واجب من مها و أخ وضاح
السلام عليكم و رحمة الله
الوسم ده اتبعتلي من فترة من مها و قريب اوى
اتبعتلي من اخ وضاح نفس الوسم :)
ماعنديش اجابات قوية زي مها
الحقيقة ربنا يكرمها بتعلم الناس حتى في اجاباتها على الحاجات دي :)
بس يعني هقول الي عندي عسى يفيد اي شخص معدي هنا ولا هناك :)
ممم بداية... انا مش بغضب بسرعة... يعني ببقى هادية ممكن انفعل شوية.. بس بيبقى انفعال جوايا بسيط و خلاص على كده :)
بس اغضب و ازعق و اعمل
مش بتحصل الحمد لله :)
أولا : كيف تعبر إذا عصبت أو غضبت ؟
زي ما قلت... بنفعل بس مش بزعق ولا بخبط حاجة في الحيطة ولا اي حاجة
بس التعبير ده بيطلع على شكل شوية كلمات مش مفهومة ....
و بخاف اقول كلام مش كويس
في نفس الوقت عاوزة اقول كلام الي جوايا
ف بطلع اول كلمة... و بعدين اقول : لا بقى خلاص اسكتي
و بعدين اجي اطلع تاني جملة... المفروض تبقى جملة مفيدة
بعديها اقول خلاص بقى مش مهم.. هكلمكم بعدين
و امشى اعتزل الناس شوية
عشان ماقولش كلام وحش ولا اقول كلام يضايق ولا اطلع ضيقي من حاجة تانية على حد مش ليه دعوة...
و بعد ما اهدى و افكر كويس
ابتدي بقى اقول الي عاوزاه بشكل منظم على قد ما بقدر
وكيف ينفس عن غضبه و يتخلص من الحالة العصبية ؟
عندي كذا طريقة
كذا حاجة الحقيقة
بس كلهم لوحدي...
عشان ماقولش كلام انا نفسي اتضايق بعد كده انى قلته....
لو الحكاية ان حد ضايقني دلوقتي حالاً حالاً....
بحاول في الاول افكر نفسي كذا مرة ان اختلاف اراء...
و لو عرفت اظبط الموضوع في صالحي يبقى احسن..
بدل ما اكون بحاول ادافع عن نفسي و احط نفسي في شكل الضحية و خلاص
ف بحط نفسي مكان الشخص ده و افهم وجهة نظره...
و اشوف لو مكانه هتصرف كده ولا لأ لو حطيت نفسي مكانه
و طلع فعلأً بردو فيه ظلم ليا او تعدي عليا... بفكر نفسي انى لو اتنرفزت مش هفيد اي حد ولا هفيدني
و لو زعقت هيرد عليا بزعيق اكتر و اكون انا الخسرانة بردو
ف بتناقش مع الشخص ده..
لو مافييش فايدة اكسب الموضوع في صفى.. و اكسب الشخص لصفى يبقى على الاقل احاول ماخسرش الشخص نفسه
كان فيه جملة فيما معناها.. خير لك ان تكسب قلب على ان تكسب موقف
ف بحاول ابتسم و افهمه فيه كذا و كذا...
لو اختلاف اراء
اختلاف الرأي لا يسفد للود قضية
لو الموضوع بايظ بايظ و مافيش اي فايدة من اي حاجة
بفتكر ان الرسول قال لا تغضب
و بفتكر ان الاقوى هوا الي بيفضل هادي
ببتسم و اقفل الموضوع و اقول طيب ماشى.. خير
و الموضوع طبعأً بيجي على نفسيتي اوى بعديها :)
ف بفتكر ان الرسول عليه الصلاة و السلام كان إذا أهمه امر فزع إلى الصلاة
ف لو وقت صلاه و فيه مكان صلاة بروح اصلي ركعتين لله
لو مش وقت صلاة او مش فيه مكان دلوقتي اصلي فيه.. بستنى لبليل خالص و بحضر نفسي لليلة طويلة مع ربنا اشكي له فيها الي حصل و ادعيه يقضى امراً في الي حصل :)
لو بقى موقف لسه حاصل دلوقتي حالاً و كان بيشكل صدمة كبيرة عليا... حصلتلي كام مرة
و ابقى مافيش حد قدامي افهم منه الموقف كاملاً ولا انا نفسي عارفة افكر بشكل منقطى
لأنى بفكر في كذا حاجة في نفس الوقت
ف مش بعرف افهم كويس ولا عارفة اطلع حل مناسب
بروح انام
مش هروب...
بس كأنى بعمل لمخي
restart :)
اصحى بعديها بفترة بحس انى فعلأً بفتح من اول و جديد... افكر في كل نقطة لوحدها و اربط الاحداث ببعض و ابتدي افكر في حل عملي سليم اقدر اخده
لو بقى موقف كبير و بيتكرر كل شوية او موقف قديم مضايقني
باكول شوكولاتة :d
او بتفرج على كارتون
او اقعد مع نفسي في الاوضة شوية اقعد احاول افتكر حاجات لذيذة :)
او اروح العب رياضة... بطلع فيها كل الي جوايا و اخرج مبسوطة إلى حد كبير
او بكلمة تانية ادق.. بخرج حاسة انى مقبلة بشكل اكبر و نشيطة ف بتبسط :)
احط سماعة في وداني و اسمع قرأن لمقرئ صوته يريحني
اشرب كوباية مية ساقعة :d
بتساعد اوى على فكرة :):)
هيا بس ممكن اكتر حاجة نفسي اظبطها شوية انى ساعات ابقى متنرفزة اوى من حد و بحاول اكتم النرفزة دي جوايا و اطبق كل الي قلتلكم عليه فوق ده
و ساعات بحسني بحارب فعلًأ عشان افضل لسه مبتسمة و مش اطلع النرفزة دي على الشخص الي قدامي يجي بقى حد تاني بره الموضوع في نفس الوقت يضايقنى
:d ببقى اصلأً عاملة مجهود ماتنرفزش على الي قدامي و يجي حد عاوز مجهود اكبر ماتنزرفزش عليه هوا كمان بحس ان كل حد ياخد وقته
:d
يجو طوابير احسن :)
دي بس الحاجة الوحيدة الي لما بتحصل... بطلع كلمتين بحس انهم مش ليهم لازمة بردو
مش بزعق او اتنرزف او اقول كلام وحش
بس بقوله بطريقة تضايق ساعات... بقولهم بس خليكو كمان شوية انا جايالكم..
بس ساعات بتطلع وحشة ...
بس كده :)
نسيت ان في الاخر المفروض امرر الواجب ده لحد و مايقفش عندي
:)
مررته لناس كتيرة شوية :d
عشان يحرموا :d
ويسبر و فلونا في
Puzzled
بنت مصرية في رنين الصمت
كليوباترا في
stop here
كش ملك.. اخ خطاب و اخ محمد
اخ عمار في شخابيط
اخ عمرو في
Hyper minds
اخ محمد في مش معاهم
بس كده كفاية
:)
سلام عليكم
15 comments:
جزاك الله كل خيرررررر
وجعله الله لك منبرا للدعوة
:d
:):)
جزاك الله خيراً كثيراً
اسعدتني تلك الدعوة جدا جدا
:)
ربنا يكرمك
:):)
التاج ده أنا اتعلمت منه كثير من الأخوة والأخوات اللي جاوبوا عليه
جزاك الله خيرا
السلام عليكم
جزاكم الله خيرا على زيارة مدونتى المتواضعة ..
وأشكرك على تذكرى بالنية وعلى التشجييع والدعاء ..
وبالنسبة لموضوع الغضب فهو يحتاج إلى جهاد نفس .. و سمى جهاد النفس جهاد .. للصعوبة والمشقة التى يكابد نفسه فيها .. فيجاهد نفسه الا يغضب .. ومثلا انسان معتاد على الغيبة .. فعندما ينوى ان يتوب منها .. فإنه يعانى كثيرا حتى يتخلص منها فهو حقاً جهاد ..
وبالرغم من انى قرأتها سابقاً ولكنى احبها جداً هذه الجملة
خير لك ان تكسب قلب على ان تكسب موقف
تحياتى
استاذى الفاضل عصفور المدينة
:)
احنا الي بنتعلم من حضرتك كتير بجد و ربنا يعلم اد ايه
:)
ربنا يكرمك و يجازيك خيراً كثيرأً
:)
اخي ياسر سليم
و عليك السلام و رحمة الله
ربنا يكرمك يا اخي
:)
جزاك الله خيرأً على اضافتك
اتفق معك فيها كثيراً
:)
ربنا يكرمك و يعننا جميعأً على الجهاد الاكبر ... جهاد النفس
:)
بصراحه يا جوجو .. كلماتك دائما بستفيد منها .. اجابات جميله اوي ربنا يكرمك .. وجزاكي الله خيرا علي الواجب .. :D
الله عليك يا بنتي
ما شاء الله تبارك الرحمن
اجابتك صادقة ومفيدة ومحترمة جدا .. ربنا يرزقك الرضا ويكملك بعقلك
مش عايزة أبالغ في المديح .. اللى في القلب في القلب بقى وإنت عارفة :)
أحبك في الله .. وعلى فكرة يسبر وفلونا ورنين الصمت بعتلهم الوسم ده قبل كده ولسه مجاوبوش عليه .. فيلا نزن عليهم احنا الاتنين ^_^
@المجاهدة
فعلاً والله كلماتك دايماً بتبقى مفيدة لحد ..
حتى لو مش بتتعمدي كده..
جزاك الله خيراً
وشكراً على التاج :D
يارب ميخللش زي أخوه بس
طيب جزاك الله خير
هرد عليه قريبا بعون الله
تالت مرة يصلنى و اعتذر عن التأخير
:)
ربنا يبارك فيكي
بالنسبة للسؤال
ربنا يسسر
هو كان جلي من اخت مها
كليوباترا
:)
ربنا يكرمك يا رب:)
جزاكى الله خيراً على كلامك الطيب
:)
مبسوطة انكن تتعلموا و لو حاجة بسيطة
:)
و لما تبقى فاضية ابقى اعمليه
:)
مها
بس يا بنت الكلام ده عيب -_-
ربنا يكرمك و يعزك يا رب
:)
ويسبر اول ما ادتلها التاج قالتلي فيه ناس عاوزة تضرب و اسمهم المجاهدة
:d
انا معاكي اننا نزن عليهم مع بعض
:lol:
و اااه
انا الي بحبك في الله مش انتى -_-
:)
احبك الذى احببتني فيه
:)
اخي عمرو
ربنا يعزك على كلامك الطيب
:)
جزاك الله خيرأً
:)
انتو جواكم نفس الكلام و اكتر بجد بكتير :) ربنا يبارك لك
خد راحتك يا اخي :) انا حضرتك تبقى فاضى ابقى حله
:)
اخي خطاب
ربنا يكرمك
:)
لما حضرتك تبقى فاضى يا اخي ابقى اعمله :)
مافيش تأخير ولا حاجة
:)
اخي محمد
شكل مها بعتت كذا حد :d
و شكلنا هنزن مع بعض كتير عليه
:d
خد راحتك يا اخي ولا يهمك
:)
اما حضرتك تبقى فاضى ابقى رد عليه
:)
اخي دافيد سانتوس
طيب... !
:d
شكراً على المرور الكريم :)
ماشاء الله حلو جدا الإجابات على الواجب ده
حقيقي الواجب دا من أفضل التاجات اللي اتمررت لي ومررتها لغيري
بجد اجاباتك ماشاء الله متزنة وعاقلة جدا ولا تخرج إلا من المجاهدة
أعانك الله وجزاك الله خيرا لإجابة هذا الواجب :)
اخي وضاح
:):)
ربنا يكرمك يا اخي
ده بس من كرمكم انتو
:)
جزاك الله خيراً
و ربنا يجعلني اهلًأ لهذا الاسم فعلاً :)
جميل يا قمرة
وان شاء الله ارد قريب
حمد الله على السلامة يا كات :d
ربنا يكرمك يا رب
:)
خدي راحتك يا جميلة
:)
Post a Comment