه او اخته
ماكنش حد بيفكر بالطريقة دي!
كانوا حاسيين بالامان
ااه الايمان و انهم يمشوا باوامر ربنا زمان ماكنتش اوى.. خاصة في اللبس
بس الجوهر بتاعهم كان حلو اوى
و بعدين فيه منهم الي بدأ يقول ماحدش بيبص عليا
ف تقصر لبسها اكتر
و ناس تتنازل اكتر و اكتر كل شوية
لحد ما وصلنا للحالة الي احنا فيها دي:s
للاسف تلاقي عدد المحجبات زادو... بس بلا ايمان
و يا ريتهم محجبات كويسين... كاسيات عاريات... يخلوا الناس تبصلهم اكتر
و يسوءوا لسمعة الحجاب
بيقللو من شأن رسالة الحجاب
وي بقى الطبيعي جدا ان اي واحد ماشيى في الشارع يعاكس اي بنت
لدرجة انهم من كتر التعود بقو بيعاكسو حتى لو واحدة لابسة كويسة اوى
و تلاقي تناقض غريب في كل مكان
واحدة منتقبة و تتعاكس
و واحدة متقبة و بتتعامل بتصرفات غريبة جدا مع الناس
او بتمشى مع ولاد و طبيعي جدا
مع ان النقاب ده حاجة عالية قوى قوى و ماينفعش واحدة تكون وصلت لخطوة النقاب إلا و ايمانياتها و قربها من ربنا وصل لأعلي درجة
تلاقي الاسدال طلع في وقت موضة
و الاسدال اصلأً معمول عشان يضمنوا اللبس الشرعي للحجاب بأحسن طريقة
بس للاسف باظ مع الناس الي بيعملوا اي حاجة دول
الحجاب ضاع خالص..
لدرجة انى كتير كنت بقعد افكر... هوا لما بنت تلبس حجاب كده احسن ولا مش احسن
يعني احسن تفضل بشعرها!
ولا احسن تفضل بحجاب و لبس اي كلام!!
من غيره احسن والله
لأنها مش بتضر نفسها بس... دي بتضر نفسها و بتضر الرسالة كلها بتاعت الحجاب
كل شوية حد يوقع جزء مهم في الدين
لحد ما للاسف كتير قوى بيقع من الناس
نسو الله فأنساهم أنفسهم!
اما تلاقي في فترة الناس بدأت توقع الحياء
و بعديها الاخلاق االي كانت ماسكاهم و محوطاهم هيا كمان راحت
و العبادات بتقع من الناس لدرجة انك تلاقي الطبيعي في الناس - إلا من رحم ربي- الي بيادى حتى الفروض بالعافية!!
لحد ما بقنا امة مسخ... لا حصلنا دول ولا حصلنا دول
امة بلا هوية
لا حصلنا اننا مسلمين مؤمنين بربنا
ولا حصلنا حتى غرب في تحررهم... احنا حتى مبوظين معاني التحرر دي كلها!
قصص كتيرة اتحكتلي عن زمان... سوااء زمان في مصر من كام سنة و ازاي حاجة ورا التانية وقعت!
او زمان خالص من قصص القرأن...
ابسط مثال عن كده في سورة نوح.... ولا تذرن ألهتكم وداً ولا سواعاً، ولا يغوث و يعوق و نسراً
اصلأً كانوا عباد لله على قدر كبير من الورع و التقوى
و عشان الناس سمحت لنفهم انهم يوقعوا حاجة مهمة كل شوية
كله وقع
لدرجة انهم وصلوا في الاخر انهم يكونوا بيعبدوهم
و بقوا بالنسبة ليهم دول اصنام و آلهة يعبدوهم دون الله...
انا مش عارفة احنا ناويين نوصل لإيه بعد كده!
ـــــــــــــــــــــــ
بس بغض النظر عن كل الي فات ده...
انا متفائلة خير جدا جدا
لأن فيه فعلاً اجيال طالعة جديدة ااه فيهم بايظين اوى
بس فيهم كويسين اوى اوى
فَإِنْ يَكُنْ مِنْكُمْ مِائَةٌ صَابِرَةٌ يَغْلِبُوا مِائَتَيْنِ وَإِنْ يَكُنْ مِنْكُمْ أَلْفٌ يَغْلِبُوا أَلْفَيْنِ بِإِذْنِ اللَّهِ وَاللَّهُ مَعَ الصَّابِرِينَ
ممكن الاعداد الصغيرة دي كل حد فيهم يوصل انه يعرف يقوم عشرة لوحده...
و ممكن نرجع تاني في يوم من الايام زي ما كنا زمان
مش بس ايام حرب اكتوبر
ربنا يكرمنا نعرف نوصل لحاجة قريبة من ايام بدر حتى
:)
كلمة الايمان عالي دي ماكنتش عمرى بفهمها... يعني كنت بقعد افكر الايمان بربنا يعني!!
ولا هما يقصدوا الايمان اننا هننتصر و الايمان بالفكرة بتاعت ان الجندي المصرى يقدر!
اصلي كنت مش متفهمة اوى فكرة الايمان بربنا عالي لما بشوف في الصور القديمة او الافلام اللبس الغريب الي كان على ايامهم
عشان كده كنت بقعد افكر في معنى كلمة "ايمانهم عالي" و بحاول استوعبها
لحد ما من كام يوم كنت مع مجموعة من السيدات كبار السن
و كانوا بيتكلموا قدراً عن الوقت ده ...
ف بردو بيقولوا اننا ربنا نصرنا وقت 73 عشان الايمان عالي
عديت الكلمة و مافكرتش فيها كتير... لنفس الاسباب الي ذكرتها فوق
لحد وا واحدة طنط لوحدها وضحت معنى الكلمة
بتقول انه في السنة دي ماكنش فيه محضر سرقة واحد!!
ولا فيه محضر نهب واحد اتعمل
ماكنش فيه خناقات و تتعملها محاضر في البوليس
طول السنة!
سمعت الكلام و كل الي جه في بالي وقتها!
طيب مانتو كنتو كويسين اهو !!!
امال ايه الي حصلكم بس
:(
واحدة بدأت توضح بعدها... ان للاسف وقتها كان الناس بيلبسو لبس غريب... يعني لبس النساء وقتها كان كله قصير او كله كات
بس فعلاً اخلاقهم كانت عالية
ماكنش حد بيبص لاي واحدة فيهم لأنها امه او اخته
ماكنش حد بيفكر بالطريقة دي!
كانوا حاسيين بالامان
ااه الايمان و انهم يمشوا باوامر ربنا زمان ماكنتش اوى.. خاصة في اللبس
بس الجوهر بتاعهم كان حلو اوى
و بعدين فيه منهم الي بدأ يقول ماحدش بيبص عليا
ف تقصر لبسها اكتر
و ناس تتنازل اكتر و اكتر كل شوية
لحد ما وصلنا للحالة الي احنا فيها دي:s
للاسف تلاقي عدد المحجبات زادو... بس بلا ايمان
و يا ريتهم محجبات كويسين... كاسيات عاريات... يخلوا الناس تبصلهم اكتر
و يسوءوا لسمعة الحجاب
بيقللو من شأن رسالة الحجاب
وي بقى الطبيعي جدا ان اي واحد ماشيى في الشارع يعاكس اي بنت
لدرجة انهم من كتر التعود بقو بيعاكسو حتى لو واحدة لابسة كويسة اوى
و تلاقي تناقض غريب في كل مكان
واحدة منتقبة و تتعاكس
و واحدة متقبة و بتتعامل بتصرفات غريبة جدا مع الناس
او بتمشى مع ولاد و طبيعي جدا
مع ان النقاب ده حاجة عالية قوى قوى و ماينفعش واحدة تكون وصلت لخطوة النقاب إلا و ايمانياتها و قربها من ربنا وصل لأعلي درجة
تلاقي الاسدال طلع في وقت موضة
و الاسدال اصلأً معمول عشان يضمنوا اللبس الشرعي للحجاب بأحسن طريقة
بس للاسف باظ مع الناس الي بيعملوا اي حاجة دول
الحجاب ضاع خالص..
لدرجة انى كتير كنت بقعد افكر... هوا لما بنت تلبس حجاب كده احسن ولا مش احسن
يعني احسن تفضل بشعرها!
ولا احسن تفضل بحجاب و لبس اي كلام!!
من غيره احسن والله
لأنها مش بتضر نفسها بس... دي بتضر نفسها و بتضر الرسالة كلها بتاعت الحجاب
كل شوية حد يوقع جزء مهم في الدين
لحد ما للاسف كتير قوى بيقع من الناس
نسو الله فأنساهم أنفسهم!
اما تلاقي في فترة الناس بدأت توقع الحياء
و بعديها الاخلاق االي كانت ماسكاهم و محوطاهم هيا كمان راحت
و العبادات بتقع من الناس لدرجة انك تلاقي الطبيعي في الناس - إلا من رحم ربي- الي بيادى حتى الفروض بالعافية!!
لحد ما بقنا امة مسخ... لا حصلنا دول ولا حصلنا دول
امة بلا هوية
لا حصلنا اننا مسلمين مؤمنين بربنا
ولا حصلنا حتى غرب في تحررهم... احنا حتى مبوظين معاني التحرر دي كلها!
قصص كتيرة اتحكتلي عن زمان... سوااء زمان في مصر من كام سنة و ازاي حاجة ورا التانية وقعت!
او زمان خالص من قصص القرأن...
ابسط مثال عن كده في سورة نوح.... ولا تذرن ألهتكم وداً ولا سواعاً، ولا يغوث و يعوق و نسراً
اصلأً كانوا عباد لله على قدر كبير من الورع و التقوى
و عشان الناس سمحت لنفهم انهم يوقعوا حاجة مهمة كل شوية
كله وقع
لدرجة انهم وصلوا في الاخر انهم يكونوا بيعبدوهم
و بقوا بالنسبة ليهم دول اصنام و آلهة يعبدوهم دون الله...
انا مش عارفة احنا ناويين نوصل لإيه بعد كده!
ـــــــــــــــــــــــ
بس بغض النظر عن كل الي فات ده...
انا متفائلة خير جدا جدا
لأن فيه فعلاً اجيال طالعة جديدة ااه فيهم بايظين اوى
بس فيهم كويسين اوى اوى
فَإِنْ يَكُنْ مِنْكُمْ مِائَةٌ صَابِرَةٌ يَغْلِبُوا مِائَتَيْنِ وَإِنْ يَكُنْ مِنْكُمْ أَلْفٌ يَغْلِبُوا أَلْفَيْنِ بِإِذْنِ اللَّهِ وَاللَّهُ مَعَ الصَّابِرِينَ
ممكن الاعداد الصغيرة دي كل حد فيهم يوصل انه يعرف يقوم عشرة لوحده...
و ممكن نرجع تاني في يوم من الايام زي ما كنا زمان
مش بس ايام حرب اكتوبر
ربنا يكرمنا نعرف نوصل لحاجة قريبة من ايام بدر حتى
:)
9 comments:
السلام عليكم ..
رأيي الاتنين على نفس الدرجة ومفيش أفضلية ما بينهم .. اللي كاشفة راسها حتى لو لبسها محترم .. واللي لابسة طرحة ولبسها مش محترم ..
زي بالظبط اللي بيسرق واللي بينصب .. الاتنين حرامية .. ومفيش حد أحسن من التاني
في أكتوبر انتصروا لأنهم عملوا بأمر إلهي وأعدوا ما استطاعوا من قوة .. ما اعدوش قوة خرافية ولا حاجة ... لااااا .. مجرد إنهم اعدوا بمقدار استطاعتهم .. ومع الأيمان المحدود اللي كان أياميها واللي زي دلوقتي برضه .. قدروا ينتصروا
يعني أظن إنه ما كانش إيمان عالي ولا حاجة .. كان امتثال لأمر إلهي زي اللي قاله الرجلان لبني اسرائيل
ادخلو عليهم الباب .. فإذا دخلتموا فإنكم غالبون وعلى الله فتوكلوا إن كنتم مؤمنين
فبمجرد ما يدخلوا الباب كانوا حينتصروا .. واللي إحنا عملناها وقتها إن إحنا سمعنا الكلام ودخلنا الباب
لو كان الإيمان عالي وقتها فعلا .. كان زمان مفيش حاجة اسمها اسرائيل .. وكانت القدس الآن محررة
الدين المعاملة
والايمان ما وقر في قلبك وصدقه العمل
كله بيكمل بعضه
لما اصوم في رمضان وانا ما بصليش، او لما اصوم واصلي وبعد الفطار اروح اسهر في خيمة الرقص والغنا اللي فيها ما يتعملش الا جوه كباريه واسمها خيمة رمضانية،
ولما البس محزق وملزق والطرحة على راسي من فوق، ولما اصلي الظهر جماعة وارجع مكتبي افتح الدرج
يبقى ما فيش عمل لان ما فيش ايمان في قلبي
احييك يا مجاهده برغم صغر سنك الا انك ما شاء الله اعلى مننا كتير
احسبك كذلك ولا ازكي على الله احدا
محدش يقدر ينكر ان كان في اخلاق كتير اختفت او قلت
زي العرب قبل البعثة بالضبط كان عندهم اخلاق كان عندهم مرواه وشهامة وكرامة ونخوة
ولو لصينا علي ابو جهل اشد اعداء الاسلام كان راجل عنده اخلاق ف يليه الهجرة لما حاصروا بيت الرسول صلي الله عليه وسلم واحد اقترح ينطوا السور ويقتحموا البيت علي الرسول فابو جهل رفض عشان مفيش راجل غريب يدخل علي بنات عمومته اللي هما بنات سيدنا محمد صلي الله عليه وسلم
يعني الشاهد ان كان عندهم اخلاق بس مكنوش مؤمنين
نفس الكلام كان من بداية السبعنيات كان عندهم اخلاق قلت جداً دلوقتي
انما عم اسباب النصر ان فعلاً المصرين خدوا بالسباب واصلحوا انفسهم وخاصة علي مستوي الجيش ودا كان باين من كلام القادة من المقارنة بين شخصية الجندي في النكسه اللي كان لابس سلسله ومؤمن بالشيوعيه وكل همة لذاته وبيشربوا في الوحدات
ولبن الجندي في 73 اللي كان شايف علي طول معاه مصخف وبدل الاجاني الوطنية اتبدلت بتكبير وقت العبور
في 67 كان الحلة العامة للناس بيدورا علي الاماكن اللي يشغلوها يقدروا بنهبوا منها ويعبوا في جيوبهم
في 73 الناس كانت كارهة الفساد وبتاحربة بكل قوتها ودا كان واضح في البينات والصحف اللي بتهاجم الحكومة لما اتقال ان في سلع تموينة فسدت نتيجة الاهمال والناس والصحافه هجمت الحكومة بشده
في حين انهم حولوها للجيش كا مخزون استراتيجي
يعني الاخلاق كمان كان معايا عودة لله
مش اخلاق بس
سعادتك أنا مواليد 67
وبعدين الإيمان والثقافة الدينية الآن أعلى وانا كاتب الكلام ده في بوست عندي يانصيب الصحوة
لا يجوز تقييم الأوضاع عامة على وقت شدة الناس وقت الشدائد طبعا يكونون أقرب إلى الله
وكما نوه أخي ما علينا
حدث امتثال لأمر الله في القتال
بخصوص موضوع الحجاب ومشاكله هي فعلا زيادة جدا ولكن على الأقل هذا يهيء جو ما للشاب الذي يريد أن يغض بصره وأيضا ممكن هذه البنت يهديها الله فيما بعد وكون تعودها على لبس الحجاب دافعا لها للامتثال بآدابه
أنا باه مواليد 83 :)
للاسف اليومين دول معادش في الحياء و الكلام ده و باحاول مخليش عيني تألف المعصية
يعني باستغرب كل مرة لما الاقي ولد و بنت ماشييف و ماسكين ايد بعض و قاعدين يفعصوا فيه و هم لسه صغيرين يعني لا مخطوبين و لا بتاع
و لا وش كده أصلا
المشكلة الاكبر موضوع ان قلبك ابيض زي الخساية و الحاجات دي
تلاقي الواحدة لابسة قصير و حاطه كيلو مكياج و حالتها كرب و يقولك .. بس عارف دي مؤمنة و الله و قلبها طيبة
انا بصراحة ردي بيكون وحش ساعتها
اه يمكن تكون طيبة وو مش عارفة ان ده غلط
بس كلمة مؤمنة مش سهلة
دا حتى الملتزمين مش كلهم وصلوا لدرجة الايمان
لانه درجة اعلى من الاسلام
موضوعك قيم جدا ربنا يبارك فيكي
أختي في الله
أعرف ما تقصدينه
وهو بشأن الفراغ الداخلي الذي نحياه جميعاً
ولكن حتي وأن كانت الثمرة ذات طعم سئ فلن تتخلي ابداً عن قشرتها
وقضية الأيمان مرتبط في عرف بني أدم بحالته النفسية
طبعاً ليس علي عموم العموم
ولكن الأيمانيات تظهر أط\كثر وقت الضعف وألانكسار وأذا سري الأيمان في مجموعة فأنه ينتقل بسرعة شديدة
طيب نبتدى من الاول خااااااالص
فى سنة 73 كان فعلا الايمان عالى .. كانت كلمة الله اكبر دى .. ترهب العسكرى اللى قدامك
كانت الجوامع مليانة فى كل الصلوات .. مكنش فيه سرقة مكنش فيه نصب
مكنش فيه ميلودى او مزيكا
اه كان اللبس صعب .. وكانت الناس بتعمل حاجالت غريبة كده
بس كان فعلا فيه اخلاق
انا بس اعترض معكى اختى انك بتقولى ان الحجاب الان منتشر بطريقة ملفته
اختى ده مش حجاب .. ده غطاء رأس
الحجاب هو اللى يتوافر فيه شروط الحجاب
لكن ده .ز غطاء راس
ده شعر البنت اللى باين بيبقى اكتر من شعرها المتغطى
وبيبقى ملفت بشكل .. اكبر من البنت اللى ماشية وشعرها باين كله ومش لابسة حاجة عليه
الثقافة الغربية التدميرية .. عرفت ازاى توصلنا انا الحجاب هو حتة القماشة اللى بحطها على راسى
تغطى متغطيش بقى مش مهم .. المهم ان فيه حته قماشة على شعرى
كنت فى فرح من كام يوم .. وكان الفرح صبيان وبنات فى قاعة واحده .. فرح واحد مش ملتزم قوى يعنى .. وكان فيه بنات محجبه أ قصدى مغطيا راسها فى الفرح ـ لكن للاسف
الفساتين اللى هما لابسينها للاسف كانت مبينه اجزاء كممن جسمهم
لاسباب كتيرة .. الفستان شفاف الفستان الشال اللى عليه بيقع
قله ادب يعنى .. تفتكروا كده فيه .. ولا بلاش
نسأل الله العفو والعافية.. اللهم ردنا إلى دينك ردا جميلا، وانصرنا على أنفسنا وعلى عدونا نصرا مبينا
يارتنى افتكرت قرش ساغ ضايع
:D
كنت لسه حالا بكلم ماما فى الموضوع ده
بقولها يعنى اللى يشوف صورك زمان واللبس اللى كنتى بتلبسيه ميقولش ان انتى اللى قاعده ادامى دلوقتى
حياء ايه وادب ايه
قالتلى فكرك انى مكنتش كده زمان
داحنا كنا قمه الحياء والاخلاق
الحمد لله
بس دى بركه الاعلام المصرى على فكره
:D
ربنا يحفظنا
سلام عليكم
Post a Comment